BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

سيفرلىق قولتاڭبا الۋ ٴتارتىبى جەڭىلدەتىلدى

«ازاماتتارعا ارنالعان ۇكىمەت» مەملەكەتتىك كورپوراسياسى جەكە تۇلعالارعا ەلەكتروندىق سيفرلىق قولتاڭبا (ەسق) بەرۋ پروسەسىن جەڭىلدەتتى. بۇل ٴۇردىس «ٴبىر تەرەزە» قاعيداتى بويىنشا پيلوتتىق تارتىپتە جۇزەگە اسىرىلا باستادى، دەپ حابارلايدى baq.kz اقپارات اگەنتتىگى.

بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراسياسى» كەاق قىزىلوردا وبلىسى بويىنشا فيليالىنىڭ ٴباسپاسوز قىزمەتى مالىمدەدى.

"ەندى ەسق الۋ ٴۇشىن قر ۇلتتىق كۋالاندىرۋشى ورتالىعىنىڭ (pki.gov.kz) پورتالى ارقىلى الدىن-الا ٴوتىنىم بەرىپ، جەكە تۇلعانى راستاۋ ٴۇشىن حقو-عا بارۋدىڭ قاجەتى جوق. بىردەن حقو-عا كەلىپ، ەلەكتروندىق كەزەك تالونىمەن مامانعا تىكەلەي جۇگىنسە، وپەراتور بارلىق قاجەتتى وتىنىمدەر مەن وپەراسيالاردى ٴوزى ورىندايدى. بارلىق پروسەسسكە شامامەن 5 مينۋت ۋاقىت كەتەدى" - دەلىنگەن حابارلامادا.

قىزمەت الۋشى وزىمەن بىرگە جەكە باسىن كۋالاندىراتىن قۇجات پەن usb تاسىمالداۋشىنى اكەلۋى ٴتيىس.

ال زاڭدى تۇلعالار ەسق-نى جەڭىلدەتىلگەن ۇردىسپەن قازان ايىنىڭ سوڭىندا الا باستايدى.

ايتا كەتۋ كەرەك، "ازاماتتارعا ارنالعان ۇكىمەتتىڭ" فرونت-وفيستەرى ارقىلى بيىلعى جىلدىڭ 8 ايىندا 4،5 ميلليونعا جۋىق ەسق بەرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي