BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

قازاقستاندا عارىشتىق تۋريزم داميدى

فوتو: akorda.kz

سولتۇستىك قازاقستان، baq.kz ٴتىلشىسى. قازاقستاندا عارىشتىق تۋريزم سالاسىن دامىتۋ قولعا الىنباق. بۇل جونىندە پەتروپاۆلدا قازاقستان مەن رەسەي پرەزيدەنتتەرىنىڭ قاتىسۋىمەن ٴوتىپ جاتقان ٴوڭىرارالىق ىنتىماقتاستىق فورۋمىندا ايتىلدى.

الەمدە ەكونوميكا سالاسىنا قۇيىلاتىن قارجىنىڭ 10 پايىزى تۋريزمگە تيەسىلى، سونداقتان اتالعان باعىتتى دامىتۋ ماڭىزدى. قازاقستان مەن رەسەي ٴوڭىرارالىق ىنتىماقتاستىق فورۋمىنىڭ كوزدەگەنى دە وسى ماقسات. جيىندا تۋريزم سالاسىن دامىتۋدىڭ ٴتۇرلى جولدارى ۇسىنىلدى. سولاردىڭ ٴبىرى جانە بىرەگەيى – عارىشتىق تۋريزم.

«بىرىككەن ۇلتتار ۇيىمىنىڭ بولجامى بويىنشا، 2030 جىلعا قاراي الەمنىڭ 1،8 ميللياردقا جۋىق تۇرعىنى تاريحي ەسكەرتكىشتەرگە جانە كۋرورتتىق ايماقتارعا ساياحات جاسايدى. قازاقستان مەن رەسەي دە بۇل سالانى دامىتۋدى ٴبىر جولعا قويۋ كەرەك. ٴتۋريزمدى ىلگەرىلەتۋ ٴۇشىن قوس ەلدىڭ تۋريستەرى شەكارا بەكەتىنەن كەدەرگىسىز ٴوتۋى ٴتيىس. سونداي-اق، كاسپيي تەڭىزى مەن عارىشتىق ٴتۋريزمنىڭ الەۋەتىن پايدالانۋ كەرەك»، - دەدى نۇرسۇلتان نازاربايەۆ.

رەسەي تاراپى دا بۇل سالادا قويان-قولتىق جۇمىس ىستەۋگە نيەتتى. بۇگىندە قوس ەلدىڭ اراسىندا «ۇلكەن التاي» سىندى تاعى باسقا ورتاق جوبالاردى جۇزەگە اسىرۋ قولعا الىنباق. ۆلاديمير پۋتين ورتاق تاريحى تەرەڭگە تامىر تارتقان كورشى مەملەكەتتەر مۇنىمەن شەكتەلمەي، قولدا بار مۇمكىندىكتى پايدالانۋ كەرەكتىگىن اتاپ ٴوتتى.

«پەتروپاۆل قالاسىن قازاقستان مەن رەسەيدىڭ اراسىندا بىرنەشە عاسىرعا ۇلاسقان دوستىقتىڭ ناتيجەسى دەۋگە بولادى. قوس ەلدىڭ حالقى ورتاق تاريحقا باي. سوندىقتان تۇرعىندار قوس مەملەكەتتىڭ تاريحىن تەرەڭ زەرتتەۋ ٴۇشىن، ادەت-عۇرپىمەن تانىسۋ ٴۇشىن تۋريستىك باعىتتاردى قۇرۋعا بولادى. ەكى ەلدىڭ اراسىندا جىل سايىن 6 ميلليوننان استام ادام قاتىنايدى. بۇل كورسەتكىشتى ۇلعايتۋ كەرەك»، - دەدى ول.

جيىندا ايتىلعانداي، اقش-تا عارىشتىق ٴتۋريزمدى دامىتۋ مىقتاپ قولعا الىنعان. بىلتىر ونداعى عارىش ايلاقتارىن كورۋگە ٴبىر ميلليون استام ادام نيەت بىلدىرگەن. قازاقستاندا بۇل تاجىريبەنى بايقوڭىردا ەنگىزۋگە بولاتادى. وتاندىق عارىش ايلاعىنان جىل سايىن ورتا ەسەپپەن 24 زىمىران ۇشىرىلادى. بايقوڭىر زىمىراننىڭ ۇشىرىلعانىن كورگىسى كەلگەن 2 مىڭ ادامدى سىيدىرا الادى.

فورۋمدا ەكى تاراپ «بايقوڭىر عارىش ايلاعىن جالعا الۋ تۋرالى» كەلىسىمشارتقا وزگەرىس ەنگىزۋ جونىندەگى حاتتاماعا قول قويدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي