BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

تۋريستەردى تارتۋ ٴۇشىن باياناۋىلدىڭ ۇيلەرى ٴتۇرلى تۇسكە بويالۋى مۇمكىن

فوتو: yvision.kz

استانا، baq.kz. پاۆلودار وبلىسىندا 2018 جىلعى قاڭتار-ماۋسىم ايلارىندا تۋريستەردىڭ سانى 56 303 ادامدى قۇرادى. بۇل تۋرالى pavlodarnews.kz سايتى حابارلايدى.

وبلىستىق اكىمدىكتە وتكەن اپپاراتتىق جيىندا وڭىرلىك كاسىپكەرلىك، ساۋدا جانە تۋريزم باسقارماسىنىڭ باسشىسى داستان رىسپەكوۆ باسقارمادا باياناۋىلعا كەلەتىن تۋريستەردىڭ سانىن ارتتىرۋ ٴۇشىن ونداعى ۇيلەردى ٴتۇرلى تۇسكە بوياۋ جوباسى قاراستىرىلىپ جاتقانىن ايتتى

بۇل ٴتاسىلدى شەت ەلدە يندونەزيا ۇكىمەتى قولدانىپ، 230 ٴۇيدى بوياۋعا 22 مىڭ دوللار قارجى جۇمساعان. ناتيجەسىندە كەلەسى جىلى تۋريستەردىڭ سانى ەكى ەسەگە وسكەن. ٴبىزدىڭ جاعدايدا بۇنى مەملەكەتتىك-جەكە مەنشىك ارىپتەستىك نەمەسە دەمەۋشى ارقىلى جۇزەگە اسىرۋعا بولادى»، - دەيدى ول.

وبلىس اكىمى بولات باقاۋوۆ اتالمىش باستامانى باياناۋىلدىقتار وزدەرى جۇزەگە اسىرا الاتىنىن ايتتى.

«باياناۋىلداعى ۇيلەردىڭ ٴارقايسىنىڭ ٴوز يەلەرى بار. ەگەر بوياۋدى بەرسەڭىزدەر يەلەرى بوياپ، قالاعاندارىڭىزداي ەتىپ بەرە الادى»، - دەدى ٴوڭىر باسشىسى.

سونىمەن قاتار، داستان رىسپەكوۆ وڭىردەگى ٴتۋريزمدى دامىتۋ ٴۇشىن وندىرىستىك ٴتۋريزمدى قولعا الۋدى ۇسىندى.

«ول ٴۇشىن وبلىسىمىزداعى ٴىرى كاسىپورىندارعا ەكسكۋرسيا ۇيىمداستىرىلادى. سول ارقىلى كاسىپورىنداردىڭ ونىمدەرىنە دە جاقسى جارناما جاساۋعا بولادى. بۇل امالدى باتىس ەۋروپادا شيرەك عاسىر بۇرىن قولعا العان. گەرمانيا ەلىندە bmw زاۋىتىن جىلىنا 250 مىڭ تۋريست ارالايدى»، - دەدى داستان رىسپەكوۆ.

ونىڭ ايتۋىنشا، قازاقستاندا ەكى كەشەندى قۇرىلىس نىسانى «گيننەس رەكوردتار» كىتابىنا ەنگەن. ونى ٴبىرى – شاتىر پىشىنىندەگى ٴىرى عيمارات «حان شاتىر» بولسا، ەكىنشىسى – الەمدەگى ەڭ ٴىرى ٴتۇتىن مۇرجاسى بار ەكىباستۇزداعى 2-ماەس.

«اتالعان نىساندارمەن قاتار، پاۆلودارلىق اليۋمينيي زاۋىتى، ەكىباستۇزداعى ماينينگ ورتالىعى، «بوگاتىر» كومىر كەنىشى سياقتى ورىندار ٴتۋريزمنىڭ جاڭا ٴتۇرىن ايتۋلى دەڭگەيگە كوتەرە الادى»، - دەدى داستان رىسپەكوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي