BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

2020-2025 جىلدارعا ارنالعان يندۋستريالىق-يننوۆاسيالىق دامۋ تۇجىرىمداماسى ماقۇلداندى

فوتو: Нұржас Жақсыбай

استانا، baq.kz ٴتىلشىسى. بۇگىن ينۆەستيسيالار جانە دامۋ ٴمينيسترى جەڭىس قاسىمبەك ۇكىمەتتە 2020-2025 جىلدارعا ارنالعان يندۋستريالىق-يننوۆاسيالىق دامۋ تۇجىرىمداماسىن تانىستىردى.

تۇجىرىمدامانىڭ نەگىزگى تاسىلدەرى مەملەكەت باسشىسىنىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جولداۋىندا بەرىلگەن تاپسىرمالارىنا سايكەس ازىرلەنگەن جانە كەلەسى باعىتتاردى كوزدەيدى:

1. «قاراپايىم زاتتار ەكونوميكاسىن» دامىتۋ;

2. ىشكى نارىقتى وتاندىق تاۋارلارمەن تولتىرۋ;

3. وڭدەۋ ونەركاسىبىندەگى ەكسپورتتاۋشىلاردى قولداۋ;

4. شەتەلدىك ينۆەستيسيالاردى قوسا العاندا، جەكە ينۆەستيسيالاردى تارتۋ ارقىلى ٴىرى، ۇزدىك جوبالاردى ىسكە اسىرۋ.

«مۇندا 2025 جىلعا دەيىنگى ستراتەگيالىق دامۋ جوسپارىمەن ساباقتاستىق قامتاماسىز ەتىلىپ، نەگىزگى باستامالار مەن قاعيدالار ەسكەرىلگەن. جالپى يندۋستريالىق ساياسات ساباقتاستىقتى قامتاماسىز ەتەدى جانە وڭدەۋ ونەركاسىبىن دامىتۋعا باعىتتالادى. ٴبىز قولدانىستاعى ينفراقۇرىلىمدىق جانە ينستيتۋسيونالدىق بازانى بارىنشا پايدالانامىز»، - دەپ اتاپ ٴوتتى جەڭىس قاسىمبەك.

وڭدەۋ ونەركاسىبىنىڭ ٴوسىمى مەن باسەكەگە قابىلەتتىلىگىن ارتتىرۋ ٴۇشىن ٴۇش نەگىزگى ماسەلە انىقتالعان: ٴبىرىنشى، وڭدەۋ ونەركاسىبىنىڭ كاپيتالىنا سالىناتىن ينۆەستيسيا اعىنىنىڭ جەتىسپەۋى; ەكىنشى، كاسىپورىنداردىڭ سىني ماسساس قۇرىلماۋى; ۇگھشىنشى، شىعارىلاتىن ٴونىمنىڭ «كۇردەلىلىگى» تومەن.

وسى ورايدا ٴۇش مىندەتتى شەشۋ كەرەك: ٴبىرىنشى، يندۋستريالاندىرۋدى تەرەڭدەتۋ; ەكىنشى، سىرتقى نارىقتاردا سۇرانىسقا يە بولعان، وڭدەلگەن تاۋارلاردىڭ ٴوندىرىس كولەمىن، نومەنكۋلاتۋراسىن جانە كۇردەلىلىگىن ارتتىرۋ; ٴۇشىنشى، ونەركاسىپتىك قۋاتتاردى ۇلعايتۋ.

قويىلعان ماقساتتار مەن مىندەتتەرگە قول جەتكىزۋ ٴۇشىن يندۋستريالىق-يننوۆاسيالىق دامۋدىڭ 5 باعىتى ۇسىنىلىپ وتىر:

1. پرواكتيۆتى ساۋدا ساياساتىن جۇرگىزۋ

2. ٴوسۋ ورىندارىندا ٴوندىرىستىڭ مامانداندىرىلعان فاكتورلارنى بولجاۋ

3. كاپيتالدى جانە عىلىمدى قاجەت ەتەتىن جاڭا وندىرىستەردى اشۋ

4. ىشكى جانە سىرتقى نارىقتاردا ٴتيىمدى كاسىپورىنداردى تىكەلەي قولداۋ

5. يندۋستريالاندىرۋ ساياساتىن ۇيلەستىرۋ، قارجىلاندىرۋ جانە يندۋستريالىق-يننوۆاسيالىق رەتتەي مەن قولداۋدىڭ تيىمدىلىگىن ارتتىرۋ.

ٴمينيستردىڭ ايتۋىنشا، ٴۇشىنشى يندۋستريالاندىرۋ باعدارلاماسى الدىڭعى بەسجىلدىقتان ەرەكشەلەنەتىن بولادى.

«تۇجىرىمداما ەلباسىنىڭ جولداۋىمەن 2025 جىلعا دەيىنگى ستراتەگيالىق دامۋ جوسپارىنا سايكەس پىسىقتالدى. سول سەبەپتەن دە بۇل تۇجىرىمداما جوباسى ەلباسى قويعان مىندەتتەرگە ساي كەلەدى دەپ ەسەپتەيمىن. جان-جاقتى ساراپشىلارمەن بىرگە تۇجىرىمداما قارالدى»، - دەدى باقىتجان ساعىنتايەۆ.

ۇكىمەت مۇشەلەرى تۇجىرىمدامانى قولداپ، ورتاق شەشىم قابىلداندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي