BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

ساعىنتايەۆ روبوتتاردى 1-سىنىپتان باستاپ وقىتۋ تۋرالى ايتتى

فوتو: Бауыржан Жуасбаев

استانا، baq.kz ٴتىلشىسى. قر پرەمەر-مينيسترى باقىتجان ساعىنتايەۆ استانادا ٴوتىپ جاتقان «digital bridge» حالىقارالىق يننوۆاسيالىق فورۋمىندا مەكتەپ باعدارلاماسىنا 1-سىنىپتان باستاپ ينفورماتيكا ٴپانىن ەنگىزۋدى قاراستىرىپ جاتقانىن ايتتى.

فورۋم قوناعى ەستونيا پرەمەر-مينيسترى يۋري راتاس ەلىندە «روبوتتى تەحنيكا» 1-سىنىپ باعدارلاماسىندا بار ەكەنىن ايتتى.

«ٴبىلىم بەرۋ دە يننوۆاسيا ٴۇشىن ماڭىزدى ەلەمەنتتەردىڭ ٴبىرى. ەستونيادا ٴبىز ٴقازىر 1-سىنىپتان باستاپ بالالارعا روبوتتى تەحنيكانى ۇيرەتىپ جاتىرمىز. بۇل وتە تانىمال ٴپان بولىپ وتىر. ويتكەنى ٴبىز وسىلاي العىشارتتارمەن جۇمىس ىستەسەك ەلىمىزدىڭ ەكونوميكالىق، سيفرلىق مارتەبەسى ٴۇشىن وڭ ناتيجەگە قول جەتكىزەمىز»، - دەدى يۋري راتاس.

باقىتجان ساعىنتايەۆ ارىپتەسىنىڭ «روبوتتى تەحنيكانى1-سىنىپتان باستاپ وقىتامىز» دەگەن سوزىنە جاقسى باعالاپ، قازاقستاندا دا وسىنداي باستامانى جۇزەگە اسىرۋ قاجەتتىلىگى تۋرالى ايتتى.

«ەستونيادا 1-سىنىپتان باستاپ روبوتتى تەحنيكانى ۇيرەتۋى كەرەمەت باستاما. ٴبىز مەكتەپتە ينفورماتيكانى 7-سىنىپتان باستاپ وقىدىق. مىسالى، بۇگىندە 7-سىنىپ وقۋشىسى مۇعالىمنەن دە كوپ نارسە بىلەدى. مەكتەپ باعدارلاماسىن وزگەرتىپ، 3-سىنىپتان باستاپ ينفورماتيكانى ەنگىزدىك. ەستونيا پرەمەر-مينيسترىنىڭ 1-سىنىپتا روبوتتى تەحنيكانى ەنگىزدىك دەگەن سوزىنەن كەيىن ٴبىز بۇل ماسەلەنى قاراستىراتىن بولامىز. 3-سىنىپتىڭ ٴوزى كەش»، - دەدى ساعىنتايەۆ «digital bridge» حالىقارالىق يننوۆاسيالىق فورۋمىندا.

ايتا كەستەك، بۇگىن استانادا «digital bridge» حالىقارالىق يننوۆاسيالىق فورۋمى ٴوتىپ جاتىر. بۇل اۋقىمدى شاراعا حالىقارالىق ٴىت-قوعامداستىق وكىلدەرى، تەحنولوگيا سالاسىنداعى بەلگىلى ساراپشىلار، كاسىپورىن باسشىلارى، تەحنولوگيالىق كاسىپكەرلەر مەن وزگە دە ەلدەردىڭ مەملەكەتتىك سەكتورلارى وكىلدەرى، عالىمدار، كاسىپقوي سيفرلىق ازىرلەۋشىلەر، سونىمەن بىرگە ۆەنچۋرلىق كاپيتاليستەر مەن ينۆەستورلار قاتىسىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي