BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

«سيفرلى قازاقستان» باعدارلاماسىنىڭ باستى مىندەتتەرىنىڭ ٴبىرى كاسىپورىنداردى سيفرلاندىرۋ – ٴوندىرىس باسشىسى

شقو، baq.kz. ەل پرەمەر-مينيسترىنىڭ ورىنباسارى اسقار جۇماعاليەۆ وسكەمەندەگى «سيلۋمين-ۆوستوك» كاسىپورنىنا بارىپ، مۇندا «سيفرلىق قازاقستان» باعدارلاماسى اياسىندا جۇزەگە اسىپ جاتقان جوبامەن تانىستى.

altaynews.kz پورتالىنىڭ جازۋىنا قاراعاندا، اتالمىش ينجينيرينگتىك كومپانيا ماشينا جاساۋ كەشەندەرى مەن ەلەكتر تەحنيكالارىن، سورعى قوندىرعىلارى مەن وزگە دە نىساندارعا ارنالعان بلوك-مودۋلدەر جانە تاعى باسقا الەمدىك ستاندارتتارعا ساي ونىمدەر وندىرۋمەن اينالىسادى. ٴوندىرىستى اۆتوماتتاندىرۋ ٴقازىردىڭ وزىندە جەمىسىن بەرىپ، ەڭبەك ونىمدىلىگىن ارتتىرۋ مەن ەنەرگيا ۇنەمدەۋگە ايتارلىقتاي سەپتىگىن تيگىزدى. مۇنى كاسىپورىننىڭ باسشىسى ولەگ فرويمچۋك ٴمالىم ەتتى.

"ەلباسىنىڭ «سيفرلى قازاقستان» باعدارلاماسىنىڭ باستى مىندەتتەرىنىڭ ٴبىرى ٴىرى ٴوندىرىس وشاقتارى مەن كاسىپورىنداردىڭ جۇمىسىن سيفرلاندىرۋ ەكەنى بەلگىلى. ٴوز كەزەگىندە بۇل كاسىپورىننىڭ تيىمدىلىگىن، باسەكەگە قابىلەتتىلىگىن جانە ەڭبەك ونىمدىلىگىن ارتتىرۋ سياقتى بۇگىنگى نارىقتىڭ نەگىزگى سۇرانىستارىن قامتاماسىز ەتۋگە جول اشادى. بۇگىندە «سيلۋمين-ۆوستوك» سەرىكتەستىگى وبلىستا sv-robotech عىلىمي-وندىرىستىك كلاستەرىنىڭ جوباسىن ازىرلەۋدە. اتالعان جوبا تەحنولوگيالاردى كوممەرسيالاۋعا جانە عىلىمي-تەحنيكالىق جاڭالىقتاردى كاسىپورىندارعا ەنگىزۋگە مۇمكىندىك بەرەتىن، سونداي-اق روبوت تەحنيكاسى، ەلەكترونيكا جانە ٴىت سالاسىن دامىتۋعا باعىتتالعان زاماناۋي زەرتحانا"، – دەدى كاسىپورىن باسشىسى.

وسى رەتتە، اتالعان ٴوندىرىس ورنىنىڭ «powerexpo» كورمەسىنىڭ تۇراقتى قاتىسۋشىسى ەكەنىن دە اتاپ ٴوتۋ كەرەك. وسكەمەندىك كومپانيانىڭ بۇل باعىتتاعى سوڭعى جاڭالىقتارىنىڭ ٴبىرى التىن ونىمدەر شىعاراتىن فابريكالارعا ارنالعان «سيفرلى ەگىز» جۇيەسىن ازىرلەۋى بولعانىن دە ايتقان ابزال.

كاسىپورىننىڭ جۇمىسىمەن تانىسقان ەل پرەمەر-مينيسترىنىڭ ورىنباسارى مۇنان شىعارىلاتىن ٴونىمنىڭ ساپالىلىعىن اتاپ ٴوتىپ، بۇل تاۋارلاردىڭ يگىلىگىن ەڭ الدىمەن وتاندىق ٴوندىرىس ورىندارى كورۋى كەرەكتىگىن جەتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي