BAQ.kz - Қазақстан жаңалықтары USD 338.78 BAQ.kz - Қазақстан жаңалықтары EUR 392.82 BAQ.kz - Қазақстан жаңалықтары RUB 5.35
استانا:

kazakh tourism ٴتوراعاسى: ۇلىتاۋعا بارعىم كەلەدى جانە بارىڭىزگە سوندا بارۋدى ۇسىنامىن

kazakh tourism ۇك اق باسقارما ٴتوراعاسى راشيد كۇزەمبايەۆ دەمالىستا قايدا باراتىنىن ايتتى، دەپ حابارلايدى baq.kz ٴتىلشىسى.

ول جاقىن ۋاقىتتا ىسساپارمەن ەۋروپاعا باراتىنىن، ال ساياحاتشى رەتىندە ٴوز ەلىمىزدەگى دەمالىس ورىندارىن تاڭدايتىنىن مالىمدەدى.

«قازاقستاننىڭ ىشىندە ساياحاتتايمىن. بيىل مىندەتتى تۇردە ۇلىتاۋعا بارعىم كەلەدى جانە بارىڭىزگە سوندا بارۋدى ۇسىنامىن. نە ٴۇشىن دەسەڭىز، سەبەبى ۇلىتاۋ قازاقستاننىڭ عانا ەمەس، ەۋرازيانىڭ جۇرەگى. بۇل قاسيەتتى ورىن. وندا شىڭعىسحان ۇرپاقتارىنىڭ ىشىندە ٴقابىرى بۇگىنگە دەيىن ساقتالىپ جەتكەن «جوشى حان» كەسەنەسى بار. ول ۇرپاعى عانا ەمەس، ۇلكەن ۇلى جانە قازاق حاندارىنىڭ نەگىزىن سالۋشى. تاريحي ورىندا «الاشاحان» كەسەنەسى، «دومباۋىل» كەسەنەسى، ۇلىتاۋدان ٴارى قاراي «حان ورداسى» بار. ول جەردەن پەتروگليفتەردى كورۋگە، كيىز ۇيدە ٴومىر ٴسۇرىپ، اتپەن جۇرۋگە، بالىق اۋلاۋعا بولادى»، - دەدى كۇزەمبايەۆ.

kazakh tourism ۇك اق باسقارما ٴتوراعاسى قازاقستاننىڭ توپ-10 تابيعي ورىندارى مەن مادەني ەسكەرتكىشتەرىنىڭ ٴتىزىمىن جاسادى.

«سارىارقا مارجاندارى – بۋراباي، قارقارالى، باياناۋىل، بۇل جاڭا عانا ايتىپ وتكەن قاسيەتتى ورىن – ۇلىتاۋ، بۇل – زايسان، مارقاكول، راحمان بۇلاقتارى بار التاي، بۇل – شارىن، كولساي، قايىڭدى، التىن ەمەل سەكىلدى تاماشا تابيعاتى بار الماتى، بۇل – كەمەلەر زيراتى بار ارال، بۇل – كاسپيي، الاكول، بالقاش جانە ٴۇستىرت»، - دەپ تىزبەكتەدى ول.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي