BAQ.kz - Қазақстан жаңалықтары USD 354.12 BAQ.kz - Қазақстан жаңалықтары EUR 416.73 BAQ.kz - Қазақстан жаңалықтары RUB 5.37
استانا:

استاناداعى مەشىتتەردىڭ ٴبىرى تاڭداۋلى تۋريستىك ورىنداردىڭ الەمدىك تىزىمىنە ەندى

فوتو: Ержан Жаубай

«نۇر استانا» ورتالىق مەشىتى «تاڭداۋلى تۋريستىك ورىنداردىڭ الەمدىك تىزىمىنە» ەندى، دەپ حابارلايدى baq.kz اقپارات اگەنتتىگى.

"حالىقارالىق كوميتەتتىڭ 2018 جىلعى ٴتوراعاسى، ەۋرازيالىق ەكونوميكالىق ىنتىماقتاستىق ۇيىمىنىڭ باس حاتشىسى پيسكۋرەۆ ۆ.ۆ. «نۇر استانا» ورتالىق مەشىتىنىڭ «تاڭداۋلى تۋريستىك ورىنداردىڭ الەمدىك تىزىمىنە» ەنگەندىگىن راستايتىن ديپلومدى نايب يمام ٴادىلحان سەرىكبايعا تابىستادى" - دەلىنگەن مەشىت ٴباسپاسوز قىزمەتىنىڭ حابارلاماسىندا.

2017 جىلدىڭ 7 قاراشاسىندا تۇركيانىڭ انتاليا قالاسىندا وتكەن مادەنيەت، عىلىم جانە ٴبىلىم ماسەلەلەرىنە قاتىستى ەۋرازيا كەڭەسىنىڭ ٴىى وتىرىسىندا «بىرلەستىكتەر، ۇلتتار مەن حالىقتاردى تۇراقتى دامىتۋ ماقساتىندا تۋريستىك قىزىعۋشىلىق تۋدىراتىن نىسانداردى انىقتاۋ» كونۆەنسياسى قابىلدانعان بولاتىن. وسى كونۆەنسيانى جۇزەگە اسىرۋ ٴۇشىن «ٴتۋريزمدى تۇراقتى دامىتۋ جانە تۋريستىك قىزىعۋشىلىق تۋدىراتىن نىسانداردى انىقتاۋ ماسەلەلەرىن» قاراستىراتىن حالىقارالىق كوميتەت قۇرىلعان ەدى.

حالىقارالىق كوميتەتتىڭ قىزمەتى الەمدىك دەڭگەيدە، تاۋەلسىز، ەشبىر ۇكىمەتكە باعىنباي، ساياساتتان تىس جۇرگىزىلەدى. باستاپقىدا حالىقارالىق كوميتەت مۇشەلىگىنە 15 مەملەكەت تىركەلسە، كەيىن مۇشەلىككە 24 مەملەكەت قاتىستى. كوميتەت حالىقارالىق تاۋەلسىز ەكسپەرتتەر ۇسىنعان نىسانداردىڭ اراسىنان تاڭداۋلى تۋريستىك ورىنداردى داۋىس بەرۋ ارقىلى انىقتايدى. انىقتالعان «تاڭداۋلى تۋريستىك ورىنداردىڭ الەمدىك ٴتىزىمىن» worldlist.travel سايتىنان كورۋگە بولادى.

تاڭداۋلى تۋريستىك ورىندار تىزىمىنە تاريحي مەكەندەر، تابيعات قۇبىلىسىنان پايدا بولعان ەرەكشە جەرلەر مەن ساۋلەت ونەرىنىڭ عاجاپ تۋىندىلارىمەن قاتار رۋحاني ماڭىزى بار نىساندار دا ەنگىزىلەدى. ايتالىق، اتالمىش تىزىمگە قازاقستاننان «نۇر استانا» ورتالىق مەشىتىنەن بولەك قوجا احمەت ياسساۋي كەسەنەسى، ۇلكەن الماتى كولى، شارىن شاتقالى مەن تامعالى تاس ەنگىزىلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي