BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

«ايتپادى دەمەڭىزدەر!» ساعىنتايەۆ مينيسترلەرگە ەسكەرتۋ جاسادى

فوتو: ашық дереккөзден

بۇگىن ۇكىمەت وتىرىسىندا پرەمەر-مينيستر باقىتجان ساعىنتايەۆ بولىنگەن قاراجاتتى يگەرە الماي جاتقان مينيسترلەرگە ەسكەرتۋ جاسادى، دەپ حابارلايدى ۆaq.kz ٴتىلشىسى.

ۇكىمەت وتىرىسىندا رەسپۋبليكالىق بيۋدجەتتىڭ 2018 جىلدىڭ 5 ايىنداعى قورىتىندىسى بويىنشا مينيسترلەر بايانداما جاساپ جاتىر. قر ۇلتتىق ەكونوميكا ٴمينيسترى تيمۋر سۇلەيمەنوۆ قۇرىلىس سالاسىنىڭ دامۋ جايى جىل بويى ٴبىر كەلكى ەمەس سەرپىندى كورسەتىپ وتىرعانىن ايتقان بولاتىن.

ٴمينيستردىڭ ايتۋىنشا، قۇرىلىس سالاسىنىڭ ٴوسۋ سەرپىنى ٴبىرىنشى توقساندا 5،9 پايىزعا ۇلعايعانىمەن، قاڭتار-مامىردىڭ قورىتىندىلارى بويىنشا 0،3 پايىزدى، ياعني نولدىك مانگە قاراي جاقىنداعان. باسەڭدەۋ پاۆلودار مۇناي-حيميا زاۋىتىن جاڭعىرتۋ بويىنشا، ماگيسترالدى قۇبىرلار مەن ونەركاسىپتىك وبەكتىلەردىڭ، سونداي-اق «ابۋ-دابي پلازا» كوپ فۋنكسيالىق كەشەننىڭ قۇرىلىسى بويىنشا جۇمىستاردىڭ تومەندەۋىمەن بايلانىستى بولىپ وتىر.

مينيسترلەردىڭ بايانداماسىن تىڭداعان ۇكىمەت باسشىسى ماسەلەنىڭ قايدا جاتقانىن «تۇسىندىرگەندەي» بولدى.

«نەگىزگى ٴبىزدىڭ ماسەلەلەردىڭ بارلىعى تەك قانا قۇرىلىستا. 275 ملرد تەڭگە 2018 جىلعا قابىلداعان بولساق، قالعان مىندەتتەمەمىز – 178 ملرد تەڭگە. ياعني، الدا ٴالى 100 ملرد تەڭگەگە مىندەتتەمەلەر قابىلداۋ كەرەك. ونىڭ ىشىندەگىسى 5 ايدىڭ ىشىندە 42 ملدر تەڭگەنىڭ عانا جۇمىسىن اتقارعانبىز. ال ۋاقىت ٴوتىپ بارا جاتىر. قازان ايىنان باستاپ كۇن سۋىپ، جول سالۋ ماسەلەسى، جەڭىس ماحمۇد ۇلى، باسقا دا قۇرىلىستار ماسەلەسىنىڭ بارىندە وتە اۋىر جاعدايعا كەلەدى. سوندا قالاي مۇنى يگەرەمىز؟»، - دەدى ساعىنتايەۆ.

پرەمەر-مينيستر ەگەر شىن مانىندە قارجى يگەرىلمەسە، التى ايدىڭ قورىتىندىسىمەن اقشانىڭ ٴبارىن كەرى قايتارۋ كەرەكتىگىن اتاپ ٴوتتى.

«بوستان-بوس ۇستاپ وتىرعاننان گورى باسقا ٴبىزدىڭ مينيسترلىكتەردىڭ تاراپىنان سۇرانىستار ٴتۇسىپ جاتىر. ٴتيىمدى يگەرۋگە... ٴوزىنىڭ جولىمەن شىعىپ اقشانى ۋاقىتىندا ٴتيىمدى يگەرۋ قاجەت. جولدارعا ۇلكەن تاپسىرمالار بولدى، جەڭىس ماحمۇد ۇلى. ٴقاۋىپ بار. مادەنيەت جانە سپورت مينيسترلىگى ۆيزيت-ورتالىقتارىن سوعىپ بىتەم دەگەنشە تۋريستىك ماۋسىم ٴوتىپ كەتەدى. ٴالى كونكۋرس وتپەگەن. جسق-سى جوق. وندا نەمەنە اقشا سۇرادى؟ اۋىل شارۋاشىلىعى، قارجى مينيسترلىگى دە... قوسىمشا مىنە، قارجى سۇراپ وتىرسىزدار. 42 ملرد دەگەن دايىن تۇر مىنە. الۋ كەرەك تە – باسقا سالاعا سالۋ كەرەك. ٴبارىبىر ودان پايدا جوق»، - دەدى ول.

ٴسوز سوڭىندا ۇكىمەت باسشىسى مينيسترلەرگە ەسكەرتۋ جاسادى.

«ەلباسىنىڭ تاپسىرماسى بويىنشا ۇكىمەت قارجىنى ٴبولدى. پارلامەنت قولدادى. بيۋدجەت قابىلداندى. ٴبىراق، قارجى يگەرىلمەيدى. قاشانعى كۇتىپ وتىرامىز؟ نە ەكونوميكادا ٴوسىم جوق، نە حالىقتىڭ الدىندا ايتاتىن ٴسوز جوق. ەسەپ بەرىلگەن كەزدە ٴبارىن دە قاتىرىپ جاتىرمىز دەپ ايتامىز. ودان كەيىن ٴبارى ۇمىت قالادى. ايتپادى دەمەڭىزدەر، قۇرمەتتى ارىپتەستەر! سوڭعى ٴسوز – جارتى ايدىڭ قورىتىندىسىنان كەيىن بولىنگەن الايدا يگەرىلمەگەن قارجى باسقا سالاعا جۇمسالاتىن بولادى. ارى قاراي وزدەرىڭىز بىلەسىزدەر. حالىق پەن ەلباسىنىڭ الدىندا وزدەرىڭىز جاۋاپ بەرەسىزدەر»، - دەدى باقىتجان ساعىنتايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي