BAQ.kz - Қазақстан жаңалықтары USD 345.68 BAQ.kz - Қазақстан жаңалықтары EUR 404.45 BAQ.kz - Қазақстан жаңалықтары RUB 5.48
استانا:

الماتىلىقتار «نۇرسۇلتان» شىڭىن باعىندىردى

«سپورتتىق الماتى» باعدارلاماسى اياسىندا استانانىڭ 20 جىلدىعىنا وراي ٴداستۇرلى 2ا كاتەگوريالىق قيىندىقتا «نۇرسۇلتان شىڭى» الپينياداسى ٴوتتى، دەپ حابارلايدى baq.kz اقپارات اگەنتتىگى.

5000-نان استام 12 جاستان اسقان كەز كەلگەن قاتىسۋشى 4376 مەتر بيىكتىكتى باعىندىرۋعا نيەت بىلدىرگەنىمەن، تەك 200-دەن استامى عانا شىڭعا شىقتى. قاتىسۋشىلاردىڭ اراسىندا وزگە مەملەكەت قوناقتارى، سونداي-اق الماتى قالاسى دەنە شىنىقتىرۋ جانە سپورت باسقارماسى باسشىسى ٴابىل دوڭبايەۆ تا بولدى.

الپيانيادا باستالعان سون ارتىنشا «شىمبۇلاق» تاۋشاڭعى كۋرورتىندا سكايراننينگ سپورتىنان بىرنەشە جاس ايىرماشىلىق بويىنشا قازاقستان چەمپيوناتى وتكىزىلدى. 100-دەن استام سپورتشى ٴوز باقتارىن سىناپ كورۋگە تىرىستى. سولاردىن ٴبىرى، جۇلدەلى ورىن العان راۋان ابۋلحانوۆ ٴوز ويىمەن ٴبولىستى.

"دايىندىق تاۋدا ەمەس، قالادا ٴوتتى. ٴوزىم وسى جارىسقا ٴجيى قاتىسامىن. ماعان جۇگىرگەن وتە ۇنايدى. بۇگىن ٴوز جاسىم بويىنشا ٴبىرىنشى، ال، «ابسوليۋتتە» ٴۇشىنشى ورىن الدىم. ۋاقىتىم 1 ساعات 53 مينۋت"، - دەيدى اسكەري ينستيتۋتىنىن سەرجانتى راۋان ابۋلحانوۆ.

بارلىق جۇلدەگەرلەر مەن جەڭىمپازدار مەدالدار مەن، ال، الپينيادا قاتىسۋشىلارى سەرتيفيكاتپەن ماراپاتتالدى.

بۇل ٴىس-شارانىڭ اشىلۋ سالتاناتىندا ەلىمىزدىڭ بەلگىلى ٴالپينيستى ماقسۇت جۇمايەۆ قوناقتاردى استانا كۇنىمەن قۇتتىقتاپ، الپينيزممەن اينالىسۋعا كەڭەس بەردى. ارتىنشا بۇل مەرەكە انشىلەردىن ونەرلەرىمەن جالعاستى.

ايتا كەتەر جايت، الپينيادا «شىمبۇلاق – نۇرسۇلتان شىڭى» سالاۋاتتى ٴومىر سالتىن ۇستانىپ، جاستار اراسىندا سپورتتى دامىتۋ ماقساتىندا جىل سايىن وتكىزىلەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي