BAQ.kz - Қазақстан жаңалықтары USD 340.27 BAQ.kz - Қазақстан жаңалықтары EUR 396.31 BAQ.kz - Қазақстан жаңалықтары RUB 5.39
استانا:

ەلىمىزدە 607 مىڭ ازاماتتىڭ الەۋمەتتىك مارتەبەسى انىقتالدى

بۇگىنگى ۇكىمەت وتىرىسىندا ەڭبەك جانە حالىقتى الەۋمەتتىك قورعاۋ ٴمينيسترى ٴمادينا ٴابىلقاسىموۆا بەيرەسمي جۇمىسپەن قامتىلعان ادامداردى رەسميلەندىرۋ جانە ەل ەكونوميكاسىنا تارتۋ جونىندەگى جول كارتاسىنىڭ ىسكە اسىرىلۋ بارىسى تۋرالى باياندادى، دەپ حابارلايدى baq.kz ٴتىلشىسى.

«جىل باسىنان بەرى مەملەكەتتىك ورگانداردىڭ دەرەكقورىنداعى 2،7 ملن ازاماتتىڭ مارتەبەسى انىقتالماعان. بۇگىنگى تاڭدا 607 مىڭ ادامنىڭ مارتەبەسى ناقتىلاندى. ونىڭ ىشىندە 197 قىزمەتكەر ەڭبەك شارتىن جاساپ، مىندەتتى زەينەتاقى جارنالارىن اۋدارا باستادى. 12 مىڭ كاسىپكەر قىزمەتتەرىن تىركەسە، 16 مىڭ ادام جۇمىسپەن قامتۋعا جاردەمدەسۋ شارالارىنا قاتىستى»، - دەدى مينيستر.

ول بارلىق وڭىردە ازاماتتاردىڭ مارتەبەسىن انىقتاۋ شارالارى جۇرگىزىلىپ جاتقانىن، 2018 جىلدىڭ 1-توقسانىندا رەسميلەندىرۋ جونىندەگى وڭىرلىك شتاتتار قۇرىلىپ، جول كارتالارى بەكىتىلگەنىن اتاپ ٴوتتى.

«اتالعان جۇمىس بويىنشا اقمولا، جامبىل وبلىسى مەن سقو الدا كەلەدى. ولاردىڭ ٴارقايسىسىندا مارتەبەسى انىقتالعاندار سانى 27%-تەن اسادى. سونداي-اق، وقو-دا 101 مىڭ، الماتى وبلىسىندا 86 مىڭ ازاماتتىڭ مارتەبەسى انىقتالدى. ەل بويىنشا مارتەبەسى جوق ازاماتتاردىڭ 51%ٴ-ى كەلەسى ٴتورت وڭىردە بايقالادى: وقو 20%، الماتى وبلىسى 16%، الماتى قالاسى 8%، شقو 7%. قالعان ازاماتتاردىڭ اراسىندا ەڭبەك شارتىنسىز جۇمىس ىستەيتىندەردىڭ ۇلەسى جوعارى»، - دەدى ٴابىلقاسىموۆا.

ول جەرگىلىكتى اكىمدىكتەر ەڭبەك شارتىن جاساۋ اتتى اكسيا شەڭبەرىندە جۇيەلى جۇمىس ىستەۋى قاجەت ەكەنىن ايتتى. ونىڭ سوزىنشە ازاماتتاردىڭ مارتەبەسىن اۆتوماتتى تۇردە ناقتىلاۋ ٴۇشىن بۇگىنگى كۇنى مەملەكەتتىك ورگانداردىڭ اقپاراتتىق جۇيەسىنىڭ كوپشىلىگى ينتەگراسيالانعانىمەن، تەك قارجى مينيسترلىگىنىڭ كاسىپكەرلەر بازاسى مەن ٴبىلىم جانە عىلىم مينيسترلىگىنىڭ ستۋدەنتتەر بازاسى بىرىكتىرىلمەگەن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي