BAQ.kz - Қазақстан жаңалықтары USD 338.78 BAQ.kz - Қазақстан жаңалықтары EUR 392.82 BAQ.kz - Қазақстан жаңалықтары RUB 5.35
استانا:

قارجى ٴمينيسترى: مەملەكەتتىك بيۋدجەت كىرىستەرى اسىرا ورىندالدى 

مەملەكەتتىك بيۋدجەت كىرىستەرى ەسەپتىك كەزەڭنىڭ جوسپارىنا قاراعاندا 107،8%-كە اسىرا ورىندالدى. بۇل جونىندە بۇگىنگى ۇكىمەت وتىرىسىندا قر قارجى ٴمينيسترى باقىت سۇلتانوۆ مالىمدەدى، دەپ حابارلايدى baq.kz ٴتىلشىسى.

«ٴبىرىنشى توقسانداعى مەملەكەتتىك قارجىنى باسقارۋداعى قىزمەتتىڭ ماڭىزدى باسىمدىلىقتارى ول جوسپارداعى كىرىستەردىڭ تولىق ٴتۇسۋىن قامتاماسىز ەتۋ جانە شىعىستار بويىنشا مەملەكەتتىك ساتىپ الۋلار راسىمدەرىنىڭ ۋاقىتىندا وتۋىنەن باستاپ جەكە كەلىسىمشارتتار بويىنشا مىندەتتەمەلەردىڭ دەر كەزىندە تىركەلۋىن قاداعالاۋ بولدى. «نۇرلى جول»، «نۇرلى جەر»، «بيزنەستىڭ جول كارتاسى» سياقتى مەملەكەتتىك باعدارلامالاردى ىسكە اسىرۋ شەڭبەرىندەگى قارجىلىق پروسەستەرگە اسا نازار اۋدارىلدى. ناتيجەسىندە، مەملەكەتتىك بيۋدجەت كىرىستەرى ەسەپتىك كەزەڭنىڭ جوسپارىنا قاراعاندا 107،8%-كە، رەسپۋبليكالىق 101،9%-كە، جەرگىلىكتى بيۋدجەتتەر 124،6%-كە اسىرا ورىندالدى. مەملەكەتتىك بيۋدجەتتىڭ شىعىستارى 95،7%، رەسپۋبليكالىق 96% جانە جەرگىلىكتى بيۋدجەتتەر 97،7% شاماسىندا اتقارىلدى. وتكەن ەسەپتى كەزەڭنىڭ باستى ەرەكشەلىگى – ٴتورتىنشى دەڭگەيدەگى جەرگىلىكتى ٴوزىن-وزى باسقارۋ بيۋدجەتىنىڭ جۇمىسى باستالدى. ٴبىرىنشى توقساندا ولاردىڭ شوتتارىنا 28 ملرد تەڭگە ٴتۇسىم جينالىپ، 22 ملرد تەڭگەگە شىعىستار جۇمسالدى»، - دەدى سۇلتانوۆ.

بيۋدجەت پارامەترلەرىنىڭ ورىندالۋىنا تولىعىراق توقتالعان مينيستر سالىق پەن سىرتقى ساۋدا اينالىمىنداعى جوسپارلار دا بەلگىلەنگەن مەجەدەن اسىرا ورىندالعانىن اتاپ ٴوتتى.

«رەسپۋبليكالىق بيۋدجەتكە 1 ترلن 299 ملرد تەڭگە كىرىس ٴتۇستى. بۇل جوسپاردان 24 ملرد تەڭگەگە، ال بىلتىرعى جىلدىڭ وسىنداي كەزەڭىمەن سالىستىرعاندا 142 ملرد تەڭگەگە ارتىق، ٴوسۋ قارقىنى 112،3%. جوسپاردىڭ اسىرا ورىندالۋى سالىقتار ەسەبىنەن 17 ملرد تەڭگە، سالىقتان تىس تولەمدەر بويىنشا 7 ملرد تەڭگە قالىپتاستى. سالىقتار جوسپارىنىڭ ارتىعىمەن ورىندالۋىنا تاۋ-كەن ونەركاسىبىندە ٴونىم شىعارۋدىڭ 105% ٴوسۋى، وڭدەۋشى ونەركاسىپ سالاسىنداعى 106،1%، ساۋدا 107%، كولىك 104،4%، بايلانىس 105،7%، اۋىل شارۋاشىلىعى 105،3% ۇلعايۋى اسەرىن تيگىزدى. سىرتقى ساۋدا اينالىمىنىڭ 24،8%-كە، ونىڭ ىشىندە، يمپورتتىڭ 25% ارتۋى تىكەلەي قوسىمشا تۇسىمدەرگە الىپ كەلدى»، - دەدى مينيستر.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي