BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

«سيفرلىق جاز 2018» باعدارلاماسى ارقىلى جاس it ماماندارى ۇلتتىق كومپانيالارعا جۇمىسقا ورنالاسادى

بۇگىن «سامۇرىق-قازىنا» ٴۇاق» اق مەن قورجىندى كومپانيالار باسشىلارىنىڭ قاتىسۋىمەن «سيفرلىق جاز – 2018» تاعىلىمداما باعدارلاماسىنىڭ سالتاناتتى اشىلۋى ٴوتتى. باعدارلاماعا ىرىكتەلىپ الىنعان 72 جاس مامان تاعىلىمدامادان ٴوتۋ ارقىلى كومپانيالاردىڭ بىرىنە جۇمىسقا ورنالاسۋ مۇمكىندىگىنە يە بولادى، دەپ حابارلايدى baq.kz ٴتىلشىسى.

2018 جىلدىڭ 6 ماۋسىمىندا جاڭا hr-تۇجىرىمداماسىنا سايكەس «سامۇرىق-قازىنا»ٴۇاق» اق مەن قورجىندى كومپانيالار بىرلەسىپ، it سالاسىنداعى جاس مامانداردى بولاشاقتا ٴوز مەكەمەلەرىنە جۇمىسقا الۋ ماقساتىمەن «سيفرلىق جاز – 2018» تاعىلىمداما باعدارلاماسىن ىسكە قوستى.

باعدارلاماعا ٴوتىنىم بەرگەن جاستاردىڭ سانى 2100-گە جەتىپ، ولاردىڭ ٴ500-ى it ٴبىلىمىن تەكسەرۋ سىناعىنان ٴوتتى. ال تاعىلىمداماعا 72 جاس مامان شاقىرىلدى.

«سيفرلىق جاز – 2018» باعدارلاماسىن باستاۋداعى ماقساتىمىز ٴبىرىنشى جاس مامانداردى تابۋ، ولاردى جۇمىسقا الىپ، ٴاربىر مەكەمەلەردە ٴوز سالالارى بويىنشا بيزنەس پروسەسىنە ۇيرەتۋ. سيفرلاندىرۋ بويىنشا ٴقازىر ٴاربىر مەكەمەلەرگە كوپ it ماماندار قاجەت بولىپ وتىر. 2000-داي ادامدى قاراپ وتتىك، سونىڭ ىشىنەن 70-تەن استام جاس ىرىكتەۋ كەزەڭىنە ٴوتتى. ٴاربىرى قورجىندى كومپانيالارعا تاعىلىمدامادان وتۋگە شاقىرىلدى. كۋرس ناتيجەسىنەن سوڭ كومپانيالار ۇزدىك مامانداردى جۇمىسقا الۋى مۇمكىن»، - دەدى «قازمۇنايگاز» كومپانياسى it دەپارتامەنتىنىڭ باسشىسى تيمۋر تۇرسىنبايەۆ.

ول قازاقستاندىق كومپانيالارعا بيزنەس ارحيتەكتور، پروجەكت مەنەدجەر، بيزنەس اناليتيك سەكىلدى it ماماندارى جەتىسپەيتىنىن اتاپ ٴوتتى. قازاقستاندا وسى سەكىلدى ماماندىقتار وقىتىلمايتىن بولعان سوڭ كومپانيالار مۇنداي مامانداردى شەتەلدەن شاقىرۋعا ٴماجبۇر بولىپ وتىر.

«جوو-مەن بىرلەسە وسى جۇمىستى جالعاستىرىپ، كەلەر 2-3 جىلدا باسقا دا جاس مامانداردى ىزدەپ، ولاردى سيفرلاندىرۋ بويىنشا جوبالارعا دايىنداپ شىعارۋىمىز قاجەت. جاستاردىڭ رەزيۋمەسىن قاراپ، موتيۆاسيالىق حاتتارىن وقىپ شىقتىق. وسى 100-دەي ادامنىڭ ىشىنەن دارىندى ادامدار تابىلىپ، ٴارى قاراي ۇلتتىق كومپانيالاردا جۇمىس ىستەپ كەتەدى دەگەن ويدامىن»، - دەدى ول.

ايتا كەتسەك، بۇل باعدارلامانى ەشكىم قارجىلاندىرمايدى. «سامۇرىق-قازىنا» قورىنىڭ ىشىندەگى ٴاربىر ۇلتتىق كومپانيا وزدەرىنە قاجەتتى مامانداردى دايىنداپ شىعارادى. تۇرسىنبايەۆتىڭ ايتۋىنشا، الداعى 5-10 جىل ىشىندە بۇكىل قازاقستان كومپانيالارىنا it ماماندارى قاجەت بولادى. وكىنىشكە قاراي، وسىنداي باعدارلامالاردىڭ جوقتىعىنان جاس ماماندار شەتەلگە كەتىپ جاتىر. ال «سيفرلىق جاز - 2018» تاعىلىمداماسى جاس ماماندارىمىزعا ۇلتتىق مەكەمەلەردە جۇمىس ىستەۋىنە مۇمكىندىك بەرەتىنى ٴسوزسىز.

تاعىلىمداما قاتىسۋشىلارى oracle، huawei، cisco، kaspersky، microsoft، sap سەكىلدى it سالاسىنداعى جەتەكشى كومپانيالاردىڭ سەمينارىنا قاتىسىپ، دەرەكتەر بازاسى، سەرۆەرلەر كونفيگۋراسياسى مەن دەرەكتەردى ساقتاۋ جۇيەسى، باعدارلاۋ جانە كوممۋتاسيا نەگىزدەرى، ٴىوت نەگىزدەرى، اقپاراتتىق قاۋىپسىزدىك الىپپەسى، كيبەرقاۋىپسىزدىك، اپليكەيشن قۇراستىرۋدىڭ جالپى قاعيدالارى، قۇراستىرۋشىلارعا ارنالعان جاساندى ينتەللەكت، كورپوراتيۆتى جانە sap ارحيتەكتۋراسى نەگىزدەرى، بۇلتتى ەسەپتەۋ جانە گيبريدتى ينفراقۇرىلىم، بيزنەس-اناليتيكا سەكىلدى كۋرستاردان وتەدى.

ٴار قاتىسۋشىنىڭ جانىندا ٴبىر مەنتور بولادى. مەنتورلار جاس مامانداردى تاعىلىمدامادان ٴوتۋ كەزىندە ولارعا ماقساتتارىن ايقىنداۋعا كومەكتەسىپ، موتيۆاسيا جانە باعىت-باعدار بەرىپ، ٴارقايسىسىنىڭ باعدارلامادا كورسەتكەن ناتيجەلەرىن شىعاراتىن بولادى. ال استاناعا كەلە المايتىن وڭىرلەردەن قاتىسۋشىلار سەمينارلارعا ونلاين قاتىسىپ، كومپانيالاردىڭ ۆيرتۋالدى لابوراتوريارىنا كىرە الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي