USD 334.89 EUR 361.61 RUB 5.28
استانا:

ب.ساعىنتايەۆ اوك باعدارلاماسى بويىنشا دايىندىق جۇمىستارىن اياقتاۋدى تاپسىردى

فوتو: Шыңғыс Қаппаров

قر پرەمەر-مينيسترى باقىتجان ساعىنتايەۆ ۇكىمەت وتىرىسىندا مينيسترلەر كابينەتىنە 2017-2021 جىلدارعا ارنالعان جاڭا اوك-تى دامىتۋ مەملەكەتتىك باعدارلاماسى بويىنشا ازىرلىك جۇمىستارىن جىل سوڭىنا دەيىن اياقتاۋدى تاپسىردى، دەپ حابارلايدى baq.kz.

پرەمەر-مينيستر باعدارلاما جوباسى ٴتۇرلى الاڭداردا، سونىڭ ىشىندە قر اۋىل شارۋاشىلىعى مينيسترلىگىنىڭ القاسى اياسىندا ايماقتاردا جانە پارلامەنت ماجىلىسىندە تالقىلانعانىن اتاپ ٴوتتى. سونىمەن قاتار، ۇكىمەتتىڭ جىل سوڭىنا دەيىن ونى مۇددەلى تاراپتارمەن تاعى دا تالقىلاپ، بەكىتۋگە ۋاقىتى بار.

«ايتىلعان ەسكەرتۋلەر مەن ۇسىنىستاردى نازارعا الا وتىرىپ، باعدارلاما جوباسىن ماقۇلداۋدى جانە جىل سوڭىنا دەيىن مەملەكەتتىك ورگاندارمەن، اكىمدىكتەرمەن، بيزنەس قاۋىمداستىقتارمەن كەلىسىلگەن سوڭ بەكىتۋگە شىعارۋدى ۇسىنامىن. كەلەسى جىلى ٴبىز جاڭا باعدارلاما بويىنشا جۇمىس ىستەۋدى باستاۋىمىز كەرەك»،- دەدى ب.ساعىنتايەۆ.

قر پرەزيدەنتى ن.نازاربايەۆتىڭ تاپسىرماسىمەن اگرارلىق سەكتوردى جەدەل دامىتۋ مىندەتى العا قويىلعانى بەلگىلى. وسىعان بايلانىستى ەل ۇكىمەتى 2017-2021 جىلدارعا ارنالعان اگروونەركاسىپ كەشەنىن دامىتۋ مەملەكەتتىك باعدارلاماسىن ازىرلەدى. سونىڭ ناتيجەسىندە تاياۋ بەس جىل ىشىندە اۋىل شارۋاشىلىعى ونىمدەرىن ٴوندىرۋ مەن وڭدەۋ ەكونوميكانى ٴارتاراپتاندىرۋ مەن ٴوسىمنىڭ نەگىزگى درايۆەرى بولۋى ٴتيىس.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي