BAQ.kz - Қазақстан жаңалықтары USD 340.27 BAQ.kz - Қазақстан жаңалықтары EUR 396.31 BAQ.kz - Қазақстан жаңалықтары RUB 5.39
استانا:

بيىل الماتىعا 130 مىڭ تۋريست كەلدى

الماتى اكىمى باۋىرجان بايبەك مەگاپوليستىڭ جەتەكشى تۋروپەراتورلارىنىڭ قاتىسۋىمەن «ٴتۋريزمدى دامىتۋدىڭ 100 قادامى» قالالىق باعدارلاماسىن جۇزەگە اسىرۋ بويىنشا كەڭەيتىلگەن كەڭەس وتكىزدى، دەپ حابارلايدى baq.kz اقپارات اگەنتتىگى.

سوڭعى ٴۇش جىلدا شەتەلدىك تۋريستەر سانى 14% ٴوستى. الماتىدا بيىلعى جىلدىڭ العاشقى توقسانىندا وڭتۇستىك كورەيادان، ٴۇندىستان مەن رەسەيدەن، قحر-نان، تۇركيادان، اقش پەن گفر-نان 130 مىڭنان استام ادام بولدى. ونىڭ ۇستىنە تۋريستىك لەكتىڭ 80%-عا جۋىعى قالعان ٴۇش توقساندا كەلەدى.

قالا اكىمىنىڭ ورىنباسارى اسەل ٴجۇنىسوۆا ٴوزىنىڭ سوزىندە حالىقارالىق «ەكسپو-2017» كورمەسىنىڭ، بۇكىلالەمدىك ۋنيۆەرسيادانىڭ، وەسر ەۋرازيالىق اپتالىعىنىڭ، سونىمەن قاتار «star of asia»، «spirit of tengri»، « ۇلى دالا ويىندارى»، «الماتى مارافون» جانە «tour of almaty» سىندى مۋزىكالىق، سپورتتىق شارالاردىڭ ٴوتۋى تۋريستەر لەگىنە وڭ ىقپال ەتكەنىن اتاپ ٴوتتى.

«بۇگىنگى كۇنى قالا ەكونوميكاسىنىڭ 87%-ىن قىزمەت كورسەتۋ سالاسى قۇرايدى، الايدا الماتىنىڭ جالپى وڭىرلىك تابىسىندا ٴتۋريزمنىڭ ۇلەسى نەبارى 1،5%. مەگاپوليستىڭ تۋريستىك الەۋەتىن ارتتىرۋ ماقساتىندا الماتى اگلومەراسياسىنىڭ تاۋ ٴتۋريزمى بويىنشا شەبەرلىك - جوسپارى جاسالدى، ونىڭ قۇرامىنا مەدەۋ، شىمبۇلاك، الماتاۋ جانە بۋتاكوۆكا ەندى. بيىلعى جىلى الەمدىك دەڭگەيدەگى kempinski جانە novotel وتەلدەرىنىڭ، ٴتۇرلى بۋتيك-وتەلدەر مەن حوستەلدەردىڭ قۇرىلىستارىن اياقتاۋ جوسپارلانعان. جىل اياعىنا دەيىن 14 حالىقارالىق اگەنتتىكتەر ٴۇشىن بۇۇ-نىڭ وڭىرلىك حاب-ى اشىلادى. ٴپاريجدىڭ، ستامبۋلدىڭ، بانگكوكتىڭ تاجىريبەسى مۇنداي شارانىڭ شەتەلدىك تۋريستەر لەگىن ۇلعايتاتىنىن، حالىقارالىق دەڭگەيدە قالانىڭ تانىمدىلىعىن ارتتىراتىنىن كورسەتتى»، - دەدى اسەل ٴجۇنىسوۆا.

ول سونىمەن قاتار قازىرگى كەزدە تۋريستەردىڭ كوپشىلىگى ٴوز بەتتەرىنشە ساپارعا شىعاتىنىن، ارنايى ۆەب-تۇعىرلار ارقىلى دەمالىستارىن جوسپارلايتىنىن ايتتى.

«جىل سايىن الماتىعا دەگەن قىزىعۋشىلىق ارتۋدا، ونى دەستيناسيا ارقىلى الەمدىك tripadvisor تۇعىرناماسىنان كورۋگە بولادى، وندا قالاعا قاتىستى سۇرانىس 465-تەن 66 824 وتىنىمگە وسكەن. بۇل تۇعىرنامانى كوبىنەسە اقش-تىڭ، رەسەيدىڭ، ۇلىبريتانيا مەن ٴۇندىستاننىڭ، گەرمانيانىڭ ازاماتتارى پايدالانادى»، - دەپ ٴسوزىن جالعاستىردى.

ٴوز كەزەگىندە مەگاپوليس اكىمىنىڭ ورىنباسارى مۇرات دارىبايەۆ الماتىنىڭ باستى تۋريستىك «قاقپاسى» رەتىندە كولىك توراپتارىنىڭ مودەرنيزاسيالانىپ جاتقانىن ايتتى. ول كەلەسى ايدان باستاپ بارلىق قالاارالىق جانە حالىقارالىق رەيستەردىڭ «سايران» اۆتوۆوكزالى ارقىلى ىسكە اساتىنىن جەتكىزدى. قازىرگى كەزدە عيمارات قايتا جاسالۋدا، ونىڭ اينالاسى اباتتاندىرىلىپ، كولىك-لوگيستيكالىق ينفراقۇرىلىم مودەرنيزاسيالانۋدا.

«بارلىق زاڭسىز كونسترۋكسيالار الىنىپ تاستالدى. عيماراتتىڭ كىرە بەرىس بولىگىن قايتا جاساۋ جوسپارلانعان، سونىمەن قاتار تاكسي تۇراقتارى مەن حالىقارالىق قاتىناس ايماعى كەڭەيەدى. نىسان ىشىندە لوكالدى تۋريستىك ورتالىق ۇيىمداستىرۋ قاراستىرىلۋدا، وعان جاقىن جانە الىس شەتەلدەرمەن جۇمىس جاسايتىن قالالىق تۋروپەراتورلار ورنالاساتىن بولادى. اۆتوۆوكزال عيماراتىنىڭ ىشىندە قوعامدىق تاماقتاندىرۋ نۇكتەلەرىن اشۋ ٴۇشىن حالىقارالىق برەندتەرمەن كەلىسسوزدەر جۇرۋدە»، - دەپ باياندادى مۇرات دارىبايەۆ.

بۇلاردان وزگە،«قازاقستان تەمىر جولىمەن» بىرگە «الماتى-1» جانە «الماتى-2» تەمىرجول ۆوكزالدارىن قايتا جاساۋ جۇمىستارى جۇرۋدە. 200 ٴاۆتوموبيلدى قىسقا پروكاتكا بەرۋ سەرۆيسىن اشۋ جوسپارلانعان. ەگەر وتكەن جىلى الماتىدا قوعامدىق كولىكتىڭ 479 بىرلىگى الىنسا، بيىلعى جىلى تاعى دا 569 جاڭا اۆتوبۋس قاتارعا قوسىلادى.

كەڭەس بارىسىندا وعان قاتىسۋشىلار پاتەرلەرىن قىسقا مەرزىمدى جالعا بەرەتىن كاسىپكەرلەردىڭ جۇمىسىن رەتتەۋگە باسا نازار اۋداردى: «قازىرگى كەزدە ماگيسترالدى كوشەلەردىڭ بويىندا تۇرعان ادامدار پاتەرلەرىن تاۋلىك بويىنا ۇسىنادى. ولاردىڭ جۇمىسى كولەڭكەلى، سالىق تولەمەيدى. پاتەرلەرىن جالعا ۇسىنعاندىقتان، مۇمكىن ولاردى زاڭداستىرعان ٴجون شىعار. ٴبىرىڭعاي نۇكتە ۇيىمداستىرىپ، ولارعا جاعداي جاساۋ قاجەت بولار. جۇمىستارىن جاساسىن، ٴبىراق رەسمي تۇردە».

بۇلاردان وزگە، تۋريستەردى تاسىمالدايتىن تۋريستىك كومپانيالار اۆتوبۋستارىنىڭ سەرتيفيكاتتارى قارالاتىن بولادى. بۇل شارا قاۋىپسىزدىك پەن قىزمەت كورسەتۋ ساپاسىن ارتتىرادى.

كەزدەسۋ بارىسىندا قازاقستاندىق تۋريستىك اسسوسياسيا ديرەكتورى راشيدا شايكەنوۆا ىلە-الاتاۋ ساياباعىندا تۋريستەردىڭ سۋرەتكە جانە ۆيدەوعا تۇسكەندەرى ٴۇشىن اقشا تولەۋدىڭ قانشالىقتى زاڭدى ەكەنى تۋرالى ماسەلە كوتەردى.

جيىنعا قاتىسىپ وتىرعان ىلە-الاتاۋ پاركىنىڭ باس ديرەكتورى دامير مالگەلديەۆ تەك كوممەرسيالىق تۇسىرىلىمدەرگە عانا اقشا تولەنەتىنى تۋرالى جاۋاپ بەردى. ەگەر ينسپەكتور كەلۋشىلەردەن اقشا تالاپ ەتەتىن بولسا، شارا قولدانۋ ٴۇشىن اكىمشىلىككە جۇگىنۋ كەرەكتىگىن ايتتى. ول ٴوزىنىڭ سوزىندە ىلە-الاتاۋ پاركىن ودان ٴارى دامىتۋ تۋرالى ديرەكسيانىڭ ارنايى كونسەپسيا جاساعانىن، بۇل قۇجاتتى الماتى قالاسى قوعامدىق كەڭەسى مۇشەلەرىنىڭ ٴجىتى قاراپ شىعاتىنىن اتاپ ٴوتتى.

ەسكە سالساق، قالا كەڭىستىگى جايلىلىعىن قالىپتاستىرۋ ماقساتىندا الماتىدا بيىلعى جازدا 150-دەن استام كوشە جوندەلەدى، 30 كم تروتۋارلار جاسالادى، 600 اۋلا كورىكتەندىرىلەدى. بارلىق جەر استى وتپەلى جولدار كۇردەلى جوندەلەدى، جاڭا فونتاندار سالىنادى. بۇرىن قايتا جاسالعان پانفيلوۆ، جىبەك جولى، گوگول، قابانباي باتىر، بايسەيىتوۆا،تولەبايەۆ كوشەلەرى مەن «استانا» الاڭىنان وزگە مەگاپوليستىڭ ٴبىرقاتار نەگىزگى داڭعىلدارى تۇگەلدەي جاڭارادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي