BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

قازاقستان مەن وزبەكستان اراسىندا ورتاق مۋلتيۆيزا تۋرالى كەلىسىم جاسالماق

فوتو: TRT

قازاقستان مەن وزبەكستان تۋريستەر ٴۇشىن ورتاق ۆيزا شىعارۋ تۋرالى كەلىسىمگە قول قويماق. بۇل تۋرالى استانادا وتكەن قازاقستان رەسپۋبليكاسى مەن وزبەكستان رەسپۋبليكاسى اراسىنداعى ەكىجاقتى ىنتىماقتاستىق جونىندەگى ۇكىمەتارالىق كوميسسياسىنىڭ 17-وتىرىسىنان كەيىن قر مادەنيەت جانە سپورت ٴمينيسترى ارىستانبەك مۇحامەدي ۇلى ايتتى، دەپ حابارلايدى baq.kz اقپارات اگەنتتىگى.

«قازىرگى ۋاقىتتا ٴبىزدىڭ مەملەكەتتەر ۆيزا تۋرالى كەلىسىپ جاتىر. دەمەك، وزبەكستان اۋماعىنداعى تۋريستەر ٴۇشىن بەرىلەتىن ۆيزا قازاقستاندا دا جارامدى بولادى. بۇل بىلايشا ايتقاندا ورتاق ۆيزا بولماق. قازاقستانعا كەلگەن شەتەلدىك قوناقتار وزبەكستانعا دا بارا الار ەدى»، - دەدى مينيستر.

ارىستانبەك مۇحامەدي ۇلىنىڭ ايتۋىنشا، بۇل كەلىسىمگە ەكى ەلدىڭ سىرتىق ىستەر مينيسترلىكتەرىنىڭ تۋريستىك ىنتىماقتاستىق تۇرعىسىندا قول قويىلعان.

«بۇگىنگى كوميسسيا وتىرىسىنىڭ سوڭىندا وسى كەلىسىمگە قول قويىپ، ۇكىمەتكە قاۋلى ۇسىنامىز. ارينە، ۋاقىت ٴوتىپ بارا جاتقاندىقتان، ٴبىز بۇل پروسەسستى تەزدەتۋىمىز كەرەك»، - دەدى مينيستر.

سونىمەن قاتار، بۇگىن استانادا وتكەن قازاقستان رەسپۋبليكاسى مەن وزبەكستان رەسپۋبليكاسى اراسىنداعى ەكىجاقتى ىنتىماقتاستىق جونىندەگى ۇكىمەتارالىق كوميسسياسىنىڭ 17-وتىرىسىندا قازاقستان مەن وزبەكستان تاراپى ٴبىرقاتار ەكىجاقتى كەلىسىمدەرگە قول قويعان بولاتىن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي