BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

#explorestan kazakhstan. قازاقستاننىڭ تۋريستىك برەندىنىڭ تۇجىرىمداماسى تانىستىرىلدى

فوتو: Бауыржан Жуасбаев

استانا، baq.kz ٴتىلشىسى. بۇگىن 7 جەلتوقسان كۇنى travelmediatalks حالىقارالىق فورۋمىندا ەلىمىزدىڭ تۋريستىك برەندىنىڭ تۇجىرىمداماسى كوپشىلىك نازارىنا ۇسىنىلدى.

قر مادەنيەت جانە سپورت ۆيسە-مينيسترى اقتوتى رايىمقۇلوۆا فورۋم اشىلۋىندا ٴسوز سويلەدى.

«بۇگىنگى فورۋم جاھاندىق سيفرلاندىرۋ اياسىندا قازاقستاننىڭ باسەكەگە قابىلەتتى تۋريستىك دامۋىن ناسيحاتتاۋ بويىنشا ستراتەگيالىق قالىپتاستىرۋ تۇرعىسىنان وتە ماڭىزدى. وسىنداي سپيكەرلەردىڭ، قاتىسۋشىلاردىڭ ساپالى قۇرامىن ەسكەرە وتىرىپ فورۋمنىڭ ناتيجەلەرى كوپ كۇتتىرمەيتىنىنە سەنەمىن»، - دەدى ۆيسە-مينيستر.

kazakh tourism ۇك اق باسقارما ٴتوراعاسى راشيد كۇزەمبايەۆ تۇجىرىمداما ۇكىمەتتە تانىستىرىلعانىن اتاپ ٴوتتى.

«بۇگىن ەندى سىزدەردىڭ نازارلارىڭىزعا ۇسىنىپ وتىرمىز. اتالمىش برەندتى جەتىلدىرۋ ستراتەگياسى كەڭ كولەمدى تۇردە جۇزەگە اسىرۋ جانە ماركەتينگ بويىنشا جۇمىستى ٴبىر ارناعا قويۋ ٴۇشىن ەڭ الدىمەن تۋربيزنەستى، سودان كەيىن مەديايندۋستريا مەن بلوگ سالاسىن تارتۋ قاجەت ەكەنىن بىلەمىز. ٴاربىر تۋراگەنت، ٴاربىر جۋرناليست، ٴاربىر الەۋمەتتىك جەلىنى بەلسەندى قولداناتىن ازامات قازاقستان تۋرالى قىزىقتى اقپاراتپەن بولىسەتىن برەند-امباسسادور بولا الادى دەپ سانايمىز. بۇگىن ٴبىز وسى سالاداعى ارىپتەستەرىمىزدىڭ تاجىريبەسى ٴبىز ٴۇشىن قىزىقتى، سول سەبەپتى ەلىمىزدىڭ ۇلتتىق تۋريستىك برەندى سالانى دامىتۋعا اسەرىن تالقىلاۋ ٴۇشىن پىكىرتالاس الاڭىنا اينالاتىن فورۋمدى وتكىزۋدى ٴجون كوردىك»، - دەدى كۇزەمبايەۆ.

قازاقستانداعى جاڭا تۋريستىك جاڭالىقتاردى زەرتتەۋدى سيپاتتايتىن ەلىمىزدىڭ تۋريستىك برەندىنىڭ اتاۋى - #explorestan kazakhstan. وسى ورايدا فورۋمنىڭ ارنايى قوناعى، حالىقارالىق جۋرناليست، جوبانىڭ شىعارماشىلىق پروديۋسەرى ريز حان نەلىكتەن مۇنداي تۇجىرىمداما تاڭدالعانىن ايتتى.

«باتىستا -ستان جۇرعانى نەگاتيۆتى تانىستىرىلدى. بۇگىنگى تاڭدا -ستان جۇرناعى بار كوپتەگەن مەملەكەتتەردى ەل بەينەسىنە قاتىستى كەدەرگىلەر تۋىندايدى. كەيبىرەۋلەر ميلليونداعان pr كامپانيالاردى جۇرگىزسە، كەيبىرەۋلەر -ستاندى الىپ تاستاۋ قاجەت دەپ ويلايدى. نەگە ٴبىز ونى الىپ تاستاۋىمىز كەرەك؟ باتىس -ستان جۇرناعىن تەرىس جاعىنان قولدانسا، ٴبىز ونى ٴوز پايدامىزعا قاراي وزگەرتە الامىز. ٴبىز مۇنى وزىمىزگە يەكەمدەۋىمىز كەرەك»، - دەدى ول.

فورۋم سپيكەرلەرى – 6 مەملەكەتتەن، سونىڭ ىشىندە ۇلىبريتانيا، رەسەي، ۋكراينا، بەلورۋسسيا، قىرعىزستاننان كەلگەن تۋريزم مەن مەديا سلااسىنداعى ساراپشىلار. شارانىڭ باستى تاقىرىبى – «جاھاندىق سيفرلاندىرۋ كەزەڭىندەگى تۋريزم: جاڭا تولقىنعا باعىت».


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي