BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

بيىل قىزىلوردا وبلىسىندا كۇن ەلەكتر ستانسياسى سالىنادى

قىزىلوردا وبلىسىندا قۋاتى 55 مۆت بولاتىن، baikonyr solar كۇن ەلەكتر ستانسياسى سالىنادى. جوباعا قارجىنى ەۋروپا قايتا قۇرۋ جانە دامۋ بانكى مەن ازيا دامۋ بانكى بولەدى. كۇن ەلەكتر ستانسياسى ەندىگى جىلى جۇمىسىن باستايدى. بۇل تۋرالى قر ەنەرگەتيكا ٴمينيسترى قانات بوزىمبايەۆ مالىمدەدى، دەپ حابارلايدى baq.kz ٴتىلشىسى.

xi استانا ەكونوميكالىق فورۋمى اياسىندا «جاسىل ەكونوميكا: تۇراقتى دامۋدىڭ جاڭا مودەلى» پانەلدىك وتىرىسى ٴوتتى. وعان ۇكىمەت باسشىسى باقىتجان ساعىنتايەۆ، قر ەنەرگەتيكا ٴمينيسترى قانات بوزىمبايەۆ، جاسىل ٴونىم جاھاندىق ينستيتۋتىنىڭ ٴتوراعاسى پان گي مۋن، قازاقستاننىڭ ەكولوگيالىق ۇيىمدارى قاۋىمداستىعى پرەزيدۋمىنىڭ ٴتورايىمى ٴاليا نازاربايەۆ قاتىستى.

كەيىن قر ەنەرگەتيكا مينيسترلىگى مەن شەتەلدىك قارجى ينستيتۋتتارى اراسىندا «قىزىلوردا وبلىسىندا قۋاتى 55 مۆت بولاتىن، baikonyr solar كۇن ەلەكتر ستانسياسىن سالۋ» جوباسىن قولداۋ جانە ىنتىماقتاستىق تۋرالى كەلىسىمگە قول قويىلدى.

«مەموراندۋمعا سايكەس ەنەرگەتيكا مينيسترلىگى قىزىلوردا وبلىسىندا سالىناتىن كۇن ەلەكتر ستانسياسىنا قولداۋ كورسەتەدى. ەلەكتر ستانسياسى – baikonyr solar دەپ اتالادى. ونىڭ قۋاتتىلىعى – 55 مۆت. جوبانى جۇزەگە اسىرۋعا 30 ملن دوللاردى ەۋروپا قايتا قۇرۋ جانە دامۋ بانكى، ال 11 ملن دوللاردى ازيا دامۋ بانكى بولەدى. الداعى جىلدان باستاپ، جوبا ىسكە قوسىلۋى قاجەت»، - دەدى قانات بوزىمبايەۆ بريفينگتە.

ەنەرگەتيكا ٴمينيسترىنىڭ ايتۋىنشا، ەۋروپا قايتا قۇرۋ جانە دامۋ بانكى، ەلىمىزدەگى 4-جوبانى قارجىلاندىرىپ وتىر ەكەن. ال ازيا بانكى قازاقستانداعى ەڭ العاشقى جوباسىنا اقشا بولگەن.

بريفينگ بارىسىندا ۆەدومستۆو باسشىسى جامبىل وبلىسىنداعى كۇن ەلەكتر ستانسياسى الداعى ۋاقىتتا ورتالىق ازياداعى ەلەكتر ەنەرگياسىن وندىرەتىن قۋاتتى كاسىپورىنعا اينالاتىنىن جەتكىزدى.

«سامرۇق-قازىنا» ٴال-اۋقاتى قورى ۇلىبريتانيالىق جەكە ينۆەستورلارمەن بىرىگىپ، baikonyr solar-عا ۇقساس جوبانى جامبىل وبلىسىندا جۇزەگە اسىرعان. ونداعى كۇن ەلەكتر ستانسياسى جۇمىس ىستەپ تۇر. ونىڭ قۋاتى – 50مەگا/ۆاتت. ٴبىراق وسى جىلدىڭ ماۋسىمىندا ونىڭ قۋاتى 100 مەگا/ۆاتتقا ارتىپ، ول ورتالىق ازياداعى قۋاتتى كۇن ەلەكتر ستانسياسى بولادى»، - دەپ تۇيىندەدى ٴسوزىن قانات بوزىمبايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي