BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

ەلدەگى ٴبىرقاتار ٴوڭىر جاڭا وقۋ جىلىندا وقۋلىقسىز قالۋى مۇمكىن 

جاڭا وقۋ جىلىنا ساناۋلى كۇن قالعاندا ەلدەگى ٴبىرقاتار وڭىرلەر مەكتەپتەرگە وقۋلىق جەتكىزۋ بويىنشا جۇمىستاردى ٴالى دە باستاماي وتىر. بۇل جونىندە بۇگىنگى ۇكىمەت وتىرىسىندا ٴبىلىم بەرۋ مەن عىلىمدى دامىتۋ بويىنشا مەملەكەتتىك باعدارلامانىڭ 2018 جىلدىڭ ٴبىرىنشى جارتىجىلدىعىندا ىسكە اسىرۋ ماسەلەسى جونىندە بايانداعان قر ٴبىلىم جانە عىلىم ٴمينيسترى ەرلان ساعاديەۆ مالىمدەدى، دەپ حابارلايدى baq.kz ٴتىلشىسى.

«2018 جىلعا 8 ينديكاتور، 52 كورسەتكىش، 150-گە جۋىق ٴىس-شارا ورىنداۋ كوزدەلگەن. بارلىق ينديكاتورلار مەن كورسەتكىشتەر ورىندالۋدا. ٴبىرىنشى، مەكتەپكە دەيىنگى ٴبىلىم جانە تاربيە بويىنشا قازىرگى كەزدە 3-6 جاستاعى بالالاردى قامتۋ 93 پروسەنتى قۇرايدى. بۇعان «بالاپان» باعدارلاماسىنىڭ، جان باسىنا قارجىلاندىرۋ جانە وتكەن جىلى قابىلدانعان جاڭا سانيتارلىق نورمالار مەن وزگەرىستەر جاقسى اسەر ەتتى»، - دەگەن مينيستر بيزنەس وكىلدەرى ەلدەگى مەكتەپكە دەيىنگى ۇيىمداردى كوبەيتۋگە بەلسەندى قاتىسىپ جاتقانىن اتاپ ٴوتتى.

ول ەلەكتروندى ۇكىمەت پەن ە-اكىمدىكتىڭ ينتەگراسياسىنىڭ ارقاسىندا ەلدەگى 25 قالا مەن 6 اۋداندا بالاباقشالارعا ەلەكتروندى تۇردە جولداما بەرۋ ىسكە اسىرىلعانىن، سونداي-اق، جىل سوڭىنا دەيىن بارلىق ٴوڭىر اتالعان جۇيەگە قوسىلاتىنىن ايتتى.

«ورتا ٴبىلىم بەرۋدە جاڭارتىلعان مازمۇنعا كوشۋ جالعاسۋدا. وتكەن جىلدان باستاپ 1، 2، 5 جانە 7 سىنىپتار جاڭا وقۋ باعدارلاماسىنىڭ وقۋلىقتارى بويىنشا ٴبىلىم الۋدا. وسى 2018-2019 وقۋ جىلىنان باستاپ قوسىمشا 3، 6، 8 سىنىپتار جاڭارتىلعان مازمۇن بويىنشا وقۋعا كوشەدى. ولارعا ارنالعان وقۋلىقتار دايىن، ساراپتامادان ٴوتتى جانە باسىلدى. سونداي-اق، بۇل وقۋلىقتاردى وبلىستارعا جەتكىزۋ جۇمىستارى باستالىپ كەتتى. ٴبىراق، بۇل اكىمدىكتەردىڭ جاۋاپكەرشىلىگىندە. جالپى وبلىستار كولىك كومپانيالارىمەن كىتاپتاردى جەتكىزۋ بويىنشا كەلىسىمشارتقا وتىرعان. بىرنەشە ٴوڭىر، سونىڭ ىشىندە، استانا قالاسى، باتىس قازاقستان وبلىسىنداعى زەرەن اۋدانى، تۇركىستان وبلىسىنداعى 4 اۋدان وسى كۇنگە دەيىن بۇل جۇمىستاردى باستاعان جوق. سول سەبەپتى، وقۋ باستالۋىنا 20 كۇن قالعاندا وقۋلىقتاردى ۋاقتىلى جەتكىزبەۋ ٴقاۋپى اتالعان وڭىرلەردە ورىن الىپ وتىر»، - دەگەن مينيستر جەرگىلىكتى اتقارۋشى ورگانداردى بۇل ماسەلەگە جاۋاپكەرشىلىكپەن قاراۋعا شاقىردى.

ٴمينيستردىڭ ايتۋىنشا، وسى جىلدىڭ اياعىنا دەيىن بالالاردىڭ 75 پروسەنتى جاڭارتىلعان مازمۇن بويىنشا وقيدى. وسى ورايدا، شامامەن 150 مىڭ ٴمۇعالىم ارنايى وقۋدان وتكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي