BAQ.kz - Қазақстан жаңалықтары USD 343.06 BAQ.kz - Қазақстан жаңалықтары EUR 402.38 BAQ.kz - Қазақстан жаңалықтары RUB 5.49
استانا:

استاناعا كەلگەن ەۋروپالىق ۆەلوساياحاتشىلار قازاقتىڭ كەڭ دالاسىنا تاڭقالعاندارىن ايتتى

فوتو: Бауыржан Жуасбаев

بۇگىن استاناعا شۆەيساريا، گەرمانيا جانە اۆستريادان "سانكت-پەتەربۋرگ - ۆلاديۆوستوك" حالىقارالىق ۆەلوساياحاتىنا قاتىساتىن 22 ساياحاتشى كەلىپ جەتتى، دەپ حابارلايدى baq.kz ٴتىلشىسى.

ۆەلومارافون باعىتىنىڭ ٴبىر بولىگى قازاقستان اۋماعىنان ٴوتىپ، ەلىمىزدىڭ ٴۇش ٴوڭىرىن قامتيتىن بولادى. قوستاناي، اقمولا جانە پاۆلودار وبلىستارى بويىنشا وتەتىن ۆەلوساياحاتتىڭ جالپى ۇزىندىعى 1500 شاقىرىمعا جەتەدى.

ۆەلوساياحاتشىلار 2018 جىلدىڭ 2 شىلدەسىندە قوستاناي وبلىسىندا قازاقستان شەكاراسىنان ٴوتىپ، 7 كۇن ىشىندە ۆەلوسيپەدپەن قازاقستاننىڭ ەلورداسىنا دەيىن جەتتى.

"ٴبىز 3300 شاقىرىمدى باسىپ وتتىك. العان اسەرىمىزدى سوزبەن جەتكىزۋ مۇمكىن ەمەس. رەسەيدى، قازاقستاندى ٴجۇرىپ ٴوتىپ ٴدال ٴقازىر ساۋلەتتى استاناعا كەلىپ وتىرمىز. ۆەلوەكسپەديستەر ٴۇشىن قازاقستاننىڭ جولى وتە ساپالى، بارلىق جەردە ٴبىزدى تىلەكشى ادامدار كۇتىپ الدى. تەگىس ەمەس جولدار بار بولسا دا، جول وتە جاقسى. اسىرەسە جۇك كولىگىن جۇرگىزۋشىلەر ۆەلوسيپەديستەرگە جاقسى قاراپ، ٴاردايىم جول بەردى. الدا نوۆوسيبريسك، يركۋتسك، ۆلاديۆوستوكقا بارامىز. كەلەسى جىلى وسىندا تاعى كەلەمىز"، - دەدى ۆەلوتۋردى ۇيىمداستىراتىن كومپانيا ديرەكتورى مارسەل يزەلي.

يزەلي بۇرىن ۆەلوسپورتپەن اينالىسىپ، ودان كەيىن ۆەلوتۋر ۇيىمداستىرا باستاعان. وسى حالىقارالىق ۆەلوەكسپەديسيا ساپىندا ۆەلوسپورتقا قىزىعاتىن جانە ۇزاق قاشىقتىقتى كوتەرە الاتىن ٴارتۇرلى جاستاعى گەرمانيا، شۆەيساريا، اۆستريا ەلىنىڭ قاتىسۋشىلارى بار. ال ۆەلوساياحاتتىڭ ەڭ ۇلكەن قاتىسۋشىسى 75 جاستا.

"قاتىسۋشىلاردىڭ كوپ بولىگى شۆەيساريادان كەلىپ وتىر. ەڭ الدىمەن ٴبىزدى قازاقستاننىڭ كەڭ جازىق دالاسى تاڭ قالدىردى. استاناعا كەلگەندە بيىك عيماراتتاردى كوردىك. 25 جىلدان بەرى ۆەلوپورتپەن شۇعىلدانامىن، سول سەبەپتى مۇنداي ەكسپەديسياعا قاتىسۋ قيىندىق تۋدىرمايدى. ەشقاشان شىعىس ەۋروپاعا بارمادىم، سول ٴۇشىن بۇل ەكسپەديسيا مەنى قاتتى قىزىقتىردى"،- دەدى ساياحاتتىڭ ەڭ ەگدە قاتىسۋشىسى ۆالتەر گلانسمەن.

ايتا كەتسەك، ساياحاتشىلاردى "استانا-بايتەرەك" مونۋمەنتى جانىندا kazakh tourism ۇك اق، قر سىرتقى ىستەر مينيسترلىگى مەن مادەنيەت جانە سپورت مينيسترلىگىنىڭ وكىلدەرى مەن ٴبىر توپ جۋرنالسيت كۇتىپ الدى.

استانادا ساياحاتشىلار ٴبىر كۇن دەمالىپ، ەلوردامەن جاقىنىراق تانىسادى. ونىنشى شىلدەدەن باستاپ ولار ٴوز ساياحاتتارىن قايتا جالعاستىرىپ، قازاقستان مەن رەسەي اۋماعى بويىنشا 10 مىڭ شاقىرىمنان استام جول ٴجۇرىپ، 8-9 قىركۇيەكتە ۆلاديۆوستوكتا مارەگە جەتەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي