BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

قازاقستاندا ادال جۇمىس ىستەيتىن تۋراگەنتتىكتەر ٴتىزىمى جاسالماق

شەتەلگە دەمالۋعا شىعاتىن تۋريستەر كاتالوگتا كورسەتىلگەن تۋراگەنتتىككە جۇگىنىپ، جولدامانى ەش قورىقپاستان ساتىپ الا الادى. قازاقستان تۋراگەنتتىكتەرى قاۋىمداستىعى «تۋريستىك قامقور» كورپوراتيۆتى قورىمەن بىرلەسىپ ادال جۇمىس ىستەيتىن تۋراگەنتتىكتەردىڭ كاتالوگىن ازىرلەپ جاتىر. ول وسى جازدىڭ سوڭىندا دايىن بولادى. بۇل تۋرالى بۇگىن اتالعان قاۋىمداستىق پرەزيدەنتى، «تۋريستىك قامقور» قورىنىڭ تۋراگەنتتiكتەرمەن جۇمىس جونىندەگى دەپارتامەنت ديرەكتورى اسەل نۇركەبايەۆا ايتتى، دەپ حابارلايدى baq.kz ٴتىلشىسى.

«قازىرگى تاڭدا بىزدە تۋراگەنتتىكتەردىڭ مەملەكەتتىك رەەسترى بار. ٴبىراق، وكىنىشكە قاراي، تۋريستىك ماۋسىم باسىندا الاياق تۋراگەنتتىكتەر تۋرالى اقپارات تاراي باستادى. تۋروپەراتورلىق قىزمەت جۇرگىزبەي، «تۋريستىك قامقورعا» كىرمەيتىن ٴبىر كۇندىك كومپانيالار پايدا بولادى. ولار تۋريستەرگە «سۋپەر» ارزان تۋر ۇسىنىپ، كليەنتتەردى الدايدى. اقىر سوڭىندا تۋريستەر سان سوعىپ قالادى. بۇل پروبلەما بۇگىن عانا پايدا بولعان جوق، باياعىدان بار. سوندىقتان جىل باسىنان بەرى ٴبىز قازاقستاننىڭ تۋراگەنتتىكتەرى قاۋىمداستىعى «تۋريستىك قامقور» قورىمەن بىرلەسىپ، بۇل باعىتتا جۇمىس ىستەپ جاتىرمىز. ياعني، قانداي دا ٴبىر ماسەلە تۋىنداسا، ٴبىز ونى بىرلەسىپ جىلدام شەشەمىز»، - دەدى نۇركەبايەۆا.

ول جاقىن ارادا نارىقتا ادال جۇمىس ىستەيتىن تۋريستىك اگەنتتىكتەردىڭ كاتالوگى جاسالاتىنىن، ونىڭ وسى جازدىڭ سوڭىندا تولىق دايىن بولاتىنىن ايتتى.

«ٴبىز «تۋريستىك قامقور» قورىمەن بىرلەسىپ، الاياقتىققا جول بەرمەيتىن، ادال تۋراگەنتتىكتەردىڭ كاتالوگىن قۇرۋدى ٴجون كوردىك. ول تىزىمدەگى اگەنتتىكتەردەن تۋريستەر ەش قورىقپاستان جولداما ساتىپ الا الادى. ٴقازىر ٴبىز تۋراگەنتتىكتەرگە قويىلاتىن تالاپتاردى ازىرلەپ جاتىرمىز. بارلىق تۋراگەنتتىكتى وسى تىزىمگە كىرۋگە شاقىرامىز»، - دەدi مامان.

سونداي-اق، ول شەتەلدە دەمالعىسى كەلەتiن قازاقستاندىق تۋريستەرگە بiرقاتار كەڭەس بەردi.

«باعاسى اسپانداپ تۇرعان قوناق ۇيگە تۋر بولسا، بىردەن ساتىپ الماي، ويلانۋ كەرەك. بۇل، ەڭ اۋەلى، ٴتۋريستىڭ جاۋاپكەرشىلىگى. سەبەبى «ليۋكس» ٴقوناقۇي بىر-ەكى تيىن تۇرمايدى، ونى اركىم ٴتۇسىنۋى كەرەك. ەكىنشىدەن، تۋراگەنتتىككە كەلگەن كەزدە، ٴار ازامات مىندەتتى تۇردە تۋريستىك قىزمەت كورسەتۋگە كەلىسىمشارت بەكىتىلۋىن تالاپ ەتۋى كەرەك. بىزدە كەلىسىمشارت تيپتىك، ونى ٴتورت مينيسترلىك بەكىتكەن. شەتەلگە شىعاتىن ٴتۋريستىڭ قولىندا وسىنداي تيپتىك كەلىسىمشارت بولۋى ٴتيىس. ودان كەيىن، بارلىق چەك، كاسسالىق كىرىس وردەرى، قازىنالىق چەك، «تۋريستىك قامقور» كورپوراتيۆتىك قورى بەرەتىن تۋركود بولعانى ٴجون»، - دەپ تۇيىندەدى اسەل نۇركەبايەۆا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي