BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

ۆاكۋۋمدىق پويىز قازاقستاندا پايدا بولۋى مۇمكىن بە؟

فوتو: Нұржас Жақсыбай

استانا، baq.kz ٴتىلشىسى. استانادا ٴوتىپ جاتقان «digital bridge» حالىقارالىق يننوۆاسيالىق فورۋمىنا hyperloop transportation technologies اتقارۋشى ديرەكتورى ديرك البورن كەلدى. ول كۋلۋاردا جۋرناليستەر ساۋالىنا جاۋاپ بەرىپ، جوعارى جىلدامدىقپەن قورعالاتىن ۆاكۋۋمدىق پويىز جوباسىن قازاقستاندا قالاي ىسكە اسىرۋعا بولاتىنىن ايتتى.

«ٴبىز جاڭا كولىك ٴتۇرىن ازىرلەۋمەن اينالىسامىز. وتە قىسقا ۋاقىت ىشىندە جوعارى جىلدامدىقتا ساياحات جاساۋعا مۇمكىندىك بەرەتىن كاپسۋلانى ەلەستەتىپ كورىڭىزشى. ٴقازىر ٴبىز قىتايمەن، دۋبايمەن كەلىسىمشارتقا قول قويدىق. باسقا دا ەلدەرمەن جۇمىس ىستەۋدى جوسپارلاپ وترمىز. ٴبىز ٴقازىر ولاردىڭ ۇكىمەتىمەن جۇمىس ىستەپ جاتىرمىز. سلوۆاكيادان باستاپ برازيليا، ٴۇندىستان، يندونەزيا بار، سوڭى چەحيامەن اياقتالاتىن بارلىعى 14 جوبامىز بار»، - دەدى باس ديرەكتور.

جۋرناليستەر ديرك البورننان جوبانى قازاقستاندا ىسكە اسىرۋ قانشالىقتى مۇمكىن ەكەنىن سۇرادى.

«قازاقستانمەن جۇمىس ىستەگىمىز كەلەدى، ٴبىراق ەڭ الدىمەن زاڭنامالىق تۇرعىدان ساياسي ماسەلەلەردى شەشىپ الۋىمىز قاجەت. سودان سوڭ عانا ٴبىز جۇمىستى باستاي الامىز» - دەدى ول استانادا ٴوتىپ جاتقان «digital bridge» حالىقارالىق يننوۆاسيالىق فورۋمىندا.

ديرك البورن جوبا قۇرىلىسى بىرنەشە فاكتورعا تاۋەلدى ەكەنىن، دەگەنمەن ٴبىر شاقىرىم جولدىڭ قۇرىلىسى شامامەن 20 ملن دوللاردى قۇرايتىنىن اتاپ ٴوتتى.

«الايدا قازاقستاندا ەڭبەك رەسۋرستارىنا بايلانىستى اناعۇرلىم ارزانعا تۇسەدى. ٴار ەلدە كەتەتىن شىعىنعا بايلانىستى ەسەپتەيمىز»، - دەدى سپيكەر.

ول قازاقستاندا قۇرىلعان حالىقارالىق «astana hub» it-ستارتاپ تەحنوپاركىنە باعا بەردى.

«مەملەكەتتىڭ سيرلفىق دامۋمەن اينالىسۋىن وتە ماڭىزدى دەپ سانايمىن. ونسىز ەلدىڭ ٴارى قاراي دامۋى مۇمكىن ەمەس جانە وسىنداي جاعدايدا ٴاردايىم العا كوز تاستاپ، جىلجۋ كەرەك. مۇنى وتە ماڭىزدى دەپ ويلايمىن»، - دەپ تۇيىندەدى ٴسوزىن ديرك البورن.

ايتا كەستەك، hyperloop – 2013 جىلى امەريكالىق ۆەنچۋرلىق كاسىپكەر يلون ماسك ۆاكۋۋم پويىزى جوباسىن ۇسىنعان بولاتىن. ٴبىراق بۇل سوڭىنا دەيىن ىسكە اسقان جوق. بۇگىندە حوتورن مەن لاس-ۆەگاستا تاجىريبەلىك پوليگوندار ورنالاسقان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي