BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

شەتەلدىك قوناقتار: استانا ٴبىزدى باۋراپ الدى!

استانا، baq.kz. بۇل – شەتەلدىك قوناقتاردىڭ استانا تۋرالى ورتاق پىكىرى.

قىزمەت بابىنا قاراي قازاقستانعا شەتەلدەن كەلگەن قوناقتارمەن سۇحباتتاسۋدىڭ ٴساتى ٴجيى تۇسەدى. كەيدە ولاردىڭ قازاق اۋديتورياسىنا، قازاق ٴتىلدى ورتاعا تۇسكەندە قىسىلىپ قالاتىنىن كورىپ، ٴوزىمىزدىڭ باسقا تىلدەردى بىلمەيتىن ادامداردىڭ شەت ەلگە بارعاندا وسىنداي كۇي كەشەتىنىن تۇسىنەمىن. سوندىقتان دا، ەلىمىزدە جۇرگىزىلىپ جاتقان ٴۇش ٴتىلدى ٴبىلۋ باعدارلاماسى – جاستاردىڭ ەركىن، باسەكەگە قابىلەتتى بولۋىنا جول اشاتىنىنا سەنەمىن.

قازاق جاستارىنا شەت ٴتىلىن، اسىرەسە، ەلباسىمىز ايتقانداي، اعىلشىن ٴتىلىن ٴبىلۋدىڭ ٴبىر ارتىقشىلىعى – كەز كەلگەن ەلدە ەركىن جۇرە الاسىڭ. ويتكەنى، ٴقازىر اعىلشىن ٴتىلى الەمنىڭ تۇكپىر-تۇكپىرىنە جەتتى.

سونداي-اق، شەت ٴتىلىن ٴبىلۋ – ٴوز ەلىمىزگە كەلگەن شەتەلدىك قوناقتارمەن ەركىن سۇقباتتاسۋ مۇمكىندىگىن بەرەدى. ال، ولارعا جول كورسەتىپ، كەڭەس بەرىپ، كومەكتەسە الۋ – قوناقتاردىڭ الدىندا قازاق جاستارىن جاقسى قىرىنان كورسەتەتىن مۇمكىندىكتەردىڭ ٴبىرى. رەتى كەلگەندە، شەتەلدىكتەرمەن سويلەسىپ تۇرۋ – ٴتىلىڭدى دامىتاتىن جاقسى جاتتىعۋ.

استانا قالاسىنىڭ كوشى-قون قىزمەتى 60 مىڭنان استام شەتەلدىكتىڭ ەلوردادا تىركەلگەنى تۋرالى حابارلاعاندا، ولار ٴبىزدىڭ ەلدە تۇرعىسى كەلسە، قازاقستاندى، جالپى ٴبىزدى ۇناتقانى عوي دەپ ويلادىم. ٴبىز وسىندا ٴجۇرىپ بايقاماعان ارتىقشىلىقتاردى شەتەلدىكتەر بايقاعان بولار. ولار ٴبىزدىڭ ەلگە، استاناعا نە ماقساتپەن كەلدى ەكەن؟ نەگە ەكەنىن بىلمەيمىن، ولاردىڭ پىكىرلەرىن بىلگىم كەلدى.

شەت ەلدە وقىپ جۇرگەندە بايقاعانىم، جالپى، شەتەلدىكتەر تەز جينالىپ، تەز جولعا شىعىپ كەتۋگە بەيىم بولادى ەكەن. ولار جاڭانى بىلۋگە، كورۋگە قۇمار. جانە جاستار عانا ەمەس، جاسى ۇلكەن كىسىلەر دە الەمدى تانۋعا ۇمتىلادى. اعىلشىن ٴتىلىن بىلەتىنىم ولاردىڭ ايتقاندارىن اۋدارماسىز تۇسىنۋگە، ىشكى تولعانىستارىن سەزىنۋگە كومەكتەسەدى.

تەلەديداردا حەلەن ەسىمدى ايەل سۇحبات بەرىپ تۇردى. استانادا ٴبىلىم سالاسىندا قىزمەت ەتۋگە كەلىپتى. ٴوزى نيدەرلاندىدا تۇرادى ەكەن. اۋەلى قىستا ايازدىڭ وتىز گرادۋسقا دەيىن جەتەتىنىن ەستىسە دە، ونشا ٴمان بەرمەگەنىن، ٴبىراق تاپ مۇنداي ايازدى كورمەگەنىن ايتىپ كۇلەدى.

اسىرەسە، وعان ٴبىزدىڭ اسپانىمىز ۇناپتى.

«بۇل جەردىڭ اسپانى سونداي بيىك ٴارى شەتسىز-شەكسىز. مەنىڭ العاشقى بايقاعانىم سول بولدى. بىزدە، نيدەرلاندىدا، اسپاندى ۇدايى بۇلت تورلاپ تۇرادى. ال سىزدەردە اسپان كوكپەڭبەك ەكەن» دەيدى ول.

ال ٴبىز ونى بايقاي بەرمەيمىز.

ٴبىر مەزگىل اسپانعا قاراپ تۇرۋ كەرەك ەكەن. ارمانىڭ بيىكتەي تۇسەدى.

شۆەيساريانىڭ ەلشىسى ۋرس شميد مىرزا زايىبى ليۋسيا حانىممەن بىرگە قازاقستان تۋرالى سۇيسىنە اڭگىمەلەيدى. بىزگە دەيىن ٴبىرقاتار شەتەلدە قىزمەت ەتكەن ولار، ازياعا ٴبىرىنشى كەلۋلەرى ەكەن. نەشە ٴتۇرلى دامىعان ەلدەردە قىزمەت ەتسە دە، ولار استانانى كورگەندە تاڭ قالىپتى.

«كوز الدىڭدا ٴوسىپ كەلە جاتقان قالادا قىزمەت ەتۋ – تاعدىردىڭ بىزگە بەرگەن ۇلكەن مۇمكىندىگى» دەيدى ۋرس مىرزا.

ليۋسيا ٴۇشىن ەڭ ۇلكەن پروبلەما – تىلدىك كەدەرگى بولىپ شىعىپتى. ٴقازىر تالپىنىپ، قازاق ٴتىلىنىڭ كەيبىر تىركەستەرىن جاتتاپ الىپتى. «ٴسال باياۋلاۋ سويلەسە، تۇسىنەمىن» دەپ كۇلەدى ليۋسيا حانىم. كوپتەگەن قىزمەتتىڭ، اسىرەسە تاكسيدىڭ ديسپەتچەرلەرى اعىلشىن ٴتىلىن تۇسىنبەيتىنىنە نالي وتىرىپ، تىلگە بايلانىستى پروبلەمالارعا وزدەرى دە كىنالى ەكەنىن اتاپ كورسەتتى.

«قازاقستاننىڭ ادامدارى ۇنايدى» دەيدى ەرلى-زايىپتىلار ٴبىر اۋىزدان. ولار تۇراتىن شۆەيساريادا ادامدى قوناققا شاقىرۋ ٴۇشىن ونى كەمىندە ٴبىر جىل ٴبىلىپ-تانۋىڭ كەرەك ەكەن.

«ال، قازاقتاردىڭ ەسىگىن اشىپ تۇرىپ، تورگە شاقىراتىنىنا قايران قالام. ٴار ەسىكتىڭ ار جاعىندا دوسىڭ تۇرعانداي سەزىنەسىڭ» دەيدى ەلشى مىرزا.

ارينە، ٴبىز «ٴار قازاق – مەنىڭ باۋىرىم» دەيتىن حالىق ەمەسپىز بە!

استاناعا لوندوننان قىزمەتكە كەلگەن دجەكي دەۆيس، استاناداعى haileybury school astana مەكتەبىندە ەكونوميكادان ساباق بەرەتىن روبەرت گريففيتس پەن ولاردىڭ قىزى، ستۋدەنت كاتالينا گريففيتس-دەۆيس قازاقستان استاناسى تۋرالى قۋانا اڭگىمەلەيدى.

«ارينە، ەڭ تاماشا اسەر قالدىراتىن – وسى جاقتىڭ ادامدارى مەن قالانىڭ ساۋلەتى، - دەيدى روبەرت. – ٴبىراق مەن ٴۇشىن ەڭ قۋانىشتىسى – جارىقتىڭ كوپ ەكەندىگى. ٴتىپتى قىستىگۇنى دە كەش ەرتە تۇسپەيدى. ال بىزدە، لوندوندا، ساعات تورتكە قاراي قاراڭعى تۇسە باستايدى».

استانا ساۋلەتىنىڭ كوز تويدىراتىنىن كاتالينا دا بايقاپتى. ول ٴتىپتى جاياۋ قىدىرىپ، ادەمى عيماراتتاردى قاراپ جۇرگەندى ۇناتادى ەكەن. اسىرەسە، جاز ايلارىندا، كۇن باتىپ بارا جاتقاندا قالا ەرتەگىدەگىدەي بولىپ كورىنىپ، قيالىڭا قانات بايلاعانداي اسەر ەتەتىنىن ايتتى.

دجەكي بولسا – وتە كوڭىلدى ٴارى باۋىرمال ادام. بىردە، «الاشا» مەيرامحاناسىنا بارعاندا، ٴار جەردە وتىرعان ادامداردى ورتاعا شاقىرىپ، بيلەتكەنىن كۇلە ەسكە الدى. ٴبىر قىزىعى، ولاردىڭ تۋعان قالالارىندا ەرەسەك ادامدارعا ارنالعان بي بيلەيتىن كلۋب جوق ەكەن. وعان استانادا كەز كەلگەن جاستاعى ادامداردىڭ ورتاعا شىعىپ، بيلەي الاتىنى قاتتى اسەر ەتىپتى.

سونداي-اق، ولار قازاقتىڭ ۇلتتىق تاعامدارىن ۇناتاتىندارىن جانە ولاردىڭ، سونىڭ ىشىندە جىلقى ەتىنىڭ ٴدامىن، العاش رەت وسىندا كەلگەندە تاتسا دا، ەندى ٴومىر بويى سۇيىكتى اسى بولىپ قالاتىنىن جارىسا ايتتى. كۇش-قۋات بەرەتىنىنە قوسا، بۇدان كەيىن «دەنساۋلىققا پايداسى مول» اس رەتىندە دارىپتەپ جۇرەتىندەرىن دە ايتتى.

«مىنە، ٴبىزدىڭ تاماعىمىز قانداي!» دەپ ويلادىم مەن.

استاناعا قىزمەتپەن كەلەتىندەردىڭ ىشىندە نەگىزىنەن ديپلوماتيالىق قىزمەتكە، ٴبىلىم سالاسىنا – مەكتەپتەر مەن ينستيتۋتتاردا شەت ٴتىلىن وقىتۋعا نەمەسە پاندەردى شەت تىلىندە وقىتۋ ماقساتىندا كەلەتىندەر كوپ.

سولاردىڭ ىشىندە ەلوردادا ٴبىراز ۋاقىت تۇراتىندار، وسى جەردەن كوپتەگەن دوستار تاپقاندار، ٴتىپتى، باسقا ەلدەرگە كەتكىسى كەلمەيتىندەر دە بار. مەتتيۋ مەن ليليانا – سولاردىڭ قاتارىندا. ولار نازاربايەۆا زياتكەرلىك مەكتەبىنىڭ وقىتۋشىلارى. ٴوز جۇمىستارىن «بالالاردىڭ ٴبىلىمىن ۇشتاپ، ولاردىڭ حالىقارالىق جوعارى وقۋ ورىندارىنا تۇسۋىنە كومەكتەسەمىز» دەپ ٴتۇسىندىردى. بولاشاققا جوسپارلارىن سۇراعاندا، استانانىڭ وزدەرىن باۋراپ العانىن، ەگەر قاجەت بولسا، قىزمەت ەتۋ شارتتارىن ٴالى دە ۇزارتقىلارى كەلەتىنىن ايتتى.

استانانى العاش كورگەندەگى سەزىمدەرى ەكى ٴتۇرلى ەكەن: كۇيەۋى «ٴبىر جاعىندا ەسكى ۇيلەر، ٴبىر جاعىندا ٴزاۋلىم جاڭا ۇيلەر – قىزىق جوسپارلانعان قالا ەكەن» دەپ ويلاپتى. ال كەلىنشەگى، «ەڭ باستىسى، بۇل – ٴقاۋىپسىز قالا ەكەنىن بىردەن ٴتۇسىندىم، - دەيدى. - ٴبىر جاققا بارۋعا ەش قورىقپايمىن، ويتكەنى، استانا – وركەنيەتتى قالا، كەز كەلگەن ۋاقىتتا دالاعا شىعا بەرۋگە بولادى».

قازاق جاستارى تۋرالى سۇيسىنە ايتتى. ولاردىڭ ۇستازعا اسقان قۇرمەتپەن قارايتىنىن، ٴبىراق، ٴوز پىكىرلەرىن ايتۋدان جاسقانبايتىنىن جوعارى باعالايدى ەكەن. «بۇل جاقتا وتىرىك كۇلىپ، شىن ويىڭدى بۇگىپ قالۋ دەگەن جوق. ٴبارىن اشىق ايتىپ، ماسەلەنى بىردەن شەشىپ الادى». ماعان وسىنداي قارىم-قاتىناستار وتە ۇنايدى» دەيدى مەتتيۋ.

العاشقى كۇندەرىن، دۇكەنگە، بازارعا بارىپ، ساتۋشىلارعا ىممەن ٴتۇسىندىرىپ، ازىق-تۇلىك العاندارىن كۇلە وتىرىپ، ەسكە الادى.

«سيىردىڭ ەتىن ساتىپ الۋ ٴۇشىن «مۋۋ» دەدىم، ال جۇمىرتقا ساتىپ الۋعا بارعانىمدا تاۋىقتاي قىت-قىتتادىم عوي!» دەيدى ليليانا ٴماز بولىپ.

ٴبىراق سودان كەيىن قورىتىندى جاساپ، قازاق دوستارىنان كەرەك سوزدەردى ۇيرەنە باستاپتى. «قازاق ٴتىلى سونداي سۇلۋ ٴتىل. اۋەن سياقتى» دەيدى ليليانا.

ٴيا، ٴبىزدىڭ انا ٴتىلىمىز – سۇلۋ ٴتىل!

شەتەلدىكتەردىڭ ٴبىزدىڭ استانامىز، حالقىمىز، جاستارىمىز بەن ٴتىلىمىز تۋرالى پىكىرلەرى وتانىمىزعا دەگەن سۇيىسپەنشىلىگىمىزدى ارتتىرا تۇسەدى دەگەن ويدامىن.

ايجان وشاقبايەۆا، بۇۇ دامۋ باعدارلاماسىنىڭ قىزمەتكەرى.

استانا قالاسى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي