BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

قازاقستانعا شەتەلدەن كەلەتىن تۋريستەر سانى ارتتى 

فوتو: Бауыржан Жуасбаев

استانا، baq.kz ٴتىلشىسى. kazakh tourism ۇك اق باسقارما ٴتوراعاسىنىڭ ورىنباسارى قايرات سادۋاقاسوۆ استانادا ٴوتىپ جاتقان travelmediatalks حالىقارالىق فورۋمىندا قازاقستاننىڭ سىرتقى تۋريزم سالاسىنىڭ كورسەتكىشتەرى تۋرالى باياندادى.

ونىڭ ايتۋىنشا، بۇگىن جۇرتشىلىقتىڭ نازارىنا ۇسىنىلىپ وتىرعان برەند تۇجىرىمداماسى سوڭعى نۇسقا ەمەس. بۇل فورۋم تۇجىرىمدامانى تالقىلاۋ ماقساتىندا وتكىزىلىپ وتىر.

«ٴبىز رەسەي، قىتاي، باتىس جانە شىعىس ەۋروپا، وڭتۇستىك-شىعىس ازيا ەلدەرى سەكىلدى ماڭىزدى 11 نارىقپەن جۇمىس ىستەيمىز. ٴار ەلدىڭ ٴوز برەندى بولادى. ارينە، برەندسىز ٴتۋريزمى دامىپ جاتقان ەلدەر بار. ٴبىراق برەند ماركەتينگتىڭ جىلدام جۇمىس ىستەۋىنە كومەكتەسەدى. وكىنىشكە قاراي، ماركەتينگ ىرگەتاسى ٴاردايىم ٴتيىمدى بولا بەرمەيدى. سول سەبەپتى برەندت، دۇرىس كونتەنت پەن مەسسەدج بولسا ونى ىلگەرىلەتۋگە سالىنعان ينۆەستيسيانىڭ وتەمى الدەقايدا جوعارى جانە جىلدام بولادى»، - دەدى سادۋاقاسوۆ.

ول سونداي-اق قازاقستانعا جىل باسىنان بەرى كەلگەن تۋريستەر سانى تۋرالى مالىمەتپەن ٴبولىستى.

«2017 جىلمەن سالىستىرعاندا 2018 جىلدىڭ 9 ايىندا ەلگە كەلگەن تۋريستەر سانى 16% جواعرى ٴوسىمدى كورسەتتى. بۇل وتە جاقسى كورسەتكىش. بۇگىندە 6،8 ملن تۋريست كەلدى. جىل سوڭىنا دەيىن تاعى دا تۋريستەر اعىنىن كۇتەمىز»، - دەدى ول.

ەسكە سالا كەتسەك، بۇگىن استانادا «جاھاندىق سيفرلاندىرۋ كەزەڭىندەگى تۋريزم: جاڭا تولقىنعا باعىت» تاقىرىبىندا travelmediatalks حالىقارالىق فورۋمى وتۋدە. فورۋم سپيكەرلەرى – 6 مەملەكەتتەن، سونىڭ ىشىندە ۇلىبريتانيا، رەسەي، ۋكراينا، بەلورۋسسيا، قىرعىزستاننان كەلگەن تۋريزم مەن مەديا سالاسىنداعى ساراپشىلار. سونداي-اق، بۇگىن فورۋم بارىسىندا ەلىمىزدىڭ تۋريستىك برەندىنىڭ تۇجىرىمداماسى كوپشىلىك نازارىنا ۇسىنىلدى. سونىمەن ۋكراينالىق جانە قىرعىزستاندىق ساراپشىلار تۋريستىك سالانى دامىتۋعا قاتىستى ٴوز ويلارىن ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي