BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

kazakh tourism قوماقتى قارجى بولىنگەن ەكسپەديسيانىڭ قورىتىندىسىن شىعاردى

kazakh tourism كومپانياسى التايدان جىبەك جولىنا دەيىنگى ارالىقتى قامتىعان اۋقىمدى ەكسپەديسيانىڭ قورىتىندىسىن شىعاردى، دەپ حابارلايدى baq.kz ٴتىلشىسى.

« ۇلى دالا ەلىنە ساياحات: التايدان جىبەك جولىنا دەيىن» اتتى 6 باعىتتان تۇراتىن ەكسپەديسيانى ۇيىمداستىرۋعا 120 ملن تەڭگە بولىنگەن.

«ەكسپەديسيا ناتيجەسىندە جاڭا تۋريستىك باعىتتاردى اشۋدى جوسپارلاپ وتىرمىز. ەلىمىزدىڭ 60-قا تارتا اسەم جەرلەرىندە بولدىق. ونىڭ اراسىندا تاريحي ماڭىزى بار ەسكەرتكىشتەر دە، تابيعاتى بىرەگەي، كوركەمدىگى كوز سۇرىندىرەتىن جەرلەر دە بار. ەندى ٴبىز جينالعان دەرەكتەردى پاسپورتيزاسيادان وتكىزۋدەمىز. ياعني ەكسپەديسياعا قاتىسقان 6 توپتىڭ مۇشەسى جاڭا تۋريستىك باعىتتاردى اشۋ بويىنشا بىزگە ٴتيىستى ۇسىنىستى بەرەدى. ۇسىنىستاردى جىلدىڭ اياعىنا دەيىن قاراپ شىعامىز. وسى جۇمىستار اياقتالعان سوڭ، تۋريستىك مارشرۋتتاردى اشامىز»، - دەدى kazakh tourism ۇق اق باسقارما ٴتوراعاسى راشيد كۇزەمبايەۆ.

سونىمەن قاتار ول الداعى ۋاقىتتا kazakhstan travel پورتالى ىسكە قوسىلاتىنىن اتاپ ٴوتتى.

«ەكسپەديسيانىڭ تاعى ٴبىر ماقساتى قازاقستاننىڭ اسەم جەرلەرىن كورسەتەتىن دەرەك قورىن جاساۋ بولاتىن. قازىرگى تاڭدا بىزدە ۆيدەو مەن فوتولار بار، ٴبىراق ولار جەتكىلىكسىز. وسى ايدىڭ ورتاسىندا ٴبىز kazakhstan travel اتتى پورتالىمىزدى ىسكە قوسامىز. قازىرگى تاڭدا پورتالدى رەيننوۆاسيادان وتكىزىپ جاتىرمىز. ەكسپەديسيا بارىسىندا تۇسىرىلگەن ماتەريالداردى سايت جۇمىسىنا پايدالانامىز»، - دەدى ٴتوراعا.

سونداي-اق راشيد كۇزەمبايەۆ ەكسپەديسيا بارىسىندا ارنايى دەرەكتى فيلم تۇسىرىلگەنىن، ول الداعى ۋاقىتتا kazakh tv تەلەارناسىنان ەفيرگە شىعاراتىنىن جەتكىزدى.

ەستەرىڭىزگە سالا كەتەيىك، 2018 جىلعى 18 شىلدە مەن 29 قىركۇيەك ارالىعىندا « ۇلى دالا ەلىنە ساياحات: التايدان جىبەك جولىنا دەيىن» اتتى 6 باعىتتان تۇراتىن ەكسپەديسيا ۇيىمداستىرىلعان. ونىڭ قۇرامىنداعى 140-قا جۋىق ادام «تيان-شان مارجانى» (الماتى وبلىسى)، «التاي – وركەنيەت بەسىگى» (شىعىس قازاقستان وبلىسى)، «جوڭعار الاتاۋى» (الماتى وبلىسى)، «سارىارقا» (اقمولا، پاۆلودار، قاراعاندى، قوستاناي وبلىستارى)، «تەڭىزدەن تەڭىزگە دەيىن» (قىزىلوردا، اقتوبە، ماڭعىستاۋ وبلىستارى)، «جاڭا جىبەك جولى» (تۇركىستان، جامبىل، الماتى وبلىستارى) اتتى ەلىمىزدىڭ كورىكتى جەرلەرىنە ساياحات جاسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي