BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

رەسەيدىڭ شەكارالىق ايماقتارىنان شىعىسقا بەس مىڭنان استام تۋريست كەلگەن

فوتو: liter.kz

استانا، baq.kz. بيىلعى 10 ايدا شىعىس قازاقستانعا رەسەيدىڭ شەكارالىق ايماقتارىنان بەس مىڭنان استام تۋريست كەلىپ قايتقان. بۇل سوڭعى ٴۇش جىلمەن سالىستىرعاندا 4،5 ەسە كوپ. بۇل تۋرالى altaynews.kz سايتى حابارلايدى.

مۇنى پەتروپاۆل قالاسىندا ٴوتىپ جاتقان قازاقستان مەن رەسەيدىڭ تۋريستىك كورمەسى كەزىندە وبلىستىق تۋريستىك اقپارات ورتالىعىنىڭ ماماندارىنان سۇراپ بىلدىك.

بۇل كۇندەرى سولتۇستىك قازاقستان وبلىسىنىڭ ورتالىعىندا قازاقستان مەن رەسەيدىڭ ٴ15-شى ٴوڭىرارالىق ىنتىماقتاستىق فورۋمى وتۋدە. فورۋم اياسىندا ەكى ەلدىڭ تۋريستىك الەۋەتىن پاش ەتۋگە باعىتتالعان ارنايى كورمە ۇيىمداستىرىلعان.

«شىعىس قازاقستانعا كەلەتىن تۋريستەر سانى جىل وتكەن سايىن ارتىپ كەلەدى. بۇعان سوڭعى جىلدارى وبلىسىمىزداعى تۋريستىك ينفراقۇرىلىمنىڭ قارقىندى دامۋى دا ٴوز سەپتىگىن تيگىزۋدە»، - دەيدى وبلىستىق تۋريستىك اقپارات ورتالىعىنىڭ ديرەكتورى سىمبات رامازانوۆ.

ونىڭ ٴسوزىن رەسەيلىك ارىپتەسى دە قولدادى. التاي رەسپۋبليكاسىنىڭ تۋريستىك اقپارات ورتالىعى ماركەتينگ ٴبولىمىنىڭ مەڭگەرۋشىسى سەرگەي ٴپوپوۆيچتىڭ ايتۋىنشا، ٴقازىر كەرى باعىتتا ساپارلاۋشىلارى سانى دا وسىدان بىرنەشە جىل بۇرىنعىمەن سالىستىرعاندا اناعۇرلىم ارتقان.

«ٴسوزسىز، بۇعان ەكى ٴوڭىر اراسىنداعى جولداردىڭ قالپىنا كەلتىرىلۋى، سونداي-اق تۇراقتى جولاۋشىلار تاسىمالىنىڭ بولۋى دا ىقپالىن تيگىزدى. ٴبىز شىعىس قازاقستان وبلىسىنىڭ ەڭ جاقىن كورشىلەرىنىڭ ٴبىرىمىز. سوندىقتان بايلانىسىمىز بۇدان دا تىعىز بولىپ، سىزدەردەن بىزگە، بىزدەن سىزگە ساپارلايتىن تۋريستەر قاراسى جىل سايىن ارتا بەرەدى دەپ سەنەمىز»، - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي