BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

كاسىپكەرلەر ەرتىس جاعاجايىن ۇزارتۋعا قوماقتى قارجى جۇمسايدى

فوتو: автор

پاۆلودارداعى ەرتىس وزەنىنىڭ جاعاجايى كوركەيىپ، تاعى ٴبىر شاقىرىمعا ۇزارتىلادى. ناتيجەسىندە تۇرعىنداردىڭ سۇيىكتى دەمالىس ورنى 5 شاقىرىمعا سوزىلادى، دەپ حابارلايدى baq.kz اگەنتتىگىنىڭ ايماقتاعى ٴتىلشىسى.

ەرتىس جاعاجايى قۇرىلىس الاڭىنا اينالىپ، 60-تان استام مامان ىسكە كىرىسكەن. جوبانىڭ ەرەكشەلىگى سول، وزەن جاعاسىنىڭ شايىلىپ كەتپەۋى ٴۇشىن بەكىتۋدى كوزدەيدى. قۇرىلىس بارىسىندا 10 بۇلاق تابىلىپ، جۇمىسقا كەدەرگى كەلتىرگەن. ناتيجەسىندە جوبالاۋشىلار جوسپارلارىنا كىشىگىرىم وزگەرىستەر ەنگىزگەن.

جوبا اۆتورى عابيت تەمىربايەۆتىڭ ايتۋىنشا، جەراستى سۋلارى كەدەرگى بولماس ٴۇشىن ٴبىر شاقىرىمدىق كارىز جۇيەسى تارتىلادى.

«ناتيجەسىندە سۋ ارنايى قۇبىرلار ارقىلى قوزعالىپ، وزەننىڭ بۇزىلىپ كەتپەۋىنە سەپ بولادى. درەناجدى جۇيە قولدانىلىپ، شايىپ كەتۋگە ٴقاۋىپ كەلتىرەتىن سۋلار ىعىستىرىلىپ وتىرادى»، - دەيدى ول.

جوبا اياسىندا جاعاجاي بەكىتىلىپ قانا قويماي، 1 شاقىرىم 200 مەترلىك جەر تولىق اباتتاندىرىلادى. ياعني، ورتالىق جاعاجاي تەمىرجولعا دەيىن سوزىلىپ، ساياباق پايدا بولماق.

«ەرتىس وزەنى مەملەكەت قورعاۋىنداعى اۋماق ەكەنى بەلگىلى. سوندىقتان، جۇمىس بارىسىندا ەكولوگيالىق تازا قۇرىلىس ماتەريالدارى قولدانامىز. ماسەلەن، ٴبىز گابيوندى تەحنولوگيا ارقىلى جۇمىس ىستەپ جاتىرمىز. ٴىرى قيىرشىقتاستىڭ 25 مىڭ تونناسى مەن بانكەتتى تاستىڭ 30 مىڭ تونناسى بەرىك تورلارعا سالىنادى. كەيىن وزەن بويىنا ورناتىلادى. بۇل گابيوندى تەحنولوگيا دەپ اتالادى. ۆولفراممەن جالاتىلعان مەتالل سىمداردىڭ بەرىكتىلىگى جوعارى»، - دەيدى قۇرىلىسشى مۇرات ەسجانوۆ.

ايتا كەتەيىك، 300 مەترگە سوزىلعان «قازقوناق» پالەونتولوگيالىق ەسكەرتكىشىنە كەدەرگى كەلتىرىلمەيدى.

جاعاجايدى ۇزارتۋ جوباسىنا دەمەۋشىلەر قاۋىمى 1 ملرد. 300 ملن. تەڭگە بولگەن. بيىلعى جىلى 500 مىڭ تەڭگەسى يگەرىلمەك. قۇرىلىس ماتەريالدارىنىڭ بارلىعى – وتاندىق ٴونىم. ماسەلەن، ٴىرى قيىرشىقتاستاردىڭ ەكى ٴتۇرى باياناۋىل اۋدانىندا وندىرىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي