BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

ساعىنتايەۆ كەڭجولاقتى ينتەرنەت قانداي اۋىلدارعا جەتكىزىلەتىنىن ايتتى

فوتو: Нұржас Жақсыбай

استانا، baq.kz ٴتىلشىسى. قر پرەمەر-مينيسترى باقىتجان ساعىنتايەۆ استانادا ٴوتىپ جاتقان «digital bridge» حالىقارالىق يننوۆاسيالىق فورۋمىندا ەلدىمەكەندەرگە كەڭجولاقتى ينتەرنەتتى جەتكىزۋ ماسەلەسىن كوتەردى.

«قازاقستان اۋماعى بويىنشا 9-ورىندا تۇر. ٴبىراق حالقىمىز از، ەلىمىزدىڭ ٴار جەردە ورنالاسقان. قازاقستاندا 7 مىڭ ەلدىمەكەن بار. ٴار ادامعا كەڭجولاقتى ينتەرنەت جەتكىزۋگە ٴبىزدىڭ قارجىمىز جەتپەيدى. ەڭ سوڭعى اۋىلعا ينتەرنەت جەتكىزگەنگە دەيىن تەحنولوگيا وزگەرىپ كەتپەي مە دەپ ويلايمىن. مۇنىڭ قاجەتتىلىگى بولمايتىن دا شىعار. سوندىقتان دا ٴبىز باسقا نۇسقانى تاڭدادىق. نەگىزگى اۋىلداردى دامىتاتىن بولامىز. بىزدە ولاردىڭ سانى مىڭنان اسىپ جىعىلادى. ەڭ ٴبىرىنشى كەزەكتە كەڭجولاقتى ينتەرنەت جەتكىزىلەتىن بولادى. ٴبىز بۇل جۇمىستى باستاپ كەتتىك. 2021 جىلعا قاراي اياقتايمىز دەگەن ويدامىن. وسىلايشا الدىمىزعا تەزىرەك شەشىلۋى ٴتيىس ۇلكەن مىندەت قويىپ وتىرمىز»، - دەدى ۇكىمەت باسشىسى «digital bridge» حالىقارالىق يننوۆاسيالىق فورۋمىندا.

ايتا كەتسەك، الداعى ٴۇش جىلدا 1200-دەن استام اۋىل كەڭجولاقتى ينتەرنەتپەن قامتاماسىز ەتىلەتىن بولادى. بۇل 3،5 مىڭنان استام مەكتەپتەر، اۋرۋحانالار، اكىمدىكتەر مەن باسقا دا مەكەمەلەرگە جوعارى جىلدامدىقتاعى ينتەرنەتكە قولجەتىمدىلىكتى قامتاماسىز ەتۋگە مۇمكىندىك بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي