BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

قازاقستان ٴتۋريزمى «itb» كورمەسىندە ٴوز الەۋەتىن تانىتتى

قازاقستان itb berlin-2018 ەڭ ٴىرى حالىقارالىق تۋريستىك كورمەسىنە قاتىسىپ جاتىر. بيىل تۋريستىك ۇسىنىستاردىڭ جاھاندىق بيزنەس الاڭىندا 160 مىڭ تاماشالاۋشى مەن 180 مەملەكەتتەن كەلگەن 10 مىڭنان استام قاتىسۋشى بولدى. بۇل – وسى ٴىس-شارانىڭ باستاۋ العان ساتىنەن بەرى (51 جىل) العاش رەت جاڭارعان رەكورد، دەپ حابارلايدى baq.kz اقپارات اگەنتتىگى.

6 ناۋرىز كۇنى گەرمانيا كانسلەرى انگەلا مەركەل مەن دۇنيەجۇزىلىك تۋريستىك ۇيىمنىڭ (يۋنۆتو) باس حاتشىسى زۋراب پولوليكاشۆيليدىڭ قاتىسۋىمەن كورمەنىڭ اشىلۋ سالتاناتى ٴوتتى.

قازاقستان ستەندىنىڭ نەگىزگى كونسەپسياسى رەتىندە ەلىمىزدىڭ ەتنيكاسى جانە مادەنيەتى تانىستىرىلدى. ال ستەندتىڭ ورتالىق ەلەمەنتى – تولىق جابدىقتالعان ناعىز كيىز ۇيدە جەنت دايىنداۋدان، قازاق ۇلتتىق مۋزىكالىق اسپابى - سازسىرناي جاساۋدان، كيىز ٴۇي تۇرعىزۋدان ماستەر-كلاسستار وتكىزىلىپ، ۇلتتىق مۋزىكا مەن بيلەر كورەرمەنگە جول تارتتى.

بۇل الاڭ 5 كۇن بويى قازاق مادەنيەتى مەن ٴسالت-داستۇرىن پاش ەتەتىن ساحنا رەتىندە ٴوز كورەرمەندەرىنە قالتقىسىز قىزمەت ەتتى. ستەندكە كەلۋشىلەر جاۋىنگەر كيىمىندەگى «ارلان» تەاترى باتىرلارىمەن سۋرەتكە ٴتۇسىپ، ولارمەن قول كۇرەستىردى.

سونداي-اق، پاۆيلوندا ۇستەلدە وينالاتىن اسىق ويىنى تۇرلەرى ٴۇشىن كىشى الاڭ بولىنگەن، بۇل جەردە قوناقتارعا اسىق ويناۋ ۇيرەتىلسە، ەڭ بەلسەندى ويىنشىلارعا اسىق جيىنتىقتارى سىيعا بەرىلدى.

«kazakh tourism» ۇك» اق باسقارما ٴتوراعاسىنىڭ ورىنباسارى ق. ٴسادۋاقاسوۆ باستاعان قازاقستان دەلەگاسياسىنىڭ قۇرامىندا تۋريستىك كومپانيالاردىڭ، قوناق ۇيلەردىڭ جانە وڭىرلىك تۋريزم باسقارمالارىنىڭ 40-تان استام وكىلى بار، قاتىسۋشىلاردىڭ مۇنداي رەكوردتى سانى بۇرىن-سوڭدى ەشبىر كورمەدە بولماعان ەدى.

قازاقستان itb كورمەسىنە جىل سايىن قاتىسادى. بيىل itb-دەگى قازاقستاننىڭ ۇلتتىق ستەندىنىڭ ۇيىمداستىرۋشىسى «kazakh tourism» ۇك» اق تۋريستىك كورمەلەرگە قاتىسۋدىڭ جاڭا فورماتىن ۇسىندى.

بەرليندەگى كورمەدەن باسقا، بۇل جىلى قىتاي، گونكونگ، وڭتۇستىك كورەيا، پولشا جانە باسقا مەملەكەتتەردەگى كورمەلەرگە قاتىسۋ جوسپارلانىپ وتىر.

«itb» (گەرمانيا، بەرلين) حالىقارالىق تۋريستىك كورمەسى 1966 جىلدان باستاپ وتكىزىلىپ كەلەدى، جانە جاھاندىق تۋريستىك ۇسىنىستارعا ارنالعان نەگىزگى بيزنەس الاڭ. بۇل – ەڭ ٴىرى، ٴارى كەلۋشىلەر سانى ەڭ كوپ بولاتىن تۋريستىك كورمە. كورمەنىڭ 26 پاۆيلونىندا تاريحي-مادەني تۋريزم مەن بەلسەندى تۋريزمنەن باستاپ كرۋيزدەر مەن سپا-دەمالىسقا دەيىنگى بارلىق باعىتتارى ۇسىنىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي