BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

اسەت بەيىسوۆ: قازاقستان مەن رەسەي فورۋمى – تۋريزمگە تىڭ سەرپىن بەرەتىنىنە سەنىمدىمىن

سولتۇستىك قازاقستان، baq.kz ٴتىلشىسى. قازاقستان مەن رەسەي ٴوڭىرارالىق ىنتىماقتاستىعىنىڭ حv فورۋمى كوپشىلىك نازارىن وزىنە اۋدارتتى. الىس-جاقىن شەتەلدەردىڭ وكىلدەرى قاسيەتتى قىزىلجارعا اعىلدى. قۇتتى قوناقتاردىڭ قاتارىندا ٴتۇرلى سالالاردىڭ ماماندارى بار. رەسەي فەدەراسياسى فەدەرالدىق ۇلتتىق-مادەني اۆتونومياسى اتقارۋ كوميتەتىنىڭ مۇشەسى اسەت بەيىسوۆ تە تاريحي وقيعانى ٴوز كوزىمەن كورىپ، قاتىسۋدى ماقسات ەتكەندەردىڭ ٴبىرى. رەسەيدەن كەلگەن قانداسىمىزدىڭ تاريحي وتانىنداعى تۋريزم سالاسىنىڭ دامۋى جايىنداعى پىكىرىن بىلدىك.

«قازاقستان مەن رەسەيدى بايلانىستىراتىن فاكتورلار وتە كوپ. تاعدىر قوس ەلدى جەر شارىندا كورشى قىلىپ ورانالاستىرعاندىقتان، تاتۋ تۇرماسقا قاقىمىز جوق. ەجەلدەن اۋىلىمىز ارالاس، قويىمىز قورالاس جاتىر. قازاقستان تاۋەلسىزدىك العاننان كەيىن ىنتىماقتاستىعىمىز جاڭا دەڭگەيدە دامي باستادى. ورتالىق ازيانىڭ كوشباسشىسى رەتىندە قازاقستان قاي سالادا بولماسىن تولاعاي تابىستارعا جەتكەنىن كورىپ وتىرمىز. سونىڭ ىشىندە تۋريزم مول پايدا اكەلەتىنى انىق.

تازا اۋاسى، تۇنىق كولدەرى، سايالى ورماندارى، اسقار تاۋلارى بار ەلدىڭ تۋريزمنەن تابىسقا كەنەلمەۋى مۇمكىن ەمەس. جىل سايىن جازدا رەسەيلىكتەر دەمالۋ ٴۇشىن قازاقستانعا قاراي اعىلاتىنىن كورىپ ٴجۇرمىز. ٴوزىم تۇرىپ جاتقان قورعان وبلىسىنىڭ تۇرعىندارى سوڭعى ۋاقىتتا سولتۇستىك قازاقستان وبلىسىنىڭ جاۋھارى سانالاتىن يمانتاۋ-شالقار دەمالىس اۋماعىنا بارۋدى ادەتكە اينالدىردى. شەتەلدىڭ ماقتاۋلى كۋرورتتارىنان كوپ ايىرماشىلىعى جوق. ال تابيعاتىنىڭ كوركەمدىگى جاعىنان كوبىنىڭ الدىن وراپ كەتەدى. ال بۋرابايدى رەسەيلىكتەرگە جارنامالاۋدىڭ قاجەتى جوق. الەمگە اتى ٴماشھۇر بۇل كۋرورت كورگەن ادامدى تامساندىرماي قويمايدى.

قازاقستاننىڭ تاريحى وتە باي مەملەكەت. ارحەولوگيالىق قازبالار ناتيجەسىندە كونە قالالار تابىلعانىن بىلەمىز. بۇل تاريحي-تانىمدىق ٴتۋريزمدى دامىتۋعا جول اشارى انىق. جىلقى مالىن العاش قولعا ۇيرەتكەن ايماق رەتىندە عالىمدار مويىنداعان بوتاي قونىسىنا بارماي كەتۋ مۇمكىن ەمەس. قازاقستان مەن رەسەيدىڭ ٴوڭىرارالىق ىنتىماقتاستىق فورۋمى بۇل سالاعا تىڭ سەرپىن بەرەدى دەپ سەنەمىن»، – دەدى رەسەي فەدەراسياسى فەدەرالدىق ۇلتتىق-مادەني اۆتونومياسى اتقارۋ كوميتەتىنىڭ مۇشەسى اسەت بەيىسوۆ

كەشە پەتروپاۆلدا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ پەن رەسەي فەدەراسياسىنىڭ پرەزيدەنتى ۆلاديمير ٴپۋتيننىڭ قاتىسۋىمەن وتەتىن ەكى مەملەكەت اراسىنداعى ىنتىماقتاستىق فورۋمى باستالعانىن حابارلاعانبىز.

پەتروپاۆلدا ٴوتىپ جاتقان قازاقستان مەن رەسەي ٴوڭىرارالىق ىنتىماقتاستىقتىڭ حv فورۋمى اياسىندا ٴتۋريزمنىڭ ٴتۇرلى سالالارىن قامتيتىن 17 مەموراندۋمعا قول قويىلدى.

فورۋم اياسىندا قازاقستان مەن رەسەي تۋريستىك كورمەسى ٴوتتى.

بىرنەشە كۇن بويى جالعاساتىن شاراعا قازاقستاننىڭ بارلىق ٴوڭىرى مەن رەسەيدىڭ 10 وبلىسىنان 40 ەكسپونەنت قاتىسۋدا. ەكى جىلدا قازاقستانعا رەسەيدەن كەلەتىن تۋريستەر سانى ەكى ەسە ارتقانى بەلگىلى بولدى.

سونىمەن قاتار، ەكى ەلدىڭ ونەر ۇجىمدارى قاتىسقان «دوستىق كوپىرى» اتتى گالا-كونسەرت ٴوتتى. سولتۇستىك قازاقستان، ومبى، قورعان، تۇمەن وبلىستارىنىڭ ۇجىمدارى مەن جەكە ورىنداۋشىلارى حالىق الدىندا 3 ساعات بويى ونەر كورسەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي