BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

شىعىس قازاقستاندا تۋريستەرگە ارنالعان موبيلدىك قوسىمشا ىسكە قوسىلدى

فوتو: sputniknews-uz.com

وبلىس اكىمدىگىنىڭ قولداۋىمەن تۋريستەر ٴۇشىن بەس تىلدە «سويلەيتىن» قوسىمشا ازىرلەندى. بۇل «سيفرلىق قازاقستان» جوباسى اياسىندا جۇزەگە اسىرىلدى، دەپ حابارلايدى baq.kz اقپارات اگەنتتىگى altaynews.kz سايتىنا سىلتەمە جاساپ.

«تاريحي جول» دەپ اتالاتىن قوسىمشادان ەلىمىزدەگى كيەلى ورىندار تۋرالى اقپاراتتاردى الۋعا بولادى. ٴتىپتى وندا تاريحي كەيىپكەرلەردىڭ شىنايى بەت-الپەتى بەينەلەنگەن ماتەريالداردا دا ورنالاستىرىلعان. بۇدان بولەك بۇل باعدارلامانىڭ قولدانۋشىلارىنا 360 گرادۋستىق بەينەروليكتەر ۇسىنىلعان. وسى ورايدا مۇنداي فورماتتا تۇسىرىلگەن بەينەروليكتى تاماشالاعان كورەرمەندەر وزدەرىن ەلىمىزدەگى كورىكتى ورىندارىندا جۇرگەندەي سەزىنەتىنىن ايتا كەتكەن ورىندى.

«بۇل جوبا ٴاربىر ٴوڭىردىڭ ىشكى جانە سىرتقى تۋريزم سالالارىن دامىتۋعا سەپتىگىن تيگىزىپ، ەلىمىزدەگى قىزمەت كورسەتۋ ساپاسىن ارتتىرۋعا ىقپال ەتپەك»، – دەيدى اتالمىش قوسىمشانى ازىرلەگەن كومپانيانىڭ وكىلى ايبەك المۇحامەتوۆ.

«تاريحي جول» قوسىمشاسىن تۋريستىك گيد رەتىندە دە قولدانۋعا بولادى، سەبەبى بۇل قوسىمشا ەلىمىزدەگى بارلىق نىساننىڭ قاي اۋماقتا ورنالاسقانىن وتە جاقسى بىلەدى. وندا قاجەتتى اقپاراتتار قازاق، ورىس، اعىلشىن،تۇرىك، قىتاي تىلدەرىندە بەرىلگەن. ايبەك المۇحامبەتوۆتىڭ ايتۋىنشا، تۋريستەر قوسىمشانى ينتەرنەتى جوق ەلدى مەكەندەردە دە وفلاين رەجيمدە پايدالانا الادى.

ايتا كەتەيىك، اتالمىش جۇيەدە بۇگىنگى تاڭدا شىعىس قازاقستاندا ورنالاسقان قىرىقتان استام نىسان سيفرلاندىرىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي