BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

تۇركىستاندا «ulys» سيفرلىق جۋرنالى تانىستىرىلدى

استانا، baq.kz. بۇگىن تۇركىستان قالاسىنداعى «túrkistan media» حالىقارالىق ورتالىعىندا ورنالاسقان وڭىرلىك كوممۋنيكاسيالار قىزمەتىندە اقپارات كەڭىستىگىندەگى تۇڭعىش سيفرلىق «ulys» جۋرنالىنىڭ تانىستىرىلىمى ٴوتتى.

اتالعان جيىنعا قازاقستانداعى العاشقى ەلەكتروندى «ulys» جۋرنالىنىڭ باس رەداكتورى ەرجان قالىمباي، فيلوسوفيا عىلىمدارىنىڭ كانديداتى جانات مومىنقۇلوۆ، باسىلىمنىڭ تەحنيكالىق دي⁠رەكتورى بولات اسكەر، سونداي-اق وبلىستىق ىشكى ساياسات، مادەنيەت سالاسىنىڭ ماماندارى مەن ٴباسپاسوز وكىلدەرى، ستۋدەنتتەر قاتىستى.

شارادا «ulys» سيفرلىق جۋرنالىنىڭ باس رەداكتورى، بەلگىلى جۋرناليست ەرجان قالىمباي بۇل جۋرنالدىڭ قازاق مەديا تاريحىندا ۇلكەن جاڭالىق ەكەنىن ايتىپ، جۋرنالدىڭ ماڭىزدىلىعى مەن ارتىقشىلىعى جايلى ٴسوز قوزعادى.

«بۇل جوبا – قازاقستاننىڭ اقپاراتتىق نارىعىن ساپالى كونتەنتپەن قامتاماسىز ەتۋگە ۇلەس قوسادى. مۇنداعى ساراپتامالىق، تانىمدىق ماقالالار سان سالانى قامتيدى. گەوستراتەگيا، ەلدىڭ ىشكى-سىرتقى ساياساتى، ەكونوميكا، جاhاندا بولىپ جاتقان وزگەرىستەر مەن ترەند تاقىرىپتار ۇلتتىق مۇددە تۇرعىسىنان تەرەڭ تالدانىپ قازاق وقىرماندارىنا جەتكىزىلەدى. اسىرەسە، ورتالىق ازيا مەن تۇركى الەمىنە ەرەكشە كوڭىل بولەمىز. جۋرنال تەك قازاق تىلىندە شىعادى. « ۇلىس» ٴسوزىنىڭ «ٴوزى ۇلى» ٴىس دەگەن ماعىنادا. ۇلتتىق ۇعىمدار سانادا جاڭعىرسىن دەگەن ماقسات. قازىرگى تاڭدا باسىلىمنىڭ ٴۇش سانى شىقتى. اقپاراتتىڭ ساپالى بولۋى باستى نازاردا. ٴار سانىندا 20 ماقالا جاريالانادى. ولاردى زەرتتەۋ ينستيتۋتتارىنىڭ ماماندارى جازادى. الداعى ۋاقىتتا ەلەكتروندى باسىلىمنىڭ اۋقىمىن حالىقارالىق دەڭگەيدە شىعارۋدى جوسپارلاپ وتىرمىز»، – دەدى اۆتور.

جيىندا مەديا سالاسىنداعى سيفرلىق تەحنولوگيانىڭ دامۋى مەن بۇگىنگى جەتىستىگى جايلى كەڭىنەن تالقىلاندى. سونداي-اق قاتىسۋشىلار قازىرگى تاڭداعى اقپاراتتىق كەڭىستىكتەگى جاڭالىقتار بويىنشا كوكەيتەستى سۇراقتارىن قويدى.

جوبا جەتەكشىلەرىنىڭ ايتۋىنشا، جۋرنال digital فورماتىنداعى سوڭعى ۇلگىدەگى تاجىريبەلەرگە نەگىزدەلىپ جاسالعان. ماسەلەن، ماقالانى وقۋمەن قاتار، اۋديو جازباسىن تىڭداۋعا نەمەسە بەينە جازباسىن كورۋگە مۇمكىندىك بار. «ulys» جۋرنالىن «ios» جانە «android» جۇيەلەرىندەگى قوسىمشا ارقىلى تەلەفونعا نەمەسە پلانشەتكە تەگىن جۇكتەپ الىپ، كەز كەلگەن ۋاقىتتا وقي بەرۋگە بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي