BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

پاۆلودار وبلىسىندا بارلىق ەمحانا سيفرلاندىرىلدى

فوتو: Автор

پاۆلودار. baq.kz ٴتىلشىسى. ەرتىس وڭىرىندە «سيفرلىق قازاقستان» جوباسىن جۇزەگە اسىرۋ ماقساتىندا جول كارتاسى ازىرلەنگەن.

قازىرگى ۋاقىتتا بارلىق مەديسينالىق مەكەمەلەردە بىرنەشە زاماناۋي اقپاراتتىق جۇيەلەر ەنگىزىلگەن.

وبلىستىق دانساۋلىق ساقتاۋ باسقارماسى باسشىسىنىڭ ورىنباسارى ەرلان ەرجانوۆتىڭ ايتۋىنشا، سيفرلىق جۇيەگە كوشۋدىڭ ارقاسىندا وڭىردەگى ەمحانالار 300 ملن تەڭگە ۇنەمدەگەن.

«مەديسينا مەكەمەلەرىن كومپيۋتەرلىك تەحنيكامەن قامتۋ جۇمىسى قارقىن الدى. بۇگىندە 4269 اق جەلەڭدىنىڭ جۇمىس ورنى تەحنيكامەن جابدىقتالدى. ياعني، ۇجىمداردىڭ 99%-ى قامتىلدى. قالالىق جانە اۋداندىق ورتالىقتاندىرىلعان اۋرۋحانالاردىڭ بارلىعى ينتەرنەتكە قوسىلدى. اۋداندىق دەڭگەيدەن تومەن مەكەمەلەردىڭ 90،3%-ى عالامتور جۇيەسىنە قوسىلعان»، - دەيدى ەرلان ەرجانوۆ.

ۇستىمىزدەگى جىلدىڭ ساۋىرىنەن باستاپ، مەديسينالىق ەسەپتىلىك جۇمىسى قاعازسىز فورماتقا كوشىرىلۋدە. وسى جىلدىڭ سوڭىنا دەيىن كورسەتكىش 100%-عا جەتەدى. سالادا پاسيەنتتەردىڭ ەلەكتروندى دەنساۋلىق ٴتولقۇجاتتارىن جاساۋ ٴۇردىسى دامۋدا.

«بۇگىنگى تاڭدا 756 مىڭنان استام ەلەكتروندى دەنساۋلىق ٴتولقۇجاتتارى تىركەلدى. بۇل - وبلىس حالقىنىڭ 97،5%-ى دەگەن ٴسوز. بۇل جۇيەنىڭ كومەگىمەن سىرقاتتار سوزىلمالى اۋرۋلارى، قولدانعان پرەپاراتتارى تۋرالى اقپاراتقا قول جەتكىزە الادى. مەديسينالىق جۇيەلەردە جەكە كابينەت اشقانداردىڭ دا قاراسى قالىڭ. بۇگىندە 103 مىڭنان استام ازامات جەكە كابينەتتەرىنىڭ يگىلىگىن كورۋدە»، - دەيدى باسقارما باسشىسىنىڭ ورىنباسارى.

اعىمدىق ساراپتاما ناتيجەسىندە تۇرعىنداردىڭ دارىگەرگە ونلاين رەجيمدە جازىلعانداردىڭ سانى ارتىپ كەلەتىنى بەلگىلى بولدى. بۇگىنگى كۇنى مەديسينالىق اقپاراتتىق جۇيەلەر ارقىلى 2 ميلليوننان استام پاۆلودارلىق دارىگەر قابىلداۋىنا جازىلعان.

بۇل پاسيەنتتەردىڭ جەكە ۋاقىتتارىن 17 مىڭ ساعاتقا ۇنەمدەۋگە مۇمكىندىك بەردى. ال كەزەكتە تۇرۋ ۋاقىتى 30 مينۋتتان 15 مينۋتقا قىسقاردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي