BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

اۋىل شارۋاشىلىعىنىڭ قاجەتتىلىكتەرى ٴۇشىن رەسۋرس ساقتاۋشىلار ديزەلدى زاۋىتتان 150 تەڭگەدەن شىعارادى — مينيسترلىك

بۇگىن قر ەنەرگەتيكا ۆيسە-مينيسترى بولات اقشولاقوۆ ٴباسپاسوز كونفەرەنسياسى بارىسىندا اۆتوجانارماي قۇيۋ ستانسيالارىندا ديزەل وتىنى باعاسىنىڭ ٴوسۋى قازاقستاندىق شارۋالارعا اۋىل شارۋاشىلىعى جۇمىستارىن جۇرگىزۋگە كەدەرگى كەلتىرمەيتىنىن ايتتى، دەپ حابارلايدى ۆaq.kz اقپارات اگەنتتىگى.

قر ەنەرگەتيكا مينيسترلىگىنىڭ دەرەكتەرىنە سايكەس، اجقس-تاردا ديزەل وتىنى باعاسىنىڭ ٴوسۋى بىرنەشە فاكتورعا بايلانىستى.

ەنەرگەتيكا ۆيسە-مينيسترى ب. اقشولاقوۆتىڭ مالىمدەۋىنشە، ديزەلدىك وتىندى تۇتىنۋ كولەمىنىڭ ارتۋىنىڭ نەگىزگى فاكتورى — ديزەل وتىنىن ٴوندىرۋدىڭ جالپى كولەمىنىڭ ەلەۋلى ۇلەسىن اۋىل شارۋاشىلىعى جانە تەمىر جول سالالارىن قامتاماسىز ەتۋگە باعىتتاۋ بولىپ تابىلادى. بۇدان وزگە، سۇرانىستىڭ ارتۋى قازاقستان ارقىلى وتەتىن ترانزيتتىك جۇك تاسىمالدارىنىڭ ماۋسىمدىق ۇلعايۋىمەن جانە ونىمەن بايلانىستى ىشكى نارىقتا جانە كورشىلەس ەلدەردىڭ شەكارالاس اۋداندارىندا باعالاردىڭ ايىرماشىلىعىنا وراي وتىن اعىنىمەن بايلانىستى. ونىڭ ايتۋىنشا، وسى جىلدىڭ 1 ماۋسىمىنان باستاپ ديزەلدىك وتىنعا اكسيز مولشەرلەمەسى 7،7 تگ/ل ٴوستى.

«جالپى فاكتورلاردىڭ قوسىندىسىندا سۇرانىستىڭ ارتۋى، اۋىل شارۋاشىلىعى وندىرۋشىلەرىنە ارنالعان جەڭىلدىكتى وتىن كولەمىنىڭ ۇلعايۋى جانە ٴوندىرۋدىڭ وزىندىك قۇنىنىڭ ٴوسۋى ديزەل وتىنىن ٴوندىرۋ قۇنىنىڭ جوعارىلاۋىمەن بىرگە (موز-دە وڭدەۋ ٴتاريفىنىڭ ۇلعايۋى) ديزەلدىك وتىن باعاسىنىڭ ماۋسىمدىق وسۋىنە ىقپال ەتەدى»، — دەدى ب. اقشولاقوۆ.

سونىمەن قاتار ۆيسە-مينيستر اۋىل شارۋاشىلىعى تاۋارىن وندىرۋشىلەرگە (ٴاشتو) مۇناي ونىمدەرىن ۇستاۋشىلار تاراپىنان بەرىلەتىن ەداۋىر جەڭىلدىك تۋرالى ايتىپ بەردى.

«ايتا كەتەيىك، ٴاشتو ٴۇشىن ديزەل وتىنىنا دەگەن ارزانداتىلعان باعالاردى زاڭنامالىق بەكىتۋ قۇزىرەتتىلىگى ەنەرگەتيكا مينيسترلىگىندە اۋىل شارۋاشىلىعى ٴۇشىن قاراستىرىلماعان. اشتو-گە مۇناي وڭدەۋ زاۋىتتارىنان ديزەل وتىنىن جونەلتۋ باسىمدىقپەن ىسكە اسىرىلادى. سونىمەن قاتار، جونەلتىلگەن وتىندى باقىلاۋ جانە وعان مونيتورينگ جۇرگىزۋ تاۋلىك سايىن ورىندالادى. ەنەرگەتيكا مينيسترلىگى 2018 جىلعى دالا جۇمىستارىن تۇراقتى ٴارى ۋاقىتىلى جۇرگىزۋ ٴۇشىن ٴاشتو-نى جان-جاقتى قولداۋ شارالارىن قابىلداپ جاتىر»، — دەدى ۆيسە-مينيستر.

سونىمەن قاتار، 2018 جىلدىڭ دالا جۇمىستارىن ۋاقىتىلى جۇرگىزۋدى قامتاماسىز ەتۋ ماقساتىندا ەنەرگەتيكا مينيسترلىگى اۋىل شارۋاشىلىعى مينيسترلىگىمەن بىرلەسە وتىرىپ، «2018 جىلدىڭ دالا جۇمىستارىنا ديزەل وتىنىن جەتكىزۋ بويىنشا وبلىستاردى موز-گە بەكىتۋ كەستەلەرىن» ازىرلەدى. ونىڭ اياسىندا اشتو-گە ارنالعان جالپى ٴوتىنىم تولىق كولەمدە قاناعاتتاندىرىلدى جانە 769،4 مىڭ ت كولەمىندە بەكىتىلدى. وسىلايشا، فەرمەرلەرگە ديزەلدىك وتىن كوكتەمدە ەگىس جۇمىستارىنا جانە كۇزدە استىق جيناۋعا جەتكىزىلەدى. جىل باسىندا اۋىل شارۋاشىلىعى تاۋارىن وندىرۋشىلەرگە 375 مىڭ توننا ديزەلدىك وتىن ٴبولىندى. كۇزگى جۇمىستارعا 394،4 مىڭ توننا بولادى.

ەنەرگەتيكا مينيسترلىگىنىڭ اقپاراتىنا سايكەس، جەتكىزۋ كەستەسى شىلدە–قازان ارالىعىنا بەلگىلەنگەن.

وسى جىلدىڭ شىلدە ايىنداعى جەتكىزۋ جوسپارى 112،2 مىڭ توننا كولەمى كەزىندە جونەلتىلىم 90،2 مىڭ توننانى نەمەسە 80،4% قۇرادى. جونەلتۋ اقىسى تولەنگەن كولەمگە سايكەس تۇراقتى تۇردە جۇرگىزىلەدى. وسى جىلدىڭ 6 تامىزىنداعى جاعداي بويىنشا ديزەل وتىنىنىڭ جيىنتىق قورى 255،8 مىڭ توننانى قۇرايدى، ونىڭ ىشىندە 193،1 — رەسپۋبليكانىڭ مۇناي بازالارىندا. سونىمەن قاتار، اي-92 بەنزينىنىڭ قورى 347،9 قۇرايدى، ونىڭ ىشىندە رەسپۋبليكانىڭ مۇناي بازالارىندا — 299،7.

«بۇگىندە بۇل كولەم تولىعىمەن وبلىستار بويىنشا بولىنگەن. ديزەل وتىنىنا قويىلعان باعالار مەملەكەتتىك دەڭگەيدە رەتتەلمەيدى. باعا نارىقتا قويىلۋدا. اۋىل شارۋاشىلىعى تاۋار وندىرۋشىلەرىنە قاتىستى باعالارعا ەشقانداي دا مەملەكەتتىك سۋبسيديالاۋ قاراستىرىلماعان. وسىعان قاراماستان، مۇناي ونىمدەرىن ۇستاۋشىلار اۋىل شارۋاشىلىعى تاۋار وندىرۋشىلەرىنە ايتارلىقتاي جەڭىلدىك جاسادى. ماسەلەن، ديزەل وتىنىنىڭ بولشەك ساۋدا باعاسى 1 ليترىنە 183–187 تەڭگە بولسا، اۋىل شارۋاشىلىعىنىڭ قاجەتتىلىكتەرى ٴۇشىن رەسۋرس ساقتاۋشىلار ديزەلدى زاۋىتتان 150 تەڭگەدەن شىعارىپ جاتىر»، — دەپ اتاپ ٴوتتى ب. اقشولاقوۆ.

ججم باعاسىنا قاتىستى ايتار بولساق، global petroleum prices حالىقارالىق اگەنتتىگىنىڭ رەيتينگىسىنە سايكەس، (2018 ج. 30 شىلدە ايىنداعى جاعداي بويىنشا) قازاقستان ەڭ ارزان بەنزين ساتىلاتىن ەلدەر اراسىندا 10 پوزيسيادا، ال ديزەلدىك وتىن بويىنشا — 167 ەلدىڭ اراسىندا 13 ورىندا.

«ساۋد ارابياسى، اراب امىرلىكتەرى، اقش، رەسەي، ازەربايجان جانە ت.ب. ەلدەردە بەنزين باعاسى بىزدىكىنەن قىمباتىراق. بەنزين تەك 9 ەلدە (ۆەنەسۋەلا، يران، كۋۆەيت) ارزانىراق جانە ديزەلدىك وتىن 12 ەلدە (ۆەنەسۋەلا، يران، ساۋد ارابياسى) ارزانىراق. رەيتينگ اي سايىن شىعارىلادى. مالىمەتتەر اشىق تۇردە جازىلعان، كەز-كەلگەن قىزىعۋشىلىق تانىتقان ادام ٴوزى قاراپ كوزىن جەتكىزە الادى»، — دەدى ب. اقشولاقوۆ.

قورىتىندىلاي كەلە، ەنەرگەتيكا ۆيسە-مينيسترى رف — قر شەكاراسىنداعى يمپورتتىق ديزەلدىك وتىن باعاسى (جەتكىزۋ جانە ساقتاۋدى ەسەپكە الماعاندا) 238 461 تگ قۇرايتىنىنا، بۇل ٴاشتو ارنالعان باعادان 58 461 تەڭگەگە جانە ىشكى نارىقتىق باعالاردان 28 364 تەڭگەگە قىمباتىراق ەكەنىنە نازار اۋداردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي