BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

مينيستر شەتەلدىك تۋريستەر ٴۇشىن «جىبەك جولى» ۆيزاسىن بەكىتۋدى ۇسىندى 

ٴبىز شەتەلدىك تۋريستەر ٴۇشىن تۇرىك كەڭەسىمەن بەكىتىلگەن جىبەك بولى تۋريستىك باعدارى بويىنشا «جىبەك جولى» ۆيزاسىن ۇسىنۋىمىز كەرەك. بۇل جونىندە قر تۋريزم جانە سپورت ٴمينيسترى ارىستانبەك مۇحامەدي ۇلى تۇركى كەڭەسى اياسىندا تۋريزم مينيسترلەرىنىڭ ٴتورتىنشى كەزدەسۋى بارىسىندا مالىمدەدى، دەپ حابارلايدى baq.kz ٴتىلشىسى.

«قازاقستان تۋريزم ارقاسىنداعى ەكونوميكالىق ىقپالدى وتكەن جىلى استانادا ەكسپو كورمەسىن وتكىزۋ بارىسىندا سەزىندى. كورمەنى 7 ملن جۋىق كەلۋشىلەر تاماشالاعان. بىرنەشە ونداعان جىل بويى تۋريزم سالاسى تۇراقتى دامىپ، ەكونوميكانىڭ ەڭ تەز دامۋشى سەكتورلارىنىڭ بىرىنە اينالدى. سونىمەن قاتار، تۋريزم سالاسى ىسكەرلىك وپەراسيالار كولەمى بويىنشا مۇناي ەكسپورتى، ازىق-تۇلىك، اۆتوموبيل ساۋداسىنان اسىپ ٴتۇستى»، - دەدى مينيستر.

مۇحامەدي ۇلى مەملەكەت باسشىسى تۋريزم سالاسىنا ۇلكەن ٴمان بەرەتىنىن جانە اتالعان سالاعا قازاقستاندى الەمنىڭ ەڭ دامىعان 30 قاتارىنا كىرگىزۋ ىسىندە ۇلكەن مىندەتتەر جۇكتەلگەنىن اتاپ ٴوتتى.

«رۋحاني جاڭعىرۋ» باعدارلاماسى اياسىندا ىشكى ٴتۋريزمدى دامىتۋ بويىنشا جۇمىستار جالعاسىپ جاتىر. اتالعان باعدارلامانىڭ ارقاسىندا ەلىمىزدەگى مۋزەي-قورىقتار سانى ارتا ٴتۇستى. وسى جىلدىڭ وزىندە ٴبىز رەسپۋبليكالىق ماڭىزى بار تاعى 3 مۋزەي-قورىق قۇردىق. تاۋەلسىزدىك جىلدارى ىشىندە قازاقستان حالىقارالىق دەڭگەيدە تۋريزم سالاسىن دامىتۋ جانە شەت ەلدەرمەن قارىم-قاتىناستى نىعايتۋ ٴۇشىن كۇش سالىپ كەلەدى. ايتا كەتۋ كەرەك، قازاقستان ۆيزالىق-ميگراسيالىق رەجيمدى ليبەراليزاسيالاۋعا ۇلكەن ٴمان بەرەدى. وسىلايشا، الەمنىڭ 61 ەلىنىڭ، ەىدۇ-عا مۇشە 35 جانە اتالعان ۇيىمعا كىرمەيتىن 10 ەلدىڭ، ٴوزارا كەلىسسوز ارقاسىندا 16 ەلدىڭ ازاماتى قازاقستان ۆيزاسىن الۋدان بوساتىلعان. ال 48 مەملەكەتتىڭ ازاماتتارىنا تۋريستىك ۆيزا قازاقستانعا شاقىرۋدى راسىمدەۋسىز بەرىلەدى»، - دەدى ۆەدومستۆو باسشىسى.

ٴمينيستردىڭ بەرگەن مالىمەتىن سايكەس، بۇگىنگى تاڭدا قىتاي مەن ٴۇندىستان ازاماتتارى ٴۇشىنشى مەملەكەتتە ساپار جاساۋ بارىسىندا قازاقستاندا 72 ساعاتقا دەيىن ۆيزاسىز بولۋىنا رۇقسات ەتىلگەن.

«قازاقستان سوناۋ زاماننان بەرى ۇلى جىبەك جولىنىڭ اجىراماس بولىگى بولىپ تابىلادى. وسى ورايدا، تۇركى كەڭەسى مەملەكەتتەرىنىڭ باسشىلارى بودرۋمدا وتكەن سامميت بارىسىندا «قازىرگى زامانعى جىبەك جولى» تۇركى كەڭەسىنە تۋريستىك ونىمدەردى دايارلاۋ بويىنشا ۇيلەستىرۋشى ەتىپ تاعايىندادى. وسىعان بايلانىستى، ٴبىز اعىمداعى جىلدىڭ قىركۇيەك ايىندا قىرعىزستاندا وتەتىن سامميتكە ناقتى شەشىمدەردى ۇسىنۋىمىز كەرەك. ورتاق تۋريستىك ٴونىمدى ازىرلەپ، ونى حالىقارالىق كورمەلەردى الەمگە تانىتۋ بويىنشا سۇيەمەلدەۋ جۇمىستارىن جۇرگىزۋ كەرەك. سونىمەن قاتار، ٴبىز شەتەلدىك تۋريستەر ٴۇشىن تۇرىك كەڭەسىمەن بەكىتىلگەن جىبەك بولى تۋريستىك باعدارى بويىنشا «جىبەك جولى» ۆيزاسىن ۇسىنا الامىز. مۇنداي مەحانيزمدى ەنگىزۋ شەنگەن ۆيزاسىنىڭ بالاماسى بولا الار ەدى. ٴبىز بىرلەسىپ تۋريستەر ٴۇشىن تاريحي قالالار بويىنشا وتەتىن تۋر ۇسىنا الامىز. ٴبىز كەلەسى 2019 جىلدى ٴازىربايجانداعى قازاقستان ٴتۋريزمى جىلى دەپ ەنگىزۋدى ۇسىنامىز»، - دەگەن ول قازاقستانداعى وزبەكستان جىلى ٴساتتى جۇزەگە اسىرىلىپ جاتقانىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي