BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

باقىتجان ساعىنتايەۆ سەمەيدەگى وڭدەۋ ونەركاسىبىنىڭ دامۋىمەن تانىستى

پرەمەر-مينيستر باقىتجان ساعىنتايەۆ شىعىس قازاقستان وبلىسىنا جۇمىس ساپارى بارىسىندا سەمەي قالاسىنىڭ ونەركاسىپتىك نىساندارىن ارالاپ، وندا وتاندىق ماشينا جاساۋ سالاسىنىڭ دامۋىمەن تانىستى، دەپ حابارلايدى baq.kz اقپاراتتىق اگەنتتىگى primeminister.kz سايتىنا سىلتەمە جاساپ.

ٴوڭىردىڭ يندۋستريالىق دامۋىمەن، اتاپ ايتقاندا، ماشينا جاساۋ سالاسىمەن تانىسۋ اياسىندا، پرەمەر-مينيستر «daewoo bus kazakhstan» جشس مەن «سەماز» جشس باردى. باقىتجان ساعىنتايەۆ اۆتوقۇراستىرۋ زاۋىتىنىڭ جۇمىسىن تەكسەرىپ، تەحنولوگيالىق پروسەسپەن جانە قوسالقى بولشەكتەر مەن اككۋمۋلياتورلار ٴوندىرىسى جەلىسىمەن، ٴتۇرلى دايىنداۋ ساتىلارىنداعى اۆتوكولىك قۇراستىرۋ ساپاسىمەن تانىستى.

شىعىس قازاقستان وبلىسىنىڭ جالپى وڭىرلىك ٴونىمىنىڭ قۇرىلىمىندا ونەركاسىپ ۇلەسى 31،8% قۇرايدى. 2017 جىلى ونەركاسىپ ٴوندىرىسىنىڭ كولەمى 1581،5 ملرد تەڭگەنى قۇرادى. 2017 جىلى وڭدەۋ ونەركاسىبىندە اۆتوكولىك قۇرالدارىنىڭ، ترەيلەرلەر مەن اشىق تىركەمەلەردىڭ ٴوندىرىسى 88،1%-عا، فارماسەۆتيكالىق ونىمدەر 3،7 ەسەگە، حيميا ونىمدەرى 16،2%-عا، ەلەكتر جابدىقتارى 74،8%-عا، باسقا دا دايىن بۇيىمدار 22،3%-عا ارتتى. 2018 جىلعى قاڭتار–تامىز ارالىعىندا ونەركاسىپتىك ونىمدەر شىعارۋ كولەمى 1187،8 ملرد تەڭگەنى قۇرادى. ناقتى كولەم يندەكسى — 108،7%.

كاسىپورىن قالالىق جانە قالا ماڭىنا قاتىنايتىن daewoo جولاۋشىلار اۆتوبۋستارىن شىعارۋعا ماماندانعان. سونىمەن قاتار، بيىل «daewoo bus kazakhstan» جشس جولاۋشىلاردى قالاارالىق تاسىمالداۋعا ارنالعان تۇتاس مەتالل شاناعى بار «گازەل next» اۆتوكولىكتەرىن شىعارۋدى يگەردى.

«2017 جىلى 3 ملرد تەڭگەگە 136 اۆتوبۋس شىعارىلدى. وسى جىلدىڭ قاڭتار–تامىز ايلارىندا 2،3 ملرد تەڭگەگە ونەركاسىپتىك ٴونىم شىعارىلدى: 82 daewoo اۆتوبۋسى شىعارىلدى، بۇل وتكەن جىلعى دەڭگەيدەن 7،9%-عا جوعارى»، — دەدى «سەماز» جشس جانە «daewoo bus kazakhstan» جشس باس ديرەكتورى ٴا. دوسقوجانوۆ.

جالپى، كاسىپورىن باسەكەگە قابىلەتتى تاۋارلاردى شىعارۋعا جانە ەكسپورتتاۋعا باعدارلانعان. بۇگىنگى تاڭدا ونىمدەر ىشكى نارىقتا جانە كەدەن وداعى مەن تمد ەلدەرىندە سۇرانىسقا يە. سونىمەن قاتار، زاۋىت قۋاتتىلىعى جىلىنا 1200 اۆتوبۋستى قۇرايتىنىن ەسكەرسەك، جاڭا وتكىزۋ نارىقتارىنا شىعۋ بويىنشا جۇمىستار جۇرگىزىلىپ جاتىر.

ٴا. دوسقوجانوۆتىڭ مالىمدەۋىنشە، كومپانيا «بەلارۋس» تراكتورلارىن جانە جۇك كولىكتەرىن دە شىعارادى. وسى جىلدىڭ 8 ايىندا 4،2 ملرد تەڭگەگە ٴونىم شىعارىلعان. 170 «بەلارۋس» تراكتورى، 186 جۇك اۆتوكولىگى، سونىڭ ىشىندە 74 «shacman» اۆتوكولىگى، 30 foton جۇك اۆتوكولىگى جانە 82 «ۋرال» جۇك كولىگى شىعارىلعان. بۇدان وزگە، كاسىپورىندا شىعارىلاتىن ٴونىم تۇرلەرىن ۇلعايتۋ، سونىڭ ىشىندە 40 توننا جۇك كوتەرگىشتىگىمەن جۇك كولىكتەرىنىڭ جاڭا ٴتۇرىن يگەرۋ مەن «گازەل بيزنەس»، «گازەل next» قۇراستىرۋ جەلىسىن شىعارۋ ارقىلى ۇلعايتۋ كوزدەلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي