BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

داۋرەن ابايەۆ: ٴبىز تۋريستەر ٴۇشىن كۇرەسۋىمىز كەرەك

استانا، baq.kz. بۇگىنگى تاڭدا قازاقستاندا تاۋ كۋرورتىنا دەگەن سۇرانىس ارتىپ كەلەدى. «شىمبۇلاققا» كەلۋشىلەردىڭ شامادان تىس كوبەيۋى دە وسىنى راستايدى. «حابار» تەلەارناسىنداعى «اشىق اڭگىمە» باعدارلاماسىندا قر اقپارات جانە كوممۋنيكاسيالار ٴمينيسترى داۋرەن ابايەۆ وسىنداي پىكىر ايتتى.

قازاقپارات حاا-نىڭ جازۋىنا قاراعاندا، سۇحبات كەزىندە داۋرەن ابايەۆ «شىمبۇلاق» تاۋ كۋرورتىنا كەلۋشىلەر شامادان تىس ارتۋىنا جانە وسىنداي كۋرورتتارعا دەگەن سۇرانىستىڭ جوعارى بولۋىنا بايلانىستى، الماتىدا تاعى ٴبىر كۋرورت سالۋ قاجەت بولىپ وتىرعانىن ايتتى.

«بۇگىنگى تاڭدا ٴبىز ٴتۋريزمدى دامىتۋ ٴۇشىن قولدا بار رەكرەاسيالىق مۇمكىندىكتەردى پايدالانۋعا ٴتيىسپىز. ٴتۋريزمنىڭ الەمدىك جالپى ىشكى ونىمدەگى ۇلەسى 10 پايىزدان اسادى، بۇل 8 ترلن دوللار دەگەن ٴسوز. ٴبىز تۋريستەر ٴۇشىن كۇرەسۋىمىز كەرەك. قالا ماڭىندا ورنالاسقان تاۋلار - الماتىنىڭ باستى ارتىقشىلىعى»، - دەدى مينيستر.

الماتىدا كۋرورت سالۋ ماسەلەسى ٴالى تالقىلانىپ جاتىر، ال كورشى ەلدەر تاۋ-شاڭعى يندۋسترياسىن قارقىندى دامىتۋعا كۇش سالۋدا.

«ماسەلەن، وزبەكستاندا 100 ملن دوللاردان استام ينۆەستيسيا قۇيۋ ارقىلى ۇلكەن كۋرورت اشىلماق. قىرعىزستاننىڭ قاراكول اۋدانىندا ۇلكەن ەكى كۋرورت سالىنىپ جاتىر. ازەربايجاندا ەندى عانا اشىلعان تاۋ-شاڭعى كۋرورتىنا 100 مىڭ ادام بارىپ ۇلگەردى»، - دەدى د.ابايەۆ.

مينيسترلىك باسشىسى 2014 جىلى ۇسىنىلعان تاۋ-شاڭعى كۋرورتىنىڭ ٴبىرىنشى جوباسىندا تابيعات لاندشافتىن ٴبىرشاما وزگەرتۋ كوزدەلگەنىن، نەگىزىنەن قالتالى شەتەلدىكتەرگە ارنالعانىن ەسكە سالدى. بۇدان تىس، د.ابايەۆ وسى جوبانى ىسكە اسىرۋ كەزىندە بارلىق ەكولوگيالىق ماسەلەلەر ەسكەرىلەتىنىنە سەنىم ٴبىلدىردى.

«ٴقازىر اكىمدىك قۇرىلىس ماسەلەسىن قايتا قاراپ شىقتى. جىل بويى جۇمىس ىستەيتىن، جۇرتتىڭ بارىنە قولجەتىمدى كۋرورت سالۋ جوسپارلانىپ وتىر. تراسسانىڭ جوسپارداعى ۇزىندىعى قىسقاردى، عيماراتتاردىڭ اۋماعى شامامەن 10 ەسە كىشىرەيدى. وسىنىڭ ٴبارى ەكولوگياعا اسەردى ازايتادى»، - دەپ تۇيىندەدى مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي