BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

«7،5 جىل بولىپ قالدى». قاسىموۆ مينيستر بولىپ ۇزاق وتىرۋى تۋرالى پىكىر ٴبىلدىردى

فوتو: ОКҚ баспасөз қызметі

ورتالىق كوممۋنيكاسيالار قىزمەتىندە وتكەن ٴباسپاسوز ٴماسليحاتىندا باق وكىلدەرى ىشكى ىستەر ٴمينيسترى قالمۇحانبەت قاسىموۆقا ٴبىر ۆەدومستۆو باسىندا قانشاما جىل وتىرعانىن ايتىپ، وتستاۆكاعا قاشان كەتەتىنىن سۇرادى، دەپ حابارلايدى baq.kz ٴتىلشىسى.

«ۇزاق جىل وتىرعانىما قاتىستى ايتسام، 7،5 جىل بولىپ قالدى. ٴۇش رەت ۇكىمەت قۇرامىنان كەتىپ، ٴۇش رەت قايتا كەلدىم. ۇكىمەت اۋىسقاننان كەيىن ٴبارىمىز بايانات تاپسىرىپ، وتستاۆكاعا كەتتىك. سودان سوڭ ٴبىزدى قايتا تاعايىندادى»، - دەدى ىشكى ىستەر ٴمينيسترى قاسىموۆ.

ەسكە سالا كەتسەك، ۆەدومستۆو باسشىسى دەنيس تەننىڭ ولىمىنەن كەيىن حالىقتىڭ وتستاۆكا تالاپ ەتۋىنە قاتىستى جاۋاپ بەردى.

«ٴبىز - اسكەري ادامدارمىز. قايدا بۇيىرسا، سوندا جۇمىس ىستەيمىز. ۇكىمەت قالاي شەشەدى، سولاي بولادى»، - دەپ ايتتى مينيستر.

ايتا كەتسەك، 2011 جىلدىڭ 11 ساۋىرىندە ىشكى ىستەر ٴمينيسترى لاۋازىمىنا قالمۇحانبەت قاسىموۆ كەلگەن بولاتىن. سودان بەرى ٴوزى ايتقانداي 7،5 جىل وتكەن.

ەسكە سالا كەتسەك، قاسىموۆ دەنيس تەن ولىمىنە كۇدىكتىلەردى ۇستاۋعا قاتىستى مالىمەتتىڭ ٴبارىن پرەزيدەنتكە بايانداپ وتىرعانىن ايتتى.

2018 جىلدىڭ 19 شىلدەسىندە الماتىدا مانەرلەپ سىرعاناۋشى دەنيس تەن اۆتوكولىك ۇرىلارىنىڭ قولىنان قازا تاپقان بولاتىن.

سپورتشىنى ٴولتىردى دەگەن كۇدىكپەن نۇرالى قياسوۆ جانە ارمان قۇدايبەرگەنوۆ قاماۋعا الىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي