BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

بەكەتايەۆ زاڭ شىعارۋ پروسەسىندە ۇلىبريتانيا تاجىريبەسىن قولدانۋدى ۇسىندى  

فوتو: Informburo.kz

ادىلەت ٴمينيسترى مارات بەكەتايەۆ پارلامەنت سەناتىندا زاڭ شىعارۋ پروسەسىن جەتىلدىرۋ ماسەلەلەرى بويىنشا وتكەن ۇكىمەت ساعاتىندا الەمدىك پراكتيكالاردى ەنگىزۋ ماسەلەسى تۋرالى ايتتى، دەپ حابارلايدى baq.kz ٴتىلشىسى.

ونىڭ ايتۋىنشا، سىرتقى كونيۋنكتۋرانىڭ تۇراقسىز جاعدايىندا زاڭدارعا ٴجيى تۇزەتۋلەر ەنگىزۋ نەمەسە جاڭا جوبالارىن ازىرلەۋ قالىپتى پروسەسس جانە بۇل قولدانىستاعى زاڭنامانىڭ ساپاسىنا بايلانىستى ەمەس.

«ەگەر جاقىندا قابىلدانعان زاڭنامالىق وزگەرىستەرگە تەرىس سالدارىنا وراي تۇزەتۋلەر ەنگىزىلسە، بۇل باسقا ماسەلە. مۇندا، زاڭ شىعارۋ ساپاسىنا قويىلاتىن سۇراقتار تۋىنداۋ كەرەك. زاڭنامالىق وزگەرىستەردىڭ تەرىس سالدارى، ادەتتەگىدەي، ەكى جاعدايدا تۋىندايدى. ٴبىرىنشىسى – ازىرلەۋشى سالداردى دۇرىس بولجاماعاندا، ەكىنشىسى – ەنگىزىلگەن وزگەرتۋلەر وڭ بولعاندا»، - دەدى ادىلەت ٴمينيسترى.

وسىعان بايلانىستى ول ۇلىبريتانيا تاجىريبەسىن مىسالعا الدى. بۇل ەلدە زاڭ جوباسى پارلامەنتكە ەنگىزىلگەنگە دەيىن الدىن الا جاسىل كىتاپ جانە اق كىتاپ پايدالانىلادى. ولار جاپپاي تيراجبەن جاريالانادى نەمەسە الدىن الا كونسۋلتاسيالار جۇرگىزەتىن بەلگىلى ادامدار توبىنا تىكەلەي جىبەرىلەدى.

جاسىل كىتاپ – بۇل كونسۋلتاتيۆتىك سيپاتتاعى قۇجاتتار. ولار مەملەكەتتىك ورگاندار جۇرگىزىپ وتىرعان ساياساتقا قاتىستى پىكىرلەر مەن ۇسىنىستاردى جيناۋ ٴۇشىن ۇكىمەتپەن بىرگە دايىندالادى.

كونسۋلتاسيالار جۇرگىزىلىپ وتكىزىلگەننەن كەيىن، ودان ٴارى ىقپالدى اق كىتاپ جاريالانادى. بۇل، ۇكىمەتتىڭ ناقتى ٴبىر سالاداعى بولاشاق ساياساتى تۋرالى مالىمدەمەسىن بىلدىرەدى. وندا زاڭ جوباسىنىڭ الدىن-الا دايىندالعان نۇسقاسى بولۋى مۇمكىن، كەيىننەن كەلىپ تۇسكەن ەسكەرتۋلەر مەن ۇسىنىستارعا سايكەس وزگەرتىلۋى مۇمكىن.

«ٴبىزدىڭ زاڭ شىعارۋ پروسەسىمىزگە وسى تاجىريبەنى ەنگىزۋدىڭ ورىندىلىعى تۇرعىسىنان ونى تەرەڭىرەك زەردەلەۋدى جوسپارلاپ. ەگەر ٴبىز ەڭ ۇزدىك الەمدىك پراكتيكانى ٴتيىمدى ەنگىزگىمىز كەلسە، جاڭا تاجىريبەنى جىلدام زەردەلەۋگە مۇمكىندىگىمىز بولۋى قاجەت. نەگىزگى ترەندتتەر مەن تابىستى تاجىريبەنى زەردەلەۋ زاڭ جوبالاۋ قىزمەتىنىڭ ماڭىزدى ەلەمەنتى بولىپ تابىلادى»، - دەدى بەكەتايەۆ.

ايتا كەتسەك، بۇگىن قر پارلامەنت سەناتىنىڭ ٴتوراعاسى قاسىم-جومارت توقايەۆ زاڭ شىعارۋ پروسەسىن جەتىلدىرۋ ماسەلەلەرى بويىنشا وتكەن ۇكىمەت ساعاتىندا ەلىمىزدىڭ زاڭ شىعارۋ جۇيەسىندەگى ون ماسەلەنى اتادى.

سونىمەن قاتار، توقايەۆ پارلامەنت پەن ۇكىمەت الدىندا مەملەكەتتىك اۋقىمداعى ورتاق مىندەتتەر تۇرعانىن، سوندىقتان قۇقىق قولدانۋ ماسەلەلەرىنە نازار اۋدارۋ قاجەتتىگىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي