BAQ.kz - Қазақстан жаңалықтары USD 361.66 BAQ.kz - Қазақстан жаңалықтары EUR 409.51 BAQ.kz - Қазақстан жаңалықтары RUB 5.41
استانا:

دانيال احمەتوۆ الاكولدەگى كاسىپكەرلەردى سىنعا الدى

فوتو: arnapress.kz

الاكول جاعالاۋىندا سالىق تولەۋدەن جالتارعان كاسىپكەرلەردىڭ ماسەلەسى زاڭ جۇزىندە شەشىلمەك. اپتا سوڭىندا ٴۇرجار اۋدانىنا بارعان ايماق باسشىسى دانيال احمەتوۆ دەمالىس بازالارىنىڭ باسشىلارىنا قاتاڭ ەسكەرتۋ جاسادى، دەپ حابارلايدى baq.kz اقپارات اگەنتتىگى altaynews.kz سايتىنا سىلتەمە جاساپ.

الاكول جاعاسىندا وبلىس اكىمىنىڭ توراعالىعىمەن القالى جيىن ٴوتتى. وندا اۋدانداعى تۋريزم سالاسىن دامىتۋعا قاتىستى ٴبىراز ماسەلەنىڭ باسى اشىلدى. ايتالىق، باسقوسۋعا قاتىسۋشىلار قوعامدىق تارتىپكە كوڭىلدەرى تولمايتىندارىن ايتىپ، شاعىمداندى. ولاردىڭ سوزىنشە، مۇنىڭ ٴبارى تۇپتەپ كەلگەندە وڭىرگە تۋريستەردى تارتۋعا كەدەرگى كەلتىرەدى.

«ەلباسىمىزدىڭ تاپسىرماسىنا وراي الاكولدى اباتتاندىرۋ جۇمىستارى جۇرگىزىلۋدە. الداعى ۋاقىتتا كول اۋماعىن ەلەكتر جەلىسىمەن تولىق قامتاماسىز ەتۋ ماقساتىندا 2،6 ميللارد تەڭگە قاراجات بولىنەدى. ينتەرنەت جەلىسى دە تارتىلۋدا. ەندى 3-4 جىلدان كەيىن الاكولدىڭ اۋماعى تۇركياداعى جاعاجايلاردىڭ بىردە-بىرىنەن كەم بولمايدى دەپ نىق سەنىممەن ايتا الامىن. رەسمي دەرەك كوزدەرىنە سۇيەنسەك، بۇل دەمالىس ورنىنا كۇنى بۇگىنگە دەيىن 450 مىڭ تۋريست كەلىپ، دەمالىپ قايتتى. الداعى ۋاقىتتا وسى كورسەتكىش 600-700 ادامعا ارتادى دەپ كۇتىلۋدە»، – دەدى دانيال احمەتوۆ.

باسقوسۋ بارىسىندا شىعىس قازاقستان وبلىسى بويىنشا مەملەكەتتىك كىرىس دەپارتامەنتى باسشىسىنىڭ ورىنباسارى مىندەتىن اتقارۋشى باۋىرجان قامباروۆتىڭ بايانداماسى تىڭدالدى. الايدا اتالمىش دەپارتامەنت قىزمەتكەرلەرىنىڭ جۇمىسىنا كوڭىلى تولماعان وبلىس باسشىسى باۋىرجان قامباروۆقا سوگىس بەرىپ، جۇمىسىن سىنعا الدى.

«ٴسىز سالىق كوميتەتىنىڭ قىزمەتكەرى رەتىندە، الاكول جاعالاۋىندا قانشا جەكە كاسىپكەر بار؟ ولاردان قانشا سالىق ٴتۇسۋى ٴتيىس؟ دەگەن سۇراقتارعا مۇدىرمەي جاۋاپ بەرۋگە ٴتيىس بولاتىنسىز. الايدا ٴسىز بۇدان مۇلدەم بەيحابار بولىپ شىقتىڭىز. سول سەبەپتى باۋىرجان قامباروۆتىڭ ٴوز قىزمەتتىك مىندەتتەرىن دۇرىس اتقارماعاندىعىن ٴتيىستى مينيسترلىككە حابارلايتىن بولامىن»، – دەدى احمەتوۆ.

ايتا كەتەيىك، الاكول جاعالاۋىندا جەكە كاسىپكەرلىكپەن اينالىسىپ جۇرگەن بيزنەسمەندەردىڭ دەنى زاڭدى بەلدەن باسىپ ٴجۇر. ولاي دەيتىنىمىز، كاسىپكەرلەردىڭ كوبى كاسسالىق اپپاراتسىز، ليسەنزياسىز جۇمىس ىستەۋدە. دانيال احمەتوۆتىڭ ايتۋىنشا، كۇنى بۇگىنگە دەيىن وبلىستىق بيۋدجەتكە 36،7 ميلليون تەڭگە تۇسكەن. الايدا بۇل قاراجات بيزنەسمەندەردىڭ تاپقان تابىسىنان ەكى ەسە كوپ بولۋى ٴتيىس بولعان.

«ەگەر سالىق دەپارتامەنتىنىڭ ماماندارى ٴوز ىستەرىنە جاۋاپكەرشىلىكپەن قاراسا بۇل جاعداي باسقاشا بولار ەدى. كاسىپكەرلەر وسى ماسەلەگە دەگەن وڭ كوزقاراس قالىپتاستىرسا دەيمىن. ينفراقۇرىلىمدى دامىتپاي،بيزنەستى دامىتۋ مۇمكىن ەمەس. ايتا كەتەتىن ٴبىر جايت، بيلىك وكىلدەرى حالىققا بەرگەن ۋادەسىندە تۇرىپ،ٴتۋريزمدى دامىتۋعا ەرەكشە كوڭىل بولۋدە. ماسەلەن بۇل اۋماقتان كۇنىنە 60 تونناعا جۋىق قوقىس شىعارىلادى. وعان مەملەكەت تاراپىنان قاراجات بولىنگەن. ال كاسىپكەرلەر بولسا، سالىق تولەۋدەن جالتارىپ وتىر. وسىنىڭ بارلىعى جاۋاپكەرشىلىكتىڭ تومەندىگىنەن بولىپ وتىر»، – دەگەن دانيال احمەتوۆ كاسىپكەرلەردى سالىق تولەۋدەن باس تارتپاۋعاشاقىردى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي