BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

زورلىق كورگەن بالالاردىڭ بەت-الپەتى مەن ولارعا قاتىستى اقپارات جاريالاۋعا تىيىم سالىندى – ابايەۆ

فوتو: Нұржас Жақсыбай

قر اقپارات جانە كوممۋنيكاسيالار ٴمينيسترى داۋرەن ابايەۆ 2017 جىلى اتقارىلعان جۇمىستاردى قورىتىندىلاپ، حالىق الدىندا ەسەپ بەردى، دەپ حابارلايدى baq.kz ٴتىلشىسى.

ول مينيسترلىكتىڭ وتكەن جىلدىڭ سوڭىندا اقپارات جانە كوممۋنيكاسيالار باعىتىنداعى زاڭعا وزگەرىستەر مەن تولىقتىرۋلار ەنگىزگەنىن اتاپ ٴوتتى.

«مىسالى، زورلىق كورگەن نەمەسە باسقا دا قۇقىق بۇزۋشىلىقتاردان زارداپ شەككەن بالالاردى قورعاۋ ماقساتىندا ولاردىڭ بەت-الپەتى مەن بالاعا قاتىستى اقپاراتتاردى جاريالاۋعا تىيىم سالىندى. كوپشىلىك شوعىرلانعان جەرلەردە مەملەكەتتىك ورگاندار مەن ۇيىمدار تەك وتاندىق ارنالاردى كورسەتۋ قاجەتتىلىگى تۋرالى مىندەتتەمە بەلگىلەندى»، - دەدى ابايەۆ.

سونداي-اق ول بەلگىلى ٴبىر توتەنشە جاعداي بولا قالعاندا وكىلەتتى ورگان ٴۇش ساعات ىشىندە بۇل تۋرالى جان-جاقتى اقپارات بەرەتىن حابارلاما جاريالاۋى قاجەت ەكەنىن ايتتى. زاڭعا «سيفرلىق قازاقستان» باعدارلاماسىن ٴساتتى جۇزەگە اسىرۋعا نەگىزدەلگەن كەشەندى نورمالار ەنگىزىلگەن. سونداي-اق مەملەكەتتىك اقپاراتتىق جۇيەلەردى قۇراتىن جانە ساراپتايتىن، جوبالاۋ پروسەسىن جەدەلدەتەتىن باعىتتار بار.

«بالالاردى ينتەرنەتتەگى دەسترۋكتيۆتى اقپاراتتاردان قورعاۋ ٴۇشىن وتكەن جىلى مينيسترلىك بايلانىس وپەراتورلارى مەن «بولاشاق» قاۋىمداستىعىمەن بىرلەسىپ ٴبىلىم بەرۋ ينتەرنەت جوباسىن ىسكە قوستى. بۇل جوبادا بالالارعا ارنالعان ٴقاۋىپسىز ينتەرنەت-سەرۆيستەردى، تانىمدىق جانە ويىن تۇرىندەگى باعىتتار قاراستىرىلعان 3500 استام سايت بار»، - دەدى مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي