BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

اقمولادا ەكسكۋرسوۆودتاردىڭ جۇمىسى قاتاڭ قاداعالانادى

فوتو: интернеттен

اقمولا وڭىرىندەگى ەكسكۋرسوۆودتاردىڭ جۇمىس ساپاسى كوڭىل كونشىتەرلىك دەڭگەيدە ەمەس. بۇل تۋرالى بۋرابايدا جەرگىلىكتى زيالى قاۋىم وكىلدەرىنىڭ باستاماسىمەن تۋريزم سالاسىنداعى ەكسكۋرسيالىق جۇمىستاردى ۇيىمداستىرۋ ماسەلەسىنە ارنالعان سەمينار بارىسىندا ٴمالىم بولدى، دەپ حابارلايدى baq.kz ايماقتاعى ٴتىلشىسى.

شارانىڭ وتۋىنە قازاقستان جازۋشىلار وداعى ٴتوراعاسىنىڭ ٴبىرىنشى ورىنباسارى اقبەرەن ەلگەزەكتىڭ بيىلعى جىلدىڭ 29 تامىزىندا بۋرابايدا وتكەن "اق وردالى استانا" xالىقارالىق پوەزيا فەستيۆالى جونىندەگى فەيسبۋكتەگى جازباسى تۇرتكى بولدى.

«...ٴبىز توقتاعان قوناق ٴۇيدىڭ اكىمشىلىگى فەستيۆالگە قاتىسۋشىلاردى اۆتوبۋسقا مىنگىزىپ بۋرابايدى ارالاتتى. ەكسكۋرسيا ٴماتىنىنىڭ ۇزىن-ىرعاسى بىلاي. اڭىز ايتىپ وتىر باياعى: زلوي ي جەستوكيي پراۆيتەل قاسىم xان بۇيتكەن-سويتكەن دەگەن اڭگىمەنى وڭدى-سولدى بوراتسىن. سوسىن بۇل جەردە ٴۇش ٴجۇزدىڭ باسىن قوسىپ، قازاق xالقىن رەسەيگە قوسىپ امان الىپ قالعان ابىلاي xان دەگەن كىسى ٴومىر سۇرگەن دەپ توبەمىزدەن جاي ٴتۇسىردى. "بوروۆوە" دەگەن ٴسوز ورىستىڭ "بور" دەگەن سوزىنەن تۋىنداپتى-مىس. ال، وسى كوكشەتاۋ، اقمولا دەگەندەرىڭىز رەسەيدىڭ وڭتۇستىك بەكەتتەرى ەكەن»، – دەپ جازدى اقىن اقبەرەن ەلگەزەك ٴوزىنىڭ پاراقشاسىندا.

وسى ورايدا اقىن اقبەرەن ەلگەزەك وبلىس باسشىلىعىنان بۋرابايدا جۇمىس ىستەپ جاتقان قوناق ٴۇي، دەمالىس ۇيلەرى، ساناتورييلەردىڭ ەكسكۋرسيالىق باعدارلامالارىن تەكسەرۋدى جانە ولارعا ۇلتتىق مۇددەگە نەگىزدەلگەن، عىلىمي ساراپتامادان وتكەن، ورتاق ەكسكۋرسيا ماتىندەرىمەن قامتاماسىز ەتۋدى تالاپ ەتكەن بولاتىن.

سەمينارعا قاتىسۋشىلار وڭىردەگى ەكسكۋرسوۆودتار مەن گيدتەردىڭ جۇمىسىن قاتاڭ سىنعا الدى. زيالى قاۋىم وكىلدەرى ەل-جەر تاريحىنا قاتىستى شىندىققا جاناسپايتىن جالعان مالىمەتتەر بەرىلىپ جۇرگەنىن ايتتى.

«بۋرابايعا جىل سايىن ميلليونداعان تۋريست كەلەدى. كۋرورتتى ايماقتا كوپتەگەن ساياسي، مادەني، عىلىمي شارالار وتەدى. شەتەلدىكتەردى ايتپاعاندا، وسىنداي سوراقى دۇنيەلەردى ەستىگەن جاستاردا تاريحىمىز جايلى جالعان، تەرىس پىكىر قالىپتاسپاسىنا كىم كەپىل»، - دەيدى ج.مۋسين اتىنداعى كوكشەتاۋ جوعارى قازاق پەداگوگيكالىق كوللەدجىنىڭ ديرەكتورى نۇرتاس احات.

اقىن مەرگەن توقسانباي كەڭەستىك داۋىردە شوۆينيستىك باعىتتا جازىلعان ەكسكۋرسيالىق ماتىندەر ٴالى وزگەرمەگەنىن اشىنا باياندادى.

«جاسىرارى جوق، قاسىم حاندى جاۋىز دەپ، تاۋ-تاستىڭ اتتارىن پيانىي ەجيك، سلونيك دەپ ايتىپ جۇرگەن ەكسكۋرسوۆودتار ٴالى دە بارى اشىندىرادى. كوكشەتاۋدىڭ قالام ۇستاپ جۇرگەن جاستارى ەكسكۋرسوۆودتار وقيتىن ٴماتىندى دۇرىستاپ جازىپ بەرەمىز. بۋرابايدا 80 دەمالىس ورنى بار. اڭىزعا اينالعان جەرلەر جايلى ادەمى كليپ تۇسىرۋگە دە بولادى»، - دەيدى مەرگەن توقسانباي.

شارا بارىسىندا ەكسكۋرسيالاردىڭ مىندەتتى تۇردە ٴۇش تىلدە ۇيىمداستىرىلۋىن، ول ٴۇشىن ۋنيۆەرسيتەت قابىرعاسىندا ەكسكۋرسيا جەتەكشىلەرى مەن گيدتەردى ارنايى باعدارلاما ارقىلى تولىق دايىندايتىن ورتالىق اشۋ قاجەتتىگى تۋرالى ۇسىنىستار ايتىلدى.

وبلىس اكىمىنىڭ ورىنباسارى اينا ٴمىسىرالىموۆا الداعى ۋاقىتتا تۋريزم سالاسىنداعى ۇيىمداستىرۋ جۇمىسىن جەتىلدىرۋ ماقساتىندا كەشەندى ٴارى جوسپارلى ٴىس-شارالار قولعا الىناتىنىن جەتكىزدى.

«بۇدان بىلاي عالىمدار مەن تاريحشىلار، تىلشىلەر قاۋىمى وڭىرلىك گيدتەر پايدالاناتىن ماتىندەردىڭ مازمۇنىن قاداعالايتىن بولادى. تۋرفيرمالار ۇلتتىق مۇددەگە نەگىزدەلگەن، عىلىمي ساراپتامادان وتكەن ەكسكۋرسيا ماتىندەرىمەن قامتاماسىز ەتىلەدى. وسى ماسەلەلەردىڭ جۇيەلى تۇردە جۇزەگە اسۋى تىكەلەي باقىلاۋعا الىنادى»، - دەدى اينا ٴمىسىرالىموۆا.

بۋرابايعا قاتىستى اڭىز-اڭگىمەلەردى بۇرمالاپ ايتقان ەكسكۋرسوۆودتىڭ ۇياتتى جاعدايى ەندى قايتالانباس ٴۇشىن وبلىستىق تۋريزم باسقارماسى مەن تۋريستىك قىزمەت كورسەتەتىن فيرما وكىلدەرىنە ناقتى تاپسىرمالار بەرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي