BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

قازاقستان ازاماتى كورەياعا باراردا نەنى ٴبىلۋى كەرەك

فوتو: Гүлжан Раманкулова

استانا، baq.kz ٴتىلشىسى. ٴسىز – قازاقستان ازاماتىسىز. وڭتۇستىك كورەياعا بارۋدى جوسپارلاپ وتىرسىز. وندا قر مسم تۋريزم يندۋسترياسى كوميتەتىنىڭ رەسمي اقپاراتى سىزگە نۇسقاۋ بولارى ٴسوزسىز.

فوتو: گۇلجان رامانكۋلوۆا

2014 جىلدىڭ 19 ماۋسىمىندا قول قويىلعان قازاقستان رەسپۋبليكاسى ۇكىمەتى مەن كورەيا رەسپۋبليكاسى ۇكىمەتى اراسىنداعى ۆيزا تالاپتارىنان ٴوزارا باس تارتۋ تۋرالى كەلىسىمگە سايكەس قر ازاماتتارى جارامدى جول ٴجۇرۋ قۇجاتتارى بويىنشا (قر ۇلتتىق پاسپورتپەن) ۆيزاسىز تومەندەگى ماقساتتارمەن كورەيا رەسپۋبليكاسىنا بارادى جانە 30 كۇندىك مەرزىمدە ۇزدىكسىز وندا بولا الادى:

  • تۋريستتىك ماقساتپەن،
  • ىسكەرلىك ساپارمەن;
  • ەمدەلۋ جانە ساۋىعۋ ماقساتىمەن;
  • جەكە ساپارمەن (تۋىسقاندارىنا، دوستارىنا جانە تانىستارىنا).

فوتو: گۇلجان رامانكۋلوۆا

وسى رەتتە، اتالعان كەلىسىمنىڭ ەرەجەلەرى كورەيا رەسپۋبليكاسىنا تومەندەگى ماقساتپەن باراتىن تۇلعالارعا قولدانىلمايدى:

  • جۇمىسقا ورنالاسۋ;
  • وقۋعا;
  • تۇراقتى تۇرۋعا;
  • ميسسيونەرلىك ماقساتپەن.

بۇل جاعدايدا قازاقستاننان كورەيا رەسپۋبليكاسىنا شىعۋدان بۇرىن كورەيا رەسپۋبليكاسىنىڭ استاناداعى ەلشىلىگىندە نەمەسە وسى ەلدىڭ الماتىداعى باس كونسۋلدىعىندا ٴتيىستى ساناتتاعى ۆيزانى الدىن الا رەسىمدەۋى قاجەت. بۇنداي بولماعان جاعدايدا كورەيا رەسپۋبليكاسىنىڭ زاڭناماسىنا سايكەس وسى ەلدىڭ كوشى-قون بيلىگى ٴسىزدى ەلگە كىرگىزۋدەن باس تارتۋى جانە دەپورتاسيا ٴتارتىبىن قولدانۋى مۇمكىن.

فوتو: گۇلجان رامانكۋلوۆا

«وڭتۇستىك كورەيانىڭ زاڭناماسىنا سايكەس وسى ەلدىڭ كوشى-قون قىزمەتىنىڭ قىزمەتكەرلەرى مالىمدەلگەن ساپارىنىڭ ماقساتى ٴىس جۇزىندەگى نيەتىمەن سايكەستىگىن انىقتاۋ ٴۇشىن كەز-كەلگەن شەتەلدىك ازاماتتاردان كەلگەن كەزدە سۇراۋ جۇرگىزۋگە جانە جاۋاپتارىندا ايىرماشىلىق بولعان جاعدايدا جوعارى اتالعان كەلىسىمنىڭ 7-بابىنا سايكەس ولاردىڭ ەلگە كىرۋىنە باس تارتۋعا قۇقىلى ەكەندىگىنە نازار اۋدارتامىز»، - دەلىنگەن كوميتەتتىڭ رەسمي سايتىندا تارالعان حابارلامادا.

فوتو: گۇلجان رامانكۋلوۆا

وسىعان وراي، كورەيا رەسپۋبليكاسىنا باراتىن قازاقستان ازاماتتارى ساپار ماقساتىنا قاراماستان كەرى قايتۋ بيلەتى جانە قوناق ٴۇيدى برونداۋ قاعازى بولۋىنا، كوشى-قون كارتاسىندا (حالىقارالىق اۋەجايدا كەلۋ كەزىندە تولتىرىلادى) ٴوزىنىڭ ساپارىنىڭ ماقساتىن ناقتى كورسەتىلۋىنە، كورەيا رەسپۋبليكاسىندا ۋاقىتشا تۇراتىن مەكەن-جايى، كۇتىپ الۋشى/شاقىرۋشى تۇلعانىڭ/ۇيىمنىڭ (سەرىكتەستىك-كومپانيا، تۋراگەنتتىك، مەديسينالىق مەكەمەلەر) ٴاتى-جونى، اتاۋى جانە بايلانىس تۋرالى مالىمەتتەرى تولىق جازىلۋىنباستى نازارعا الۋدى سۇرايمىز. كۇتىپ الۋشى/شاقىرۋشى تۇلعالار/ۇيىمدار ٴسىزدىڭ ۆيزاسىز 30 كۇننەن اسپايتىن مەرزىمدە كورەيا رەسپۋبليكاسىندا زاڭدى بولۋىڭىزعا جانە ۋاقىتىلى ەلگە كەرى قايتۋىڭىزعا كەپىل بولۋى ٴتيىس. ولاي بولماعان جاعدايدا كورەيانىڭ كوشى-قون بيلىگى ٴسىزدىڭ ەلگە كىرۋىڭىزگە رۇقسات بەرۋدەن باس تارتۋى ىقتيمال.

«كورەيا رەسپۋبليكاسىنا بارار الدىندا مەديسينالىق ساقتاندىرۋدى الدىن-الا رەسىمدەگەن دۇرىس، بۇل ەلدە تەگىن مەديسينالىق قىزمەت كورسەتۋ قاراستىرىلماعان»، - دەپ جازالعان اقپاراتتىق قۇجاتتا.

فوتو: گۇلجان رامانكۋلوۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي