BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

ەلiمiزدە جولاۋشىلار اينالىمى مەن جۇك تاسىمالى ارتقان

فوتو: интернеттен

بۇگiن ۇكiمەت وتىرىسىندا قر ينۆەستيسيالار جانە دامۋ مينيسترi جەڭiس قاسىمبەك 2018 جىلدىڭ ٴقاڭتار-ساۋىر ايلارىنداعى الەۋمەتتiك-ەكونوميكالىق دامۋ قورىتىندىلارى بويىنشا بايانداما جاسادى. مينيستر وسى ارالىقتا ەلiمiزدە جولاۋشىلار اينالىمى مەن جۇك تاسىمالى ارتقانىن ايتتى، دەپ حابارلايدى baq.kz تiلشiسi.

جەڭiس قاسىمبەك كولiك كەشەنi ماسەلەسiنە توقتالدى. ونىڭ ايتۋىنشا، 2018 جىلدىڭ ٴقاڭتار-ساۋىر ايلارىندا كولiك كەشەنi بويىنشا ناقتى كولەم يندەكسى 104،6%-دى قۇرادى.

«كولىكتىڭ بارلىق تۇرىمەن جۇك تاسىمالداۋ كولەمى 5،1%-عا ٴوسىپ، 1،1 ملرد توننانى قۇرادى (2017 جىلدىڭ قاڭتار-ناۋرىزىندا - 812،7 ملن توننا). جۇك اينالىمى 9،6%-عا ٴوسىپ، 183 ملرد تكم بولدى. تەمىرجول كولىگىمەن جۇك تاسىمالداۋدا ايتارلىقتاي ٴوسىم بار. ول 126،9 ملن توننانى قۇراپ، 10،4%-عا ٴوستى. 2018 جىلدىڭ 4 ايى بويىنشا قازاقستان ارقىلى تەمىرجول كولىگىمەن ترانزيتتىك جۇكتىڭ جالپى كولەمى 5،4 ملن تونناعا جەتتى جانە بىلتىرعى جىلدىڭ سايكەس كەزەڭىمەن سالىستىرعاندا 23%-عا ٴوستى. 2018 جىلدىڭ ٴقاڭتار-ساۋىر ايلارى بويىنشا كونتەينەرلىك تاسىمالداۋ 37%-عا ٴوسىپ، 125،2 مىڭ جيىرما فۋتتىق ەكۆيۆالەنتتى قۇرادى، ونىڭ ىشىندە قحر-ەك-قحر باعىتى بويىنشا - 35% جانە 61،7 مىڭ دفە»، - دەدi قاسىمبەك.

مينيستردiڭ ايتۋىنشا، جولاۋشىلار اينالىمى 4،8%-عا ٴوسىپ، 87،7 ملرد جولاۋشى/كم قۇرادى. كولىك قىزمەتىنىڭ كىرىسى 15،9%-عا ٴوسىپ، 847،9 ملرد تەڭگەگە (2017 جىلعى قاڭتار-ساۋىردە - 731،7 ملرد تەڭگە) جەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي