BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

حالىقارالىق رەزەرۆتەر 1،5% دەيىن ۇلعايدى – تيمۋر سۇلەيمەنوۆ 

اعىمداعى جىلدىڭ 1 ساۋىرىندە ەلدىڭ حالىقارالىق رەزەرۆتەرى 1،5% نەمەسە 90،4 ملرد دوللارعا دەيىن ۇلعايدى. بۇل جونىندە بۇگىنگى ۇكىمەت وتىرىسىندا ۇلتتىق ەكونوميكا ٴمينيسترى تيمۋر سۇلەيمەنوۆ مالىمدەدى، دەپ حابارلايدى baq.kz ٴتىلشىسى.

«اعىمداعى جىلدىڭ ٴبىرىنشى توقسانىندا ەل ەكونوميكاسىندا جاعىمدى ۇردىستەر ساقتالدى. ەسەپتىك كەزەڭدە ٴجىو ٴوسۋى 4،1% قۇرادى. 2017 جىلعى سايكەس كەزەڭدە 3،6% بولعان. مۇنداي سەرپىن ونەركاسىپتىڭ، اۋىل شارۋاشىلىعىنىڭ جانە كورسەتىلەتىن قىزمەتتەر سالاسىنىڭ وسۋىمەن قامتاماسىز ەتىلدى. سونداي-اق، ٴجىو ۇلعايۋىنا ينۆەستيسيالاردىڭ جوعارعى ٴوسىمى جانە تومەن ينفلياسيالىق پروسەستەر سەپتىگىن تيگىزۋدە. ينفلياسيا جىل باسىنان بەرى 1،8% قۇرادى. بۇل كورسەتكىش 2017 جىلعى سايكەس كەزەڭنەن 0،5% تارماققا تومەن. جىلدىق ماندەگى ينفلياسيا 6،6% قۇرادى»، - دەگەندى ايتتى مينيستر.

سونداي-اق، ەلىمىزدەگى ونەركاسىپتە دە ٴوسۋ بايقالىپ، بۇل ٴوسۋ كورسەتكىشى 5،3% قۇراعان. ٴمينيستردىڭ ايتۋىنشا، بۇل رەتتە وڭدەۋ ونەركاسىبى وزىق قارقىندى كورسەتىپ وتىر.

«اعىمداعى جىلدىڭ 1 ساۋىرىندە ەلدىڭ حالىقارالىق رەزەرۆتەرى 1،5% نەمەسە 90،4 ملرد دوللارعا دەيىن ۇلعايدى. التىن ۆاليۋتا رەزەرۆتەرى 1،1% نەمەسە 31،1 ملرد دوللارعا دەيىن، ۇلتتىق قور اكتيۆتەرى 1،6% نەمەسە 50،3 ملرد اقش دوللارىنا دەيىن ٴوستى. سونىمەن قاتار، ونەركاسىپتە دە ٴوسۋ بايقالادى. مۇنداعى ٴوسۋ 5،3% قۇراعان جانە بۇل رەتتە وڭدەۋ ونەركاسىبى وزىق قارقىندى كورسەتىپ وتىر»، - دەدى سۇلەيمەنوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي