BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

شالعايداعى اۋىلدارعا گازەتتەر مەن جۋرنالداردى دروندار جەتكىزۋدە

فوتو: ru.sputniknews.kz

ورتالىق كوممۋنيكاسيالار قىزمەتىندە «قازپوشتا» اق جۇمىسىنىڭ ناتيجەلەرىنە جانە 2018 جىلعى جوسپارلارىنا ارنالعان ٴباسپاسوز كونفەرەنسياسى ٴوتتى. ٴىس-شاراعا «قازپوشتا» اق باسقارما ٴتوراعاسى ساكەن سارسەنوۆ، cتراتەگيا جانە قارجى جونىندەگى باسقارۋشى ديرەكتورى ٴاليا دىقانبايەۆا، ترانسفورماسيا جانە it جونىندەگى باسقارۋشى ديرەكتورى ناريمان مۋقىشەۆ قاتىستى، دەپ حابارلايدى baq.kz اقپارات اگەنتتىگى.

2017 جىلدىڭ جۇمىس ناتيجەلەرىمەن تانىستىرىپ، قازپوشتا باسشىسى كومپانيانىڭ ٴىرى جوبالارىن اتاپ ٴوتتى.

«ٴبىز سالەمدەمەردى 10 ەسە تەز وڭدىرەتىن اۆتوماتتاندىرىلعان سۇرىپتاۋ ماشيناسىن ىسكە قوسىپ، قىزمەت كورسەتۋدىڭ بارلىق ستاندارتتارىنا ساي جاڭعىرتۋدان وتكەن پوشتا بولىمشەلەرىن اشتىق. استانا جانە الماتى قالالارىنداعى سيفرلىق كەڭسەلەردە كليەنتتەرگە روبوتتار مەن ماشينالار قىزمەت كورسەتەدى، ال شالعايداعى اۋىلدارعا گازەتتەر مەن جۋرنالداردى دروندار جەتكىزۋدە. ٴوزىمىزدىڭ پروسەسسينگ ورتالىعىمىز ىسكە قوسىلدى، اگەنتتىك جانە قارجىلىق قىزمەتتەردىڭ بارلىعىن كورسەتۋ ٴۇشىن ازاماتتاردى تەكسەرۋ جۇيەسى ەنگىزىلدى. ەلىمىزدىڭ ٴىرى بانكتارىمەن جۇمىس ىستەپ، alibaba group ساۋدا پلاتفورماسىمەن بىرلەسكەن جوبالاردى ىسكە اسىرۋدامىز، شىعىس پەن باتىس اراسىنداعى ٴىرى لوگيستيكالىق حابىنا اينالماقپىز. بۇل ٴبىزدىڭ ۇجىمنىڭ وتكەن جىلى جاساعان جوبالارىنىڭ از عانا بولىگى. بيىلعى جىلدى ٴبىز ساپا جىلى دەپ جاريالادىق. باستى ماقساتىمىز – كليەنتتەرىمىزگە جوعارى ساپالى قىزمەت كورسەتۋ»، - دەدى ول.

سونداي-اق، ساكەن سارسەنوۆ كومپانيانىڭ 2018-2027 جىلدارعا ارنالعان جاڭا ستراتەگياسى تۋرالى اڭگىمەلەپ بەردى.

«پوشتا بيزنەسىنىڭ ٴداستۇرلى بيزنەس-مودەلى ەسكىرگەننەن كەيىن، ٴبىز دامۋىمىزدىڭ ٴۇش نەگىزگى باسىمدىقتارىنا كوڭىل ٴبولۋدى شەشتىك، ولار: سيفرلىق ترانسفورماسيا; ەلەكتروندىق كوممەرسيانىڭ ەكوجۇيەسىن قۇرۋ; ۇيىمدىق ترانسفورماسيا. سونىمەن قاتار، بارلىق پوشتا قىزمەتتەرى ازاماتتارىمىز ٴۇشىن قولجەتىمدى بولىپ قالا بەرەدى. نەگىزگى قىزمەت تۇرلەرىنە ەرەكشە نازار اۋدارۋ جانە ۇسىنىلاتىن قىزمەتتەردىڭ ساپاسىن ارتتىرۋ ٴۇشىن بارلىق پروفيلدىك ەمەس قىزمەتتەردى (بايلانىس ورتالىعى، ات قىزمەتتەرى، ماگيسترالدىق لوگيستيكا) اۋتسورسينگكە بەرەمىز»، - دەپ اتاپ ٴوتتى پوشتا وپەراتورىنىڭ باسشىسى.

قازپوچتا باسشىسىنىڭ ايتۋىنشا، «سيفرلىق ترانسفورماسيا قىزمەتتەردىڭ ساپاسىن ارتتىراتىن ەڭ وزىق تەحنولوگيالاردى پايدالانۋعا مۇمكىندىك بەرەدى، ال ەلەكتروندىق كوممەرسيا ەكوجۇيەسىن قۇرۋ كومپانياعا ەلەكتروندىق كوممەرسيا نارىعىندا جەكە بيزنەستىڭ نەگىزگى ارىپتەسى بولۋعا مۇمكىندىك بەرەدى.

قىزمەتكەرلەردىڭ ماتەريالدىق جاعدايىنىڭ جاقسارتىلۋىنا دا ەرەكشە كوڭىل بولىنەتىن بولادى. مىسالى، 2018 جىلدىڭ باسىنان باستاپ وندىرىستىك پەرسونالدىڭ جالاقىسى 15%-عا ٴوستى، ال شامامەن 9000 قىزمەتكەرلەردىڭ سالىق اۋىرتپالىعىن ازايتۋ ٴۇشىن مەملەكەت باسشىسىنىڭ باستاماسىمەن سايكەس، تابىس سالىعى 2019 جىلدىڭ 1 قاڭتارىنان باستاپ 1% دەيىن قىسقارتىلادى.

قازپوشتانىڭ تاعى ٴبىر باستاماسى – «ەۋرازيالىق ترانسقۇرلىقتىق ٴدالىز» مۋلتيمودالدى كولىك ٴدالىزىن قۇرۋ، لوگيستيكالىق قىزمەتتەر سپەكترىن كەڭەيتۋگە مۇمكىندىك بەرەدى، ال ەۋرازەق-تىڭ b2c ەكسپرەسس-جەتكىزۋ نارىعىنا شىعۋ قازاقستاننىڭ حالىقارالىق نارىقتاردا قاتىسۋىن كۇشەيتەدى.

قارجى جانە اگەنتتىك قىزمەتتەر سەگمەنتىندە پوشتا وپەراتورى بارلىق قارجى ينستيتۋتتارىنىڭ «ۆيتريناسىنا» اينالىپ، بانكتەرگە ٴوزىنىڭ بولىمشەلەرى ارقىلى كليەنتتەرگە قىزمەتتەرىن ۇسىنۋعا مۇمكىندىك بەرەدى. post.kz پلاتفورماسىنىڭ نەگىزىندە قىزمەتتەر گيپەرماركەتىن قۇرىپ، سيفرلىق id، ينتەرنەت-ەكۆايرينگتى ىسكە قوسۋ جانە «ۇلكەن» دەرەكتەر نەگىزىندەگى ساراپتاما ناتيجەلەرىن قولدانۋ كومپانياعا سيفرلىق ترانسفورماسيانى وتكىزۋگە مۇمكىندىك بەرەدى.

«بۇگىنگى كۇنى ٴبىزدىڭ باستى مىندەتىمىز – ەلدەگى ۇزدىك سەرۆيستىك كومپانيا بولۋ. دۇنيەجۇزىلىك پوشتا وداعىنىڭ نۇسقاسىنا سايكەس، 20 جەتەكشى پوشتا كومپانيالارىنىڭ تىزىمىنە كىرۋدى ماقسات ەتىپ قويدىق. الداعى 5 جىلداعى كومپانيانىڭ كىرىسى 70%-دان استام ٴوسىپ، ەڭبەك ونىمدىلىگى 2 ەسەگە ارتىپ، جىلىنا 5،7 ملن تەڭگەگە جەتەدى دەپ جوسپارلاپ وتىرمىز»، - دەپ قورىتىندىلادى ساكەن سارسەنوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي