USD 335.71 EUR 357.36 RUB 5.23
استانا:

تۇركياداعى قازاق دياسپوراسى تاۋەلسىزدىكتىڭ 25 جىلدىعىن اتاپ ٴوتتى

تۇركيادا دۇنيەجۇزى قازاقتارىنىڭ قاۋىمداستىعى مەن ٴبىلىم ۇيىمىنىڭ قولداۋىمەن قازاقستان تاۋەلسىزدىگىنىڭ 25 جىلدىعىنا ارنالعان مەرەكەلىك كونسەرت ٴوتتى.

سالتاناتتى شارا اياسىندا جەڭىس ىسقاقوۆا، رامازان ستامعازيەۆ جانە «قوڭىر توبى» ونەر كورسەتىپ، اتاجۇرتتان جىراقتا جۇرگەن قالىڭ قانداستارعا كەرەمەت كەش سىيلادى. كونسەرتتە ينە شانشار جەر قالعان جوق. ويتكەنى ەلىمىزدى وسى مەرەيلى مەرەكەمەن تەك قازاق دياسپوراسى عانا ەمەس، تۇركيالىق ساياساتكەرلەر، زيالى قاۋىم وكىلدەرىمەن قاتار جەرگىلىكتى تۇرعىندار دا قۇتتىقتاي كەلدى. ولار شيرەك عاسىر ىشىندە قازاقستان دۇنيەجۇزىنە كەڭىنەن تانىلىپ، الەمدىك قاۋىمداستىقتا ابىرويى زور مارتەبەلى مەملەكەتكە اينالعانىن ەرەكشە اتاپ ٴوتتى.

«بۇگىن مەن مىنانداي جينالىس كورمەدىم. نە دەگەن كوپ كىسى. ىشتە دە، سىرتتا دا تولىپ وتىر. ويتكەنى ولار قازاقستاننىڭ 25 جىلدىعىن قۇتتىقتاۋعا ارنايى كەلىپ وتىر. تاۋەلسىزدىكتىڭ 25 جىلدىعى تەك تۇركيادا، ىستامبۇلدا ەمەس، بۇكىل دۇنيەجۇزىندە، قازاق بار جەردىڭ بارلىعىندا تويلانۋدا. تاۋەلسىزدىك مەيرامى قۇتتى بولسىن. قازاقستانىمىز بار بولسىن، نازاربايەۆىمىز امان بولسىن!»، - دەيدى تۇركياداعى قازاق دياسپوراسىنىڭ وكىلى وسمان قۇماندان.

«ىستامبۇل قالاسىندا تۇراتىن قانداستارىمىز قازاقستان تاۋەلسىزدىگىنىڭ 25 جىلدىعىنا ارناپ، سالتاناتتى جيىن وتكىزۋگە ۇسىنىس بەرىپ ٴبىزدى شاقىرعاننان كەيىن قازاقستاننان ٴبىر توپ ونەر ادامدارىن باستاپ وسىندا كەلىپ وتىرمىز. بۇگىن قازاقستان تاۋەلسىزدىگىنە 25 جىلدىعىنا ارنالعان سالتاناتتى جيىن وتەدى. بۇل جينالىستا قازاقستان حالقىنا، ەلباسىمىز نۇرسۇلتان ٴابىش ۇلى نازاربايەۆقا قۇتتىقتاۋ حات قابىلدانباقشى. سونداي-اق بۇل شارا تەك تۇركيادا عانا ەمەس، وزبەكستان، قىرعىزستان جانە باسقا دا كورشىلەس ەلدەردە جاقىن ارادا وتەدى دەپ جوسپارلانعان»- دەيدى دۇنيەجۇزى قازاقتارىنىڭ قاۋىمداستىعى ٴتوراعاسىنىڭ ٴبىرىنشى ورىنباسارى تالعات ماماشەۆ.

حابار24

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي