BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

ەسەپتەۋ پريبورىن ورناتۋ ارقىلى جىلۋ اقىسىن ۇنەمدەۋگە بولادى

استانا، baq.kz ٴتىلشىسى. جالپىۇيلىك جىلۋدى ەسەپتەۋ پريبورلارىن ورناتۋ كەزىندە تولەم 36% دەيىن نەمەسە كولەمى 60 شارشى مەتر ەكى بولمەلى پاتەردىڭ جىلۋى ٴۇشىن ورتاشا ەسەپپەن 2720 تەڭگەگە تومەندەيدى. بۇل تۋرالى ينۆەستيسيالار جانە دامۋ ٴمينيسترى جەڭىس قاسىمبەك قۇرىلىس جانە تۇرعىن ٴۇي كوممۋنالدىق شارۋاشىلىعىن سيفرلاندىرۋ تاقىرىبىنداعى بايانداماسىندا مالىمدەدى.

جەرگەلىكتى اتقارۋشى ورگانداردىڭ دەرەكتەرى بويىنشا، ەلىمىزدە كوپپاتەرلى تۇرعىن ۇيلەردى پريبورلاندىرۋ دەڭگەيى 45% قۇرايدى. 50 مىڭعا جۋىق ۇيگە جالپىۇيلىك ەسەپتەۋ پريبورلارى ورناتىلعان، قوسىمشا تاعى 62 مىڭ پريبور قاجەت.

ٴمينيستردىڭ ايتۋىنشا، ببۇكىل ەل بويىنشا بۇل ۇنەمدەۋ جىلىنا 32،5 ملرد تەڭگەگە نەمەسە 5 جىلدا 162،5 ملرد تەڭگەگە جەتۋى مۇمكىن.

«اقتوبە قالاسىنداعى 29،8 شارشى مەتر پاتەرگە جالپىۇيلىك جىلۋدى ەسەپتەۋ پريبورى مەن اۆتوماتتى جىلۋ پۋنكتىن ورناتقاننان كەيىنگى ۇنەمدى مىسال رەتىندە ايتۋعا بولادى. 2017 جىلدىڭ قازان اينىدا جىلىتۋ قۇنى 3547 تەڭگەنى قۇرادى. جىلۋدى ەسەپتەۋ پريبورى مەن اۆتوماتتى جىلۋ پۋنكتىن ورناتقاننان كەيىن 2018 جىلدىڭ قازان ايىندا جىلىتۋ قۇنى 466 تەڭگەنى قۇرادى، ياعني ۇنەم – 3081 تەڭگە»، - دەدى قاسىمبەك ۇكىمەت وتىرىسىندا.

ول جالپىۇيلىك جىلۋدى ەسەپتەۋ پريبورلارى مەن اۆتوماتتى جىلۋ پۋنكتتەرىن تولىق ماسشتابتا ەنگىزۋ ٴۇشىن ەكىنشى دەڭگەيدەگى بانكتەردىڭ ينۆەستيسيالارى مەن قاراجاتىن تارتۋ بويىنشا قۇجاتتار دايىنداپ جاتقانىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي