USD 335.61 EUR 361.32 RUB 5.26
استانا:

4 وبلىس مەملەكەتتىك باعدارلامانى جۇزەگە اسىرۋعا نەمقۇرايدى قاراپ وتىر

فوتو: Бауыржан Жуасбаев

مەملەكەت باسشىسى نۇرسۇلتان نازاربايەۆ 28 ماۋسىمدا وتكەن ۇكىمەت وتىرىسىندا بۇقارالىق كاسىپكەرلىكتى دامىتۋ، اۋىل تۇرعىندارىن جۇمىسپەن قامتۋ جانە جەكە قوسالقى شارۋاشىلىقتاردىڭ الەۋەتىن پايدالانۋ ارقىلى قايتا وندەۋشى كاسىپورىنداردىڭ قۋاتتىلىعىن جۇكتەۋگە قاتىستى ٴتيىستى ۆەدومستۆوعا تاپسىرما بەرگەن بولاتىن. وسى مىندەتتەردى جۇزەگە اسىرۋ ٴۇشىن اۋىل شارۋاشىلىعى ۆيسە-مينيسترى قايرات ايتۋعانوۆ پرەمەر-مينيستر باقىتجان ساعىنتايەۆتان وبلىس اكىمدىكتەرىنە اتالعان جۇمىستى جەدەلدەتۋگە حاتتامالىق تاپسىرما بەرۋدى سۇرادى، دەپ حابارلايدى baq.kz ٴتىلشىسى.

«اۋىل شارۋاشىلىعى مينيسترلىگى، وبلىس اكىمدىكتەرى مەن دەنساۋلىق ساقتاۋ جانە الەۋمەتتىك دامۋ مينيسترلىگى اراسىندا وسى جىلدىڭ سوڭىنا دەيىن شارالاردى جۇزەگە اسىرۋدىڭ ناقتى مىندەتتەرى مەن ينديكاتورلارىن انىقتايتىن ٴۇشجاقتى جوسپارعا قول قويىلدى. 28 شىلدەدەن باستاپ 30 تامىزعا دەيىن بارلىق وبلىستا جانە كەيبىر اۋدانداردا شارالاردى جۇزەگە اسىرۋ مەحانيزمدەرى، سونىڭ ىشىندە كووپەراتيۆتەر قۇرۋ مەن قارجىلاندىرۋ تالاپتارى تولىق ٴتۇسىندىرىلدى. سونىمەن بىرگە، اكىمدىكتەردىڭ تىلەگى بويىنشا قازان ايىنان باستاپ اۋىل وكرۋگتەرىنىڭ اكىمدەرى مەن اۋدان اكىمدەرىنىڭ ورىنباسارلارى ٴۇشىن وقىتۋ سەمينارلارى جۇرگىزىلىپ جاتىر. قازىرگى تاڭدا سەمينار قاراعاندى، شىعىس قازاقستان، جامبىل، الماتى جانە پاۆلودار وبلىستارىندا وتكىزىلدى. بارلىعى جاو 966 قىزمەتكەرى وقىتىلدى. رەسپۋبليكا بويىنشا 15 قاراشاعا دەيىن 2 400 اۋىل وكرۋگىنىڭ اكىمى مەن اۋدان اكىمدەرىنىڭ ورىنباسارلارى وقىتىلادى»، - دەدى قايرات ايتۋعانوۆ.

اكىمدىكتەردىڭ جوسپارىنا سايكەس، بيىلعى جىلدىڭ سوڭىنا دەيىن 150 اۋىل شارۋاشىلىعى كووپەراتيۆى ۇيىمداستىرىلادى. ولار 100 ٴسۇت قابىلداۋ پۋنكتى مەن 2 مىڭنان استام وتباسىلىق بورداقىلاۋ الاڭىن بىرىكتىرمەك.

«28 ٴسۇت قابىلداۋ پۋنكتى جانە 3،2 مىڭ وتباسىلىق بورداقىلاۋ الاڭى قۇرىلدى. ناتيجەسىندە 15 مىڭ جەكە قوسالقى شارۋاشىلىق قامتىلاتىن بولادى. بەكىتىلگەن جوسپاردا ايتىلعانداي، 20 تامىزعا دەيىن الەۋەتتى ٴوتىنىم بەرۋشىلەردىڭ ٴتىزىمى جانە قارجىلاندىرۋعا وتىنىمدەر قالىپتاستىرىلۋ كەرەك. الايدا كەيبىر وبلىستاردا الەۋەتتى قاتىسۋشىلار انىقتالماعان جانە جوسپاردى ورىنداۋ باستالماعان. جوسپاردى ورىنداۋعا قاتىستى جۇمىستار قوستاناي، اتىراۋ جانە سولتۇستىك قازاقستان وبلىستارىندا ناشار ٴجۇرىپ جاتىر. وتباسىلىق بورداقىلاۋ الاڭدارىن قۇرۋ بويىنشا جوسپار شىعىس قازاقستان وبلىسىندا نەبارى 15%-عا ورىندالعان. قول قويىلعان جوسپارلارعا سايكەس كووپەراتيۆتەردى قۇرۋ مەرزىمى وسى جىلدىڭ 10 قىركۇيەگىنە بەلگىلەنگەن. وبلىس اكىمدىكتەرى اۋىل شارۋاشىلىعى كووپەراتيۆتەرىن قۇرۋعا نەمقۇرايدى قاراپ وتىر. ورتاشا كووپەراتيۆتەرگە 3-4 قاتىسۋشى قامتىلعان. سالدارىنان اۋىل شارۋاشىلىعى ونىمدەرىن وندىرۋمەن اينالىساتىن جقش تولىق قامتىلماي وتىر. سوندىقتان، قۇرىلاتىن كووپەراتيۆتەردى قارجىلاندىرۋ كەزىندە جقش ماكسيمالدى قامتۋ ٴۇشىن 20-دان كەم ەمەس قاتىسۋشى بولۋ تالابى قويىلعان»، -دەيدى ۆيسە-مينيستر.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي