BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

ينفلياسيا وسى جىلدىڭ قاڭتار-تامىز ارالىعىندا 2،9% بولدى – اقىشەۆ

ينفلياسيا 2018 جىلعى قاڭتار-تامىزدا 2،9% بولدى، بۇل وتكەن جىلعى وسىنداي كەزەڭنىڭ كورسەتكىشتەرىنەن تومەن. جىلدىق ينفلياسيا وتكەن جىلدىڭ سوڭىنداعى 7،1%-بەن سالىستىرعاندا تامىزدا 6،0%-عا دەيىن باياۋلادى. بۇل تۋرالى قازاقستان ۇلتتىق بانكى ٴتوراعاسى دانيار اقىشەۆ قر ۇكىمەتىنىڭ «الەۋمەتتىك-ەكونوميكالىق دامۋدىڭ جانە رەسپۋبليكالىق بيۋدجەتتىڭ ورىندالۋىنىڭ 2018 جىلعى 8 ايداعى قورىتىندىلارى تۋرالى» وتىرىسىندا ايتتى، دەپ حابارلايدى baq.kz اقپارات اگەنتتىگى.

ول حالىق اراسىندا ساۋالناما جۇرگىزۋ ناتيجەسى بويىنشا تامىزدا ٴبىر جىل العا كۇتىلەتىن ينفلياسيانى ساندىق باعالاۋ، اعىمداعى جىلدىق ينفلياسيا دەڭگەيىمەن ٴىس جۇزىندە تەڭەسىپ، 5،9% دەڭگەيىندە ەكەندىگىن اتاپ ٴوتتى.

«قازاقستان ۇلتتىق بانكىنىڭ باعالاۋى بويىنشا، اعىمداعى جىلى ينفلياسيا 5-7% نىسانالى دالىزدە ساقتالادى. الايدا سوڭعى بىرنەشە ايدا ينفلياسيانىڭ ۇلتتىق بانك وسىعان دەيىن باعالاعانىنان باياۋ تومەندەۋ تاۋەكەلدەرى ٴوستى. ينفلياسيا 2019 جىلى نىسانالى ٴدالىزدىڭ جوعارى شەگىنە جۋىق قالىپتاسادى، ونى قازاقستان ۇلتتىق بانكى 4-6% دەڭگەيىندە ايقىندادى. بۇل سىرتقى فاكتورلار اسەرىنە، سونداي-اق ىشكى جيىنتىق سۇرانىستىڭ كەڭەيۋىنە بايلانىستى. وسىعان وراي ينفلياسيانى نىسانالى دالىزدە ساقتاۋ ٴۇشىن قوسىمشا شارالار قابىلداۋ قاجەت»، - دەدى د.اقىشەۆ.

ول جىل باسىنان باستاپ بازالىق مولشەرلەمەنىڭ 10،25%-دان 9%-عا دەيىن تومەندەتىلگەنىن اتاپ ٴوتتى. ەگەر ينفلياسيا تاۋەكەلى بويىنشا باعالاۋ دۇرىس بولسا، قازاقستان ۇلتتىق بانكى جىل سوڭىنا دەيىن اقشا-كرەديتتىك تالاپتاردىڭ قاتاڭداۋىن جوققا شىعارمايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي